بسم الله الرحمن الرحيم


السلام عليكم ورحمة الله وبركاته

مساء الخير على الجميع .....اخواني اخواتي ..



معكم خريجة حاسب الي دعم فني من كلية التقنية للبنات وانا ودي بالابتعاث الخارجي لغة جيدة ولله الحمد وطموحة بالدراسة ...لكن ابتعاث المؤسسة حاطين شرط اجتياز اللغة الانجليزية وانا في منطقة ليست فيها هذا البرنامج طيب لغتي زينه وش السواة يااانااس ..عادي اخذ التوفل والاتليس ؟؟





انا فاقده الامل بالابتعاث الحكومي لكن وش السواة نحاول الابتعاث على الخاص لكن وش الطريقة ؟؟

مو شرط البرنامج طالبين درجات معينة في التوفل والثاني

أنا الي أعرفة
أغلب الجامعات تقبل التوفل كثبر وأيضا ايلتس
بس لازم تراجعين المؤسسة

ب- يتم النظر في وضع المتقدمين والمتقدمات الحاصلين على درجة لا تقل عن 4 في اختبار تحديد مستوى اللغة الإنجليزية (IELTS) أو ما يعادلها من اختبارات إجادة اللغة الانجليزية المشابهة والمعتمدة دولياً بحيث:
- تتم المفاضلة بين الحاصلين على درجة لا تقل عن 4 في اختبار (IELTS) أو ما يعادلها، مع المجتازين لبرنامج اللغة الإنجليزية المكثف التابع للمؤسسة وفقاً لمعايير المفاضلة المعمول بها في البرنامج.
- يتم إعطاء أولوية عن طريق إضافة وزن للمتقدمات الحاصلات على درجة لا تقل عن 4 في اختبار (IELTS) أو ما يعادلها.

اذا مايمديك تاخذين برنامج اللغه الإنجليزيه ، اختبري إيلتس وحاولي تجيبين فوق الاربعه والأفضل لك من اربعه ونص إلى خمسه

وراح ياخذونك بإذن الله ،

لاتطلعين على حسابك ما أنصحك ، لان هالابتعاث التابع للمؤسسة العامه مربوط ب رقم وظيفي يعني تطلعين تدرسين وترجعين ب وظيفتك عندهم ك مدربه وهذا شيء جميل صراحه

اما اذا طلعتي على حسابك ، نقول مثلاً اربع شهور إلى خمس وراح تنضمين إلى حساب الحكومه لكن بترجعين ب شهاده دون وظيفة انتي ورزقك

وصلت الفكرة ؟

موفقه خير ،

الله يوفقك يا بعد المدى على الافاااادة .....واللي عنده معلومات يفيدنا أكثر ..

انا خريج دعم فني

ياليت لو احد يعطينا اسماء الجامعات اللي تدرس هذا التخصص في امريكا