أبيات مختارة,,

بسكويتة · #1 (**permalink**) 20-05-2008, 07:11 PM

من دون اي مقدمااااات

انتهـت قصـه غرامي قبل لا تبدي بثواني
و أنهـدم حلم(ن) بنيتـه قبل لا يظهر اساسه

لي متى والقلب ظامـي لي متى رد يازماني
تهت في دنيا غرامي وانتهـى حبي وحماسـه

دمر أفكاري وشوقي وزود بعقلـي جنانـي
حطّم أحلامي وهدّم مـا بقى لي من وناســه

صابني ما صاب غيري في هدم كل الأمانـي
حاول قليبي يكابر طـاحت الدنيــا براســه

ليتني أعرف خطايـا وش هو ذنبي يالاناني
ليت يوضح لي غموضه شنهو وضعي بين ناسه

احترق قلبـي بزيفـه وبأكـاذيبه عمـاني
مـا كفـى حرقة قليبي زود النـاقص وداسـه

سكر الدنيـا بوجهـي و بالاعيبه جزانـي
دمر إحساسي بجوفـي ثم سقانـي مـر كاسـه

رغم كذبه وانحرافه افقـده ... ربي بلانـي
ليتني لو مـره افهم وش براسـه من سياسـه

أثـر بقلبـي كلامـه ليـت أثر به جنـاني
مـا نفعنـي ولا لقيـت الا الخيانـه والبلاسه

غصت أنا بعماق حبه لين غرّقني ورماني
غصت بمحيطه وقـاعه لين طيحنـي بدراسـه

انتهى حلم(ن) بنيته وأنا ما زلت ابمكانـي
انتهـى أي والله أدري و أنهـدم راسه وساسه

م/ل

بسكويتة · #2 (**permalink**) 20-05-2008, 11:15 PM

أضحك مع الناس وكني متهني.....وناضايق ودمعي تحت خدي..

أكتم أسراري وناتعبان من همي...

يارب وش ذنبي انا..وش سويت في عمري....

ماقدرأقول اني خاليه من الذنوب...كل عبدوأمه له/ـهازلات وعيوب..

آآآآآآهـ يادنياي ويش اللي جرالي....

مال حظي عقب ماكانت مقــــــــامي...

آآآآآآآهـ يايمه من قسوة زماني...ضاعت أحلى أيام العمرقدامي....

العلاقه والمحبه صارت بس كلامي....
الأخوهـ والمروهـ كلهاغش وخصامي...

(كلن يدور لك الزلــــــــــه.. ويحسب عليك ألف غلطه وغلطه)

Mo chuisle · #3 (**permalink**) 21-05-2008, 03:40 AM

اقتباس:

المشاركة الأصلية كتبت بواسطة بسكويتة

رغم كذبه وانحرافه افقـده ... ربي بلانـي
ليتني لو مـره افهم وش براسـه من سياسـه

أثـر بقلبـي كلامـه ليـت أثر به جنـاني
مـا نفعنـي ولا لقيـت الا الخيانـه والبلاسه

صح لساااااانك بسكويته على الاختياااااااار الجميل

ومبرووووك الاشراف ... وعقبااااال المناصب العليا في الحياة العملية إن شاء الله

واسأل الله لك التوفيق والسعادة

وسلمت يداااااااك على الكلمات الرائعة

زيدان · #4 (**permalink**) 21-05-2008, 03:45 AM

يعطيك الفــــ عافيهـ يابسكويتهـ ع الأبيات الجميلة ..

مَاجِد · #5 (**permalink**) 21-05-2008, 03:46 AM

يسلمووووووو بيسو ابيات رائعه

Dark angel · #6 (**permalink**) 21-05-2008, 03:51 AM

صح لسانك يابيسو
بس الظاهر ان الدعــوه كل(ن) فينـا يسجل له بيت مختــارٌ..والى انا غلطـان....عموما انا مدرعم وحاط لي مختاره
+++

[IMG]http://el9ane3.******.com/Qombelat.jpg[/IMG]

::

قول عــادي .. بالي الليلـهـ طويل ..
شُوف لِك عذرٍ قديــمٍ / وقبِلَهـ !!

