10-08-2015, 09:02 PM
|
 |
عضو نشيط
|
|
تاريخ التسجيل: May 2010
الدولة: الشرقية
المشاركات: 198
معدل تقييم المستوى: 3840
|
|
اقتباس:
المشاركة الأصلية كتبت بواسطة فقيرةحظ
جزاك الله خير ...
انا ولله الحمد وصلتني رساله القبول المبدئي ..وتم تحديد اللقاء التعريفي شهر محرم ..
سؤالي...: هل اللقاء التعريفي هو نفسه المقابله الشخصيه؟
هل باللقاء يستلزم دراسه الجدوى ان تكون دقيقه....مثل لاسعار هل بامكاني وضعها تقديريه ..وليست قيمه فعليه ...
اخر سؤال ...هل مكاني تغيير مبلغ الدعم المطلوب؟
الله يسعدك ..جاوبي واسهبي بالرد ...
واشكرك بحجم كل ماهو جميل
|
وياك يارب
اللقاء التعريفي هو مجرد لقاء جماعي راح يعرفونكم فيه بالبرنامج بشكل عام
و الشروط و الضوابط .. ماراح تتكلمين فيه فقط ممكن يطلبون منكم كل تقول فكرة مشروعها
بعد شهر تقريباً بيرسلون لك مسج يخبرونك بموعد المقابلة .. موعد المقابلة جداً مهم و عدم حضورك للمقابلة يعني خروجك من البرنامج .. لذلك أحرصي عليها و أحرصي تجين بدري .
بالمقابلة ما يستلزم دراسة جدوى .. فقط جيبي معك الخبرة لو موجودة و السيرة الذاتية و الشهادات و الدورات و بطاقة الأحوال
النسخ + الأصول للمطابقة
راح يطابقون أوراقك بعدين بالدور ينادونكم للمقابلة بيكون فيه 3 أخوات غالباً
وحدة من ريادة و وحدة من بنك التسليف ووحدة ثالثة .. بيقولون لك عرفي بنفسك و أيش فكرة مشروعك
أشرحي لهم فكرة المشروع .. ممكن يضغطونك شوي من ناحية أنو فرضاً مشروعك ما نجح أو ما عليه إقبال أو فرضاً صار و صار يعني بيعطونك احتمالات .. مو مطلوب أبداً تسوين دراسة جدوى للمشروع قبل تجين المقابلة
أهم شيء تجين و أنتي فاهمة فكرة مشروعك و عارفة وش جالسة تسوين بالضبط وواثقة من نفسك و من قدرتك على إدارة المشروع .. هادئة و مرتبة و واضحة الهدف .. المقابلة قياس لشخصيتك أكثر من أي شيء آخر .
بعد المقابلة راح تدخلين دورة 3 أسابيع وقتها تسوين دراسة الجدوى و بقية الحيثيات
و تبدأين بشكل فعلي .
بالنسبة لتغيير مبلغ الدعم أيه تقدرين تغيرينه .. أهم شيء ما يتجاوز 300 ألف .
الله يوفقك و يكتب لك الخير و ييسر لكم جميعاً .
التعديل الأخير تم بواسطة متأملة خير ; 10-08-2015 الساعة 09:05 PM
|
العرض العادي
