طريقة الحصول على تمويل من برنامج ريادة ( عاطلين - موظفين )

تلطيرالعاطل · #91 (**permalink**) 18-06-2013, 03:05 AM

[align=right]ابي مساعدة بخصوص ريادة

أنا قدمت عليهم عن طريق النت وجاتني رسالة بالموافقة المبدئية وموعد المقابلة

لكن ان خبصت في إدخال بعض البيانات كيف اعدلها ؟
طبيعة نشاط المشروع
ورشة صيانة تكيف مركزي
ارجو المساعدة[/align][align=center][/align]

بريزونر · #92 (**permalink**) 19-06-2013, 05:01 PM

أخوي أنا مقدم على الجامعه انتساب ولسى ماطلعت النتائج لكن هل رياده يقبلو الطالب (انتساب) أو يرفضوه ؟؟
واذا كان يرفضوه هل تنصحني اكنسل تقديم الجامعه واقدم عليهم ؟

يالله انك توظفني · #93 (**permalink**) 28-06-2013, 03:40 AM

وين راح صاحب الموضوع

احمد الحوي · #94 (**permalink**) 08-07-2013, 07:27 PM

السلام عليكم اخ نجادي لدي استفسار بخصوص بيع المواد الغذائية تجزئة وجملة راس المال مابين 300-250 الف
هل برنامج ريادة يدعم هالمشاريع ام لا انتظرك ردك ياعزيزي وشكرا لك ولموضوعك الانساني

احب روحي · #95 (**permalink**) 12-07-2013, 06:39 AM

وينك يااخ نجادي ارسلت لك على الخاص ومارديت
ابي مساعده بخصوص مشروعي

فاتحه بسطه · #96 (**permalink**) 11-08-2013, 05:09 AM

الرجال انحاش من اسئئئلتناهههههههههههههه

شاهق · #97 (**permalink**) 11-08-2013, 05:28 AM

كيف ممكن تجاوز شرط أن لا يكون طالب؟
هل للعمر دور؟ يعني لو كبير في السن وطالب، هل فيه حل؟

عزيز المسند · #98 (**permalink**) 11-08-2013, 07:55 AM

بالنسبة للطلبة والموظفين تقدر تقدم على ريادة وتمشي معهم بالخطوات وهي تاخذ وقت لين نزول القرض
ممكن تسع شهور فإذا نزل القرض بنك التسليف يطلب منك برنت من الاحوال ولازم تكون بدون وظيفة ولاطالب.
اتذكر بشهر ذي الحجة السنة الماضية دخلنا اول مرحلة بريادة وقال لنا مدير الفرع الموظف يستمر بوظيفته
لين ينزل القرض لانه راح يتأخر وممكن الواحد يغير رأيه بعد مايدرس المشروع ويشوف انه غير مجدي ماليا
فإذا كان متأكد مية بالمية بمشروعه ونزل له القرض يطلع من وظيفته ويغير مهنته عند احوال ويستلم قرضه.

بالنسبة لمشروع بيع المواد التموينية فواحد من الشباب معنا كان مشروعه سوبر ماركت واعتمد له المشروع
فهل السوبر ماركت يختلف عن بيع الجملة والمفرق ... ماعندي علم للاسف .

عزيز المسند · #99 (**permalink**) 11-08-2013, 08:39 AM

راح اجاوب على الأسئلة الي اعرفها باخر صفحتين ممكن تفيد الي يزور الموضوع مستقبلاً

اقتباس:

ياليت توضح الله يعافيك
المقابله الشخصيه او اللقاء التعريفي مثل مايقلون
يلزمني فيها اجيب تسعيرات للاجهزه والخامات

للأمانة منقول: https://www.btalah.com/showthread.*****..#ixzz2bdDd5sTx

المقابلة تعرضين مشروعك ويتم سؤالك عن تفاصيل المشروع ومدى معرفتك فيها
مايحتاج تسعيرات في المقابلة.

اقتباس:

أخوي الغالي
أنا طآلب جآمعي و أبي أقدم عليهم وهم مآ يقبلون إلا المتسبب
أنا مآ أدري عن الأسم المهنى المسجل لي من قبل الاحوال
لكن السوال أنا لو أقدم عن طريق الموقع هل يرفضوني لاني طالب
أو يقبلوني و من ثم يدققون في بياناتي
و الشي الثاني هل لو أعدل إلى متسبب
يضرني الشي هذا من نآحية درآستي
علمآ بأن المشروع صألة بلياردو + بلاستيشن
هل تتوقع يوافقون ع المشروع !!

للأمانة منقول: https://www.btalah.com/showthread.*****..#ixzz2bdECQeGz

عادي يقبلون بالبداية واذا جاء القرض لازم ماتكون طالب او موظف
والمشروع لازم تكون عندك خبرة فيه .. ياشتغلت بمحل ياكنت تملك محل زيه.

اقتباس:

هلا اخوي لو لاسمح الله خسر المشروع
طريقة استرجاع مبلغ القرض يكون على حسب الاتفاق او دفعة كاش

للأمانة منقول: https://www.btalah.com/showthread.*****..#ixzz2bdEvH86h

لما توقع العقد تكون الشروط واضحة وتسدد حسب الاتفاق وعدد سنوات التقسيط.