لا تحاتــــي...
قلبي مِتعَوِّد يشيل :
( الجُروح ) اللــي تجـي له مُقبِلَهـ

" طيبتـي " صارت مثل ( كف البخيل )
أيِّ شَي طايـح .. تِشُوفـه ؟ تحمِلَهـ

و " عزِّتـي " تقـدر تِسَمِّيها : النخيل
لأنـي شامِـخ .. والعواصف قاتِلَهـ

وعادي جداً .. إنِّـي الليله ( عليل ) ..
الحزنــ : يحْسِبني واحد مِنْ هَلَهـ !!

ومـو غريبهـ .. لـو تِمَنِّيت الرحيل
البقاء.. أحيـان يعنـي .. البهذلَهـ !!

في غيابــك .. ما لَهَا الضيقه / مثيل ..!
وربِّـــي اللِّـي .. ما يشــاءه يفعلَهـ

مِـنْ يلاقـي لدنيتـي هذي بديل ..؟
خل يجينـــي أي شخص .. أبَدِّلَهــ

وعيب راسي لا بغى شي " مستحيل "
يوصله مـو طيب .. غصبٍ يوصلَهـ

ليه راجع ؟! ليه ذاكر ..؟ يـ الأصيل ..؟؟
إنت ضايق .. ؟! في خطأ بالمسألَهـ !!

وليه تبكي مِنْ كلامي يـ الدخيل ..؟
المشاعــر .. ما لَهَـا بقلبك صِلَهـ ؟!

و( البلا ) .. إن حَبْ رجــــالٍ " ثقيل "
ينسى مِن حُولهـ ويسْمَع ( مُذهلَه ) !!

مِن عرفتك .. ما بقـى بـ اليَـد .. حيل
ولو بكيفي ..؟ [ قلبـي ] محدٍ يدخلَهـ

ومِن عرفتِك .. حظِّـي العاثــر يميل ..
أعتــرف لِكْ .. إنِّي ( عاجـز ) أعدِلَهـ !!

فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بأرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذانـي المُوت إترك قال وقيل ..
قــول هـ الجُملـه .. وخـطاك محلِّلَه :

[ ربِّي إلهَم أهلـهـ الصَبر الـجـَميل
وإرحمـه يـــارب وإحسِن مـدخلَـه ]

::

