قصة واقعية .. حصلت في ليلة الدخله



اليكم القصه ..


شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :


الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
..
..
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق .. عشاكم الليلة عندي) قل تم
المتصل : يا ابن الحلال مايصير انت عريس جد و.. و..
\
/
" المهم مافيه فايده ... الزوج مصر الا يتعشون عنده "
الزوج : يالله انا انتظركم .. مع السلامه !!
وقفل الخط
الزوجه المسكينه ما هي مصدقه اللي سواه زوجها ليلة الدخلة
..
..
ثم قال : يافلانه .. انا رايح السوق وراجع
..
" على بالها يبي يجيب عشاء جاهز "
..
..
بعد ربع ساعه رجع الزوج ومعه اغراض العشاء
قالت الزوجه : وش ذا ؟؟؟؟؟
قال : الله يسلمك قومي سوي العشاء لزملاي في العمل ،، جايين من بعيد وما بعد تعشوا
..
..
وفي أثناء الحوار،،، " الباب " يدق .. .. .. " دندن ... دندن .. دندن "
\
/
قال : هذولا " هم " وصلوا ،، يالله همّه يا مره !!!!!!
وراح عند ربعه .. يقهويهم
/
\
المهم المسكينه في المطبخ تقطع " البصل والطماط " بفستان الزفاف ، وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء ،، وتعشوا .. وراحوا لديرتهم
\
/
العروس ..المسكينه .. متضايقه
..
..
والمفاجأة !!!!!!!!
/
\
/
\
يدخل زوجها عليها .. ويرمي لها ( 50.000 ) خمسين ألف ريال ،، قال : هذا حقك ،، قالت له : وش حقه ؟؟؟
..
..
قال الرهان اللي بيني وبين زملاي العشرة ،، على كل واحد (5000) بأنك تطبخين " ليلة الدخلة " وش يكون ردة فعلك موافقه والا .. لا وانتي من كسب الرهان !!!!!!!!
..
..
وتمت " ليلتهم " على خير وصاروا اسعد زوجين



بصرااااحه .. لو كنتي مكان هالبنت تسوينها والا .. لا .. ؟؟؟؟؟؟؟


((أشك في صحة القصة))

م ن ق و ل

اسلق لهم بيض

ههههههههههههههههههههههههه
قصة حلوة والله
لو كنت بدالها كان فشلت في هذا الامتحان وخليته قصة على لسان اللي يسوا واللي ما يسوا

لو انى مكانه رفضت وماسويت عشاء
بس الحمد لله

الحمد لله

اشكرك على هالموضوع بس بصراحة...........بنت رجال راعية مواقف

بس لو انا مكانها ماعملتها وانا بنت ابوي ........

ما اخفيكم سبق وأن قرأت القصة
وبعد زواجي بيومين قلت لزوجتي هذي القصة وكانت ردة فعلها عنيفة تجاه هذا الزوج
وعند سؤالها ماذا لو كنت انتي هذهي الزوجة ؟
صمت ****** ثم تفكير عميق*********ثم جواب ؟
طبعا ما رح اقولكم الجواب لكن أحب أقول لك فتاة لم تتزوج بعد لا تتسرعي في الحكم بانك سوف ترفضي او ترجعي عند اهلك او .......... الخ .
تنفيذ الطلب او عدم تنفيذه يعتمد على نوع العلاقة بين الزوجين فإن وجد الحب الحقيقي والاحترام بين الزوجين وخاصة من ناحية الزوجة فالمراءة اذا حبت انسان تقدم له كل ما تسطيع بحيث اذا استطاع الزوج ان يوصل للمراءة مقدار أهميتها في حياته سوف يعيش مقدار أكبر من السعادة .

هههههههههههههههه ===========> عجبتني القصه بسويها واجلس اضحك على الحرمه


تحياتي..