بسم الله الرحمن الرحيم ...

السلام عليكم ورحمة الله وبركاته .. ..



انا موظف و الله الحمد بعد ما كنت عاطل لمدة سنة وتوظفت في شركة ووظفتي موظف استقبال ولي 8 شهور
و الراتب 3000 ريال .....(قطاع خاص)

ف 3 شهور الاخيره مديري ( مدير الموارد البشرية ) في الشركه صار يكلفني بشغله واهو يجلس ولا يسوي شي طبعا حتى وصلت فيهة الدرجه انه يكلفني شغل ميداني وصار معي نظام استغلال مع العلم بعض الاحيان يرفع صوته علي ويهاوش اذا شفني ما سويت شي من شغله وانا من النوع الي امشي واسمع من هنا واطلع من هنا بس كل شي له حدود ( هدوء قبل العاصفه ) .. .. طبعا انا احتجيت الى الاداره وقلت لهم بلي يصير واني رافض اني اشتغل شغله ولكن الجواب كان .... ( رح كلمه يعني حنا مالنا شغل فيك انت وياه ) ...... وللمعلومية ( الادارة لبنانين ) ...



افيدوني قبل لا اسوي شي لا يحمد عقباه ـ

شكلهم يبون يطفشونك
الشركة فيها بنات او هم يبون يوظفون بنات ويعيشون جوهم

انت معك 8 شور خبرة في الاستقبال واذا عمرك لسه اقل من 21 فاحمد ربك تراك على طريق صحيح ما يضرك شي تبحث عن فرصة في مكان اخر

لا تخليهم يفصلونك انت قدم على وظتايف ثانية وشوف نصيبك
شوف المستشفيات الكبيرة والشركات المدرجة في السوق

ان عمري 24 سنه ومن ناحية الفصل صراحه ماني شايل همه ....

والحمد الله وانا حصلت وظيفه براتب 5600 بشركه ثانية ... غير المكافات و الحوافز ... لكن اني اتنظرهم على احر من الجمر ..

و الحمد الله على كل حال ...

بس ما جاوبتني الشركة فيها بنات تراهي تفرق كثير ههههههه

لا اكيد ما فيها بنات ...

خخخخخخخخخخخخيبون يقلعونك عشان يوظفون بنات ههههههههههه
انت ولد واسمراني وش يبون فيك ههههههههه

لكن اخوي الحمد لله انك لقيت لك وظيفة بهالراتب اللي تقول عليه، اللهم لا حسد الله يوفقك بس انا على كثر ما لفيت ما يعطوني الا 4000 كحد اقصى ما معي الا ثانوي بس
انت وش معك ؟

الا اذا احتسبو خبراتك اكيد تفرق
شف انت اذا جديت واجتهدت وكطورت لغتك الانجليزي يعني بس لو تعرف انجليزي يا شيخ بتصك العشرة الاف بعد سنة سنتين ويمكن ما يوصل عمرك 30 الا وراتبك 15 الف

اهم شيء اللغة يا ولد
وسلام
جعل دربك خضر

اول شي مايحق له يرفع صوته عليك النظام مايسمح له واذا رفع صوته مره ثانيه عطه ظهرك وروح لمكتبك واتركه يبربر لوحده

ثانيآ اذا أنت موقع عقد بوظيفة استقبال أرفض أنك تطلع ميداني الا اذا مره او مرتين بالكثير غير كذا قول أنا وظيفتي استقبال وتشرط قول وفر لي سيارة ووقود وابشر أخلص اشغالكم الميدانيه غير كذا ما اقدر استخدم سيارتي الرفض يكون شفهي لا تكتب ولا توقع اي خطاب والا ورقة بالرفض

ودام بينك وبينهم عقد ماراح يقدرون يفصلونك بهالاسباب لان وظيفتك تختلف عن المكلف فيها

واذا أنت تبغى تمشي نفسك شوي عندهم وتستحمل لما تحصل افضل منها راجع لك ولصبرك

والله يكتبلك الخير

اذا كان العمل فيه فايدة وخبرة لك استمر مثل طباعه على الكمبيوتر تشيك على ارواق ماليه وهكذا اما اذا كان توصيل طلبات وحاجات للعمل والبيت

انت تحملته 3 شهور اكيد فيك تتحمله لاربع شهور علشان مصلحتك وهي انك تاخذ خبره مدة سنه علشان مو حلوه بحقك تاخذ خبره 8 شهور او 9 ايش بقي على السنه لانو لما بعدين تقدم على وظيفه اكيد راح يسألوك بالمقابله الشخصيه ليش ماكملت لسنه واذا
تكلمت عن الشركه وانتقدتها بياخذو فكره انو انت تفضح بالشركه هههه وانك غير مرن او متعاون
وان سكت وماعلمت بيقولو هذا مافيه يتحمل لسنه اجل كيف بيستمر معانا واضح انو يبغى يطفشك ويستغلك وانت اقهره بسكوتك وخليك زي الثلاث الشهور هذيك


وعلى فكره ترا ذولا اللبنانين والمصاريه والاجانب سبحان الله فيهم قوة تحمل عجيبه تراهم يعاملو بأسوء منكم يالسعوديين لكن يتحملو ويضغطو على نفسهم والمشكله يستمرو في عملهم علشان كذا الشركات الخاصه تحبهم

و عليكِمَ السلامَ و رحمة اللهَ
أنا اتفق مع اختي بنت متعب برأيها اضغط على عمرِكْ 4 اشهرَ عشان تكون خبرتك سنـةَ و انتبه تسحَب عليهم قبل لاتوقع عقدك مع الشركِةّ الثآنيـِةَ , الله يوفقـِكْ و ييسر لُـِكَ