اقتباس:

اخوي ودي

كيف القاء التعريفي

ايش المطلوب مني فيه

هل راح يسئلوني على المشروع

للأمانة منقول: https://www.btalah.com/showthread.*****..#ixzz2bdF6Tay7

اللقاء التعريفي تقدم مشروعك بايجاز ويسألونك عن تفاصيل المشروع.

اقتباس:

انا مو موظف حاليا لكن اذا قدمت مشروع عليهم وخلصت وجاء تعييني وش يصير هنا هل يخيروني او كيف ؟
متى يبدا الاقساط انت تقول بعد سنتين ؟ وخلال هالسنتين هل الربح لي ام كيف ؟

انا افكر افتح محل ابو خمسه بالديره اللي انا فيها مافيها هالمحل ويمشي بشكل مجنون

للأمانة منقول: https://www.btalah.com/showthread.*****..#ixzz2bd8DBGYg

اذا نزل لك القرض تختار تبقى بوظيفتك او تفصل وتاخذ القرض
القرض تبدأ تسدد فيه بعد سنة ونصف تقريبا ويقسطونه لك لمدة ثمان سنوات تقريبا.
دخل المشروع لك اول سنة ونصف وبعدها تعطيهم قيمة القسط والباقي لك.
المشروع الي تقدمه لريادة لازم تكون عندك خبرة فيه او عندك شهادة
مو أي مشروع تشوفه ويعجبك راح يدعمونك فيه.

اقتباس:

سمعت رياده تعطي راتب للي يقدم صحيح ولالا
انا قدمت رياده وسمعت وحده تتكلم ماصدقتهااا

للأمانة منقول: https://www.btalah.com/showthread.*****..#ixzz2bd9vdB6n

صندوق الموارد البشرية راح يقدم للريادي مبلغ 3,000 ريال شهريا لمدة سنتين وغير مستردة
يعني مو مطلوب منك تسددهم هالراتب الشهري .

اقتباس:

عندي تاكسي وباسمي هل يعطوني قرض ولا لا ؟؟

للأمانة منقول: https://www.btalah.com/showthread.*****..#ixzz2bdAQswLf

اذا التاكسي حصلت عليه من بنك التسليف فما اتوقع تقدر تاخذ قرض لين تنهيه
يفضل تتأكد من ريادة ويعطونك معلومة مؤكدة.

اقتباس:

عندي سؤال الله يوسع عليك .. انا سلمك الله .. معي بكالريوس تمويل " ماليه " وبصراحه ما افكر بالوظيفه افكر بالاعمال الحره .. وانا اخوك مدري سمعت انه فيه خريجين ولازم يكون على نفس مسار تخصصك ! وانا بصراحه ابي افتح مطعم فمدري يالغالي اقدم بشهادتي الجامعيه أو بشهادتي الثانويه ؟

وسؤالي الثاني لو كان مشروعي بمدينه مافيها رياده يقبلونه ؟ ولا يبوني اكون قريب منهم ! والله يجزاك خير رديت ولا مارديت

للأمانة منقول: https://www.btalah.com/showthread.*****..#ixzz2bdB100Vl

المطاعم على حد علمي مايدعمها بنك التسليف لانها مشاريع ماتخدم السعودة .. يبي لك تتأكد اول
السؤال الثاني للاسف ماعندي جوابه.

اقتباس:

أخوي كيف اقدم فيه
وفكرة مشروعي افتح كفي نسائي في مجمع تجاري كبير
هل رياده تدعم مثل هذي المشاريع
لأني ارا وبإذن لله أن نسبة نجاحه كبيره جداً

للأمانة منقول: https://www.btalah.com/showthread.*****..#ixzz2bdCLUeFm

اذا عندك خبرة بادارة الكوفي شوب ومبلغ 300 الف تكفي للمشروع فراح يدعمونك.

اقتباس:

الله يوفقك ويرزقك من واسع فضله
لي فتره افكر اسوي لي مشروع صصغيرون ينفعنا في ظل هالحياه المعيشيه الصعبه
وجات عيني على هالموضوع وعندي كذا استفسار
طبعا انا عاطله عن العمل وادرس انتساب وفكرت بمشروع نادي نسائي
طبعا الخبره والملعلومات عن فكرة هالمشروع صفرررر
ابي دراسة جدوى لهالمشروع وابي ادرسه من جميع النواحي من يقدر يساعدني فيه

ثانيا هل رياده تدعم مثل هالمشاريع ولا لا ؟؟ واذا لا من يدعمه لي

مممممم وابي اعرف وش المشاريع الحاليه اللي ممكن يكون لها نتاج ربحي غير فكرة النادي

للأمانة منقول: https://www.btalah.com/showthread.*****..#ixzz2bdCngiSM

اي مشروع يقدم يشترط الخبرة او الشهادة .. ريادة تدعم اذا كان المشروع مسموح باقامته في المدينة او المحافظة .. يفضل تسألين البلدية اولا مسموح هالمشروع ولا لا.

ـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ ــــــــــــــــــــــــــــــ ـــــــ

ثلاثة ارباع الأسئلة اجابتها بالصفحات الماضية وبموقع ريادة وهذا رابطة