بسكويتة · #7 (**permalink**) 21-05-2008, 09:02 PM

ضـــــــاق صـــــــدري ورحـــــــت يــــــــم الــطــبــيــب
نـظــر فـيـنــي وقــــال ايــــش فــيــه حــالــك يـاغـريــب
قلـت:فـيـنـي احــكــي وتـسـمـعـنـي لـلاخــيــر ياطـبـيــب
والـقــى دواء لعـلـتـي ورجـــاي ظـنــي فـيــك مـايـخـيـب
سـألـنـي:مـن مــتــى وانــــت هــــذه حــالـــك يـاغــريــب
قـــلـــت لــه:ســنــه وانــــــا حــالــتــي فــيــهــا كــئــيـــب
والــــدمــــع فــــــــوق خــــــــدي يــــجــــري ســكـــيـــب
مــن فـجـري احـــس انـــي تـايــه وحـيــد لـحــد المـغـيـب
حـتــى وسـادتــي اشـتـكـت مـنــي مـــن كــثــر الـنـحـيـب
مــن كـثــر هـمـومـي نـاظــر اشـلــون وجـهــي شـحـيـب
صــرت كــل يــوم احــس انــي بـوضـع مـؤلــم رهـيــب
كل من شافنـي قـال تـرى حـاك ياجريـح صايـر غريـب
مـن زود مافينـي يومـي يمـر احـس ربـي علـي غضـيـب
ادعــيـــه وارتـجــيــه انـــــه يــكـــون مـــعـــي قـــريـــب
ويخـفـف عـنـي مابـلانـي ومنتـظـره دعـوتـي تستـجـيـب
الطبـيـب:تـرى حـالــك مـوغـريــب مضـيـعـلـك حـبـيــب
قلـت:ااااااااه حبيـب يـوم شفتـه وقلـت هـذه هــو النصـيـب
اثـاريـه جــاء نصيـبـي بـــس عـيــا بحـيـاتـي مايـصـيـب
الطبيب:ترى دواك بشوفته وبضمة صدره حياتك تطيب
تــبـــســـمـــت وقـــــلــــــت اشـــــلــــــون يــاطـــبـــيـــب
=======================
ســنــه غــايــب عــنــي وعــــن نــظــر عـيــنــي بـعــيــد
سـنــه والـجــرح بـقـلـبـي كــانــه تــــوه مـبـتــدي جــديــد
مـافـي طبـيـب للهوى والـقـى عـنــده لعـلـتـي شـــي يـفـيـد
======================
الطبيب:ضـحـك وقــال الا الـهـوى مـالـه دواء يـاجـريـح
قلت:تصـدق ماتوقعـت بيجـي يـوم وبالهـوى قلبـي يطيـح
مــن يــوم مـاقـال احـبـك وابـيـك قـلـبـي تـلـعـق بالمـلـيـح
لعنبـوه مـن سبتـه صـرت كـل يـوم اسمـع شبـيـه الـريـح
فيـنـي الــم بداخـلـي مـــن قـوتــه اسـمــع قلـيـبـي يـصـيـح
متـى يـزول منـي هـذه كـلـه وانــام وخـاطـري مستـريـح
بسالـك ليـه الـهـوى بهالـزمـن عـطـر النـذالـه مـنـه تفـيـح
نصحيـه يمكـن تنفعـك ياطبيـب ولاتنسـاهـا مــن جـريـح
اللي يوعدك انه يبقى معك ترى موشرط كلامـه صحيـح

رسيل القحطاني · #8 (**permalink**) 21-05-2008, 09:27 PM

روعة الابيات يسلموووو

Dark angel · #9 (**permalink**) 22-05-2008, 02:04 AM

ما تغيَّر شي .. لكن .. صار فاضي هالمكـان

يعني إنتَ شفت قلبي طحت مِنْ عيني وعينـه

كان لك قلبي مدينه ولاحظ إني قلت : ((كان))

يعني إنتَ الحين واحد ((خارج حـدود المدينه))

ليه مستغرب كلامي وليـه أعطيـك الأمـان

وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان

الخطــا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان

كيف إيدك إطعنتني وآنا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان

لو تبــوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )

وإنتَ قلبي ما كرمته وما قدرت إنِّـك تهينـه

( عزِّتـي ).. ما هي جديده آنا شامخ من زمان

إغسل إيدك من رجوعي وروح يا إبن (....)

طاب خاطر قلبي منِّك وهذي الفرقـى رهـان

وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان

وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتين وثمـان

أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان

اخاف تزعل لو ألومك ضعت ما بينـك وبينـه

في عيون الناس عادي بس في عيني جنـان

وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان

المحبه في زمانك بحـــرها من غيـر مينـه

الفشل .. كان النتيجه وأعتقـد آن الأوان

أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان

يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟؟

الله يرحمها المشاعر اللي كانت لـك رهينـه

قلت لك قلبي ( مدينـه )فيها لك حشمه وشان

لكن إنتَ الحين أغرب شخص في هذي المدينه

كيبورد · #10 (**permalink**) 22-05-2008, 08:32 PM

يسلموووووووو بيسوووووووووو..

أبيات مختارة,,

الشعر والنثر

من دون اي مقدمااااات انتهـت قصـه غرامي قبل لا تبدي بثواني و أنهـدم حلم(ن) بنيتـه قبل لا يظهر اساسه لي متى والقلب ظامـي لي متى رد يازماني تهت في دنيا...

أبيات مختارة,,

تسجيل الدخول

أبيات مختارة,,

الشعر والنثر

من دون اي مقدمااااات انتهـت قصـه غرامي قبل لا تبدي بثواني و أنهـدم حلم(ن) بنيتـه قبل لا يظهر اساسه لي متى والقلب ظامـي لي متى رد يازماني تهت في دنيا...

أبيات مختارة,,