حسبي الله ونعم الوكيل هذا ما اقول

لورا القمر · #1 (**permalink**) 20-02-2013, 08:05 AM

السلام عليكم ورحمه الله وبركاته

بخصوص ملتقى التوظيف الاخير الي عقد في قصر ابهاء وجينا من اخر الدنيا ورحنا قدمنا هو ملتقى جيد ولفته جيده لنا من الجنسين صح لكن
بعدها با اسبوع جتني رساله لدوره تاهيل معلمه رياض اطفال لمده اسبوعين أنبسطت وقلت الحمد لله جاء الفرج دقيت عليهم قالوا تدفعين الفين وتسجلين اسبوعين قلت وبعدها انتم تختارون لي مدرسه وتوظفوني قالوا لا انتي خذي الشهاده ودوري يمكن القى ويمكن انطرد
في اسبوع الفين لدوره تاهيل معلمه والسعر المبالغ فيه يعني انا الي بدفع راتب الاستاذه على ما اظن وين دور ملتقى التوظيف والفين وظيفه طرحوها راحت لا اهل الواسطات وميزانيه إداره التعليم حسبنا الله عليهم ولو معي الفين احطها في دوره اسبوعين مادورت وراء وظايفكم لا بارك الله فيكم لا وكمان انتي خذي شهادتك ودوري يعني ماكني استفدت شي انا قسمي رياض أطفال ومؤهله ولادراستي 16 سنه كانت لعب حسبي الله ونعم الوكيل بس
ماخليت روضه لين سجلت فيها ووديت ملفي لهم ومنهم مدارس الرواد الي يكلموني كم مره لاحظوا كم مره مو مره وحده واروح ويختبروني يعني قبول نهائي وبعدها تجي وحده من سكان القاعده وتتوظف وظيفتي ومرتين صار الموضوع معي زي الحلاوه تتوظف وحده من سكان القاعده ويكون ابوها ضابط بالقاعده يعني الامر واسطه وغش قدام العين بالعامي لكن من نشتكي له غير رب السموات والارض والله لايوفق كل غشاش من مديره الروضه الي اخر مسئول فيها
وفي نفس الاسبوع أختبار قياس وأدفعي كمان 200 وش أدفع له وش اخلي وطبعا ما استطعت ادفعها واخرت امتحاني لسنه الجايه الله لايوفق من حط الرسوم للأختبار ولامن نزل قراره اصلا محدودين الدخل وش يسوون الي ماعنده الا الف في الشهر يسرق مثلا يهرب ولاوش يسوي ما اقول حسبنا الله ونعم الوكيل حسبنا الله ونعم الوكيل على كل من يعقد أمور المسلمين الله ينتقم منه وحسبنا الله ونعم الوكيل

اذا بدايه ملتقى التوظيف ادفعي 2000 مستحيل ننتظر الخير من الباقين الله يعوضنا خير منه وخلوا الكذب علينا تعبتونا وربي تعبتونا تعبتونا