سلام عليكم ورحمه الله وبركاته

حبيت افضفض لكم لاني من جد محتاج افضفض واخرج كل الي بقلبي وخاطري على الاقل ارتاح شوي احسن من اني اكتمها .. ،
الحقيقة ماني عارف من وين ابدأ أو وش أقول .. لكن الي بقوله ان ابوي وامي في العقد الخامس من عمرهم وماذاقوا طعم الحياة .. وكل حياتهم تعب وشقى وهم وغم وقلق ومشاكل وديون وقروض تسدد إلى يومكم هذا ..
دايم اسرح مع نفسي وافكر كثير واحلم كثير .. كل الي شايل همه هو ابوي وامي ودي لو انهم ينعمون بحياة سعيدة وكريمة قبل لا يموتون او يعجزون مرة ..
لان خلاص ماباقي على شي في الـ 50 الحين ماباقي شي يعني ماني عارف وش اسوي والله مدري ياجماعة احسني مكسور شسوي انا ابيهم ينبسطون يعيشون حياة رائعة وحلوة يعيشون اجواء خيالية يحققون امنياتهم يشترون الي يبونه قبل لا يموتون او كبر السن يسيطر عليهم
والله العظيم انهم ماعمرهم سافروا برى المملكة ..
والله من اشوف تقارير ناس بالنت عن سفرياتهم لـ تركيا لـ النمسا لـ النرويج لـ سويسرا لـ ألمانيا لـ فرنسا مع أهاليهم اني والله قليل وتنزل دمعتي ودي لو اهلي مثلهم يسافرون وينبسطون ويتصورون ويشوفون هالخضار وينسون هموم الدنيا ويعيشون احلى لحظات حياتهم بس الفلوس يناس الفلوس
ودي اشتريلهم الاشياء الي يتمنونها من اثاث بيت وسيارة فخمة وبيت جديد بس الفلوس
ودي لو اسوي سنون امي وابوي عند اطلق مستشفيات الاسنان بدبي بس الفلوس
ودي ودي ودي ... والله انا مابي شي من هالدنيا الا سعادتهم انا راح اعيش كثير ان كتب الله اني اعيش بس هم لا خلاص كبار ف ب ودي هالاشياء هذي تتحقق بسرعة قبل لا يموتون لا قدر الله او كبر السن يسيطر عليهم ويخرفون ويعجزون مرة وساعتها ماينفع ذا كله
ابوي معه اكتئاب شديد جداً ومريض الله يشفيه وخلاص قنع من هالدنيا وده يموت وحياته عبارة عن نوم منسدح بالسرير يفكر كيف يسدد الديون صلاة وقراءة قرآن والله ذي حياته بس
امي كل يوم بقلق بسبة الحالة المادية

.................................................. ................ الله يعين

السلام عليكم


عليك بصلاة الليل والدعاء

تشكي للناس والله موجود اشك حالك لله,سبحانه,,,,,,,,,,لأنه على كل شيء قدير

أما البشر مابيدهم شي

الله يعينكم قول يارب واجتهد بتحصيل رزقكم السعاده وانااختك موبالسفر ولاغيره السعاده لمايشوفونك ناجح ومحقق طموحهم بالحياة كلنا علينا قروض وفينا امراض بس ماجلسنا واستسلمنا حاول تبحث عن شغلة تتقنها وتبرع فيها تفتح عليك باب رزق الله يحميك لشبابك ويبعد عنك اولاد الحرام والوالد خليه يقدم بالتاهيل الشامل عسي يقبلونه وسويله تقرير عن حالته وقدم له وفالكم العافيه يارب الله ييسراموركم

الله يحفظ لك شيبانك ويمدهم بدوام الصحه والعافيه وانا اخوك الدنيا هذا حالها وعسى ماشانت يوم بتزين لك أيام بس عليك بالدعاء وصلاة آخر الليل ترى لها فضل عظيم لايعرفه الا من اداها على وجهها الأكمل وانت روح هنا وهنا دور لك مدخل رزق عسى تفتح به أبواب السعادة وتنفرج عليكم .
بالتوفيق لك والله يعينكم .

يااااارب يا كريممم انك ترزقه ع نيته الطيبة
لانه يبي سعادة والدينه

ي أخوي الدنيا بخير و الله بخير اذا فيه احد يفكر نفس تفكيرك
أنت اصيل و سلم لي ع اللي ربوك

كلامك حرك فيني أشياء
الواحد كل همه نفسه

بس صدقني لو شافوك ناجح بحياتك و الله فرحتك
تسوى عندهم الدنيا و مافيها

هم شيبان كبار في اشياء تسعدهم اكثر من السفر
اجلس معاهم , فرحهم بهدية , ادع لهم بصلاتك , تصدق عنهم , تمشى معاهم للبر او البحر

اكسبهم بالدنيا و الآخرة و أنا أختك

" بخصوص دين الوالد قدم ع الديوان الملكي و بإذن الله يسددونه عنه"
و فيه الضمان الاجتماعي اذا أبوك مسجل عندهم يعطونه مقطوعة كل سنة بقيمة 30,000 الف
و التسجيل عن طريق النت


و ترى ضيق الحال اللي انتوا فيه ما يدوووووم و الله بتنفرج عليكم
و بتضحك ع أيامك اللي ضقت فيها
اتكلم لك من تجربة صارت لي شخصيااا

عندنا رب كريييييييييمم بس جرب و ارفع يدينك اخر الليل

بالتوفيق ,, ان شاء الله نسمع عنك كل خير

الله يرزقهم طولة العمر وبرك لهم ويحسن خاتمتهم وخاتمتك يا رب

[align=center]قلـييييييل جـدا جــدا من يفكـرون بنفــس تفكيـــرك

الله يوفقك في كل ماتتمنـاه
[/align]

الله يفرجها

آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ
آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ
آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ
آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ
آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ
آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ

هذي الدنيا وهذا حالها
محد فيها مرتاح كلنا عندنا هموم الله وحده الي عالم بالحال
لا تضيق صدرك وكل شي من عند الله حلو
والحمدلله بقدر مانتألم ونسعد
أنت حاول تسعدهم باي شي تقدر عليه حتى لو باأبتسامه منك بكلمه حلوه ومعامله طيبه
الكلمه الطيبه والحنان من الأبن لي امه وابوه تسووه عندهم الدنيا

الله يفرجها عليك يارب وعلى والدينك ويفتحلكم أبواب الخير ويرزقكم برزقه الكبير يارب
ويحقق لك كل الي تتمناه يارب