سوي لك موقع على الانترنت مخصص لتسويق العقار ,
وسوي استضافة وسوقي للموقع للقاعدة اللي عندك بحيث انهم يجون ويعرضون المكاتب والمباني والفلل والقصور والشقق اللي عندهم بالصور ومعلومات البيع ورقم التواصل الخاص بهم في موقعك
ويكون اللي يبي يعرض منتجاته عندك يدخل بإشتراك شهري او سنوي , مع اسبوع مجاني كتجربه لهم
او يكون مجاني ولكن وقت البيع يكون لموقعك نسبة قدرها 5% او 10% من قيمة البيع وتكون بذمة البائع اللي عرض منتجاته في موقعك
وأنتي يكون دورك ادارة الموقع والتسويق للموقع والتسويق للمنتجات اللي يعرضونها عندك من فلل وقصور ومباني , لقاعدة البيانات اللي عندك , او تجمعين معلومات وبيانات لناس يبحثون عن فلل او شقق ارقام جوالاتهم وايميلاتهم وترسلين لهم بشكل دوري ..
هذي فكرة بسيطة حبيت اضيفها , خصوصا ً أن التجارة الالكترونية اليوم لها دور كبير وإدارتها سهلة خصوصاً للإناث
كذلك التوظيف , بإمكانك تتعاقدين مع احد الشركات وتقولين بأجيب لكم موظفين وتكونين انتي منسقة توظيف وأنتي في بيتك , تطرحين الاعلانات في الانترنت وتستقبلينها وتنسقين مع المرشحين وترسلينهم للشركات عن طريق الايميل والمكالمات الهاتفية . وتأخذين حقك من الشركة اذا توظف الشخص المرشح اما مبلغ مقطوع او نسبة تحددينها معهم
وهذا بيكون ارخص بالنسبة لهم وفايده لك , وعمل من بيتك .
21-02-2013, 06:02 PM
مشروع تسويق عقار
العرض العادي
