السلام عليكم ورحمة الله وبركاته ..

ازيكو يا اخوان واخوات .

شاء الله بضياع محفظتي و المصيبه فيها بطاقة الاحوال و الاستماره السياره وبطاقات صراف ...

قلبت الدنيا فوق تحت وما حصلتها .. طبعا ضاعت قبل امس وانا رايح للنادي

المهم .. ابي اعرف اجراءت استخراج بدل فاقد للبطاقه الاحوال + استمارة السياره ...و الصراف امرها سهل .

ياليت الي صارت له قبل يفيدني او الي عنده خلفيه يفيدني بسرع وقت ممكن

تحياتي ....


اللهم ياجامع الناس في يوم لا ريب فيه رد الي ضالتي

أول شي قدم بلاغ للشرطة علشان ما احد يستأجر باأسمك سيارة لأسمح الله

ثانيا أجرائات بطاقة الأحوال تدخل موقع وزارة الداخلية وتحجز موعد اذا انت بالرياض احجز بالناصرية فضاوة ما عندهم شغل
بالنسبة للأمور الثانية تهون دام طلعت بدل فاقد لـ بطاقةالأحوال والرخصه كذلك نفس الموال عندما استخرجتها وسلامتك ادع لي وللوالدي

الله يجزاك خير ياخوي ماقصرت و الله يوفقك ياارب ويحفظ لك والديكــ

اما بلاغ للشرطه مانيب مستفيد شي لاني قد رحت قالو رح للاحوال ومنذا الكلام ..
وبالنسبه للحجز .. وصلت عند الخدمات وما حصلت خير ( اصدار بدل فاقد للبطاقه ) هل لو رحت لهم
يمشون موضوعي ..؟!!

ما أضمن لك والضامن الله

لكن أنت كذا ولا كذا أحجز أقرب موعد عن طريق النت
وأفضل لك قسم الناصرية لأنه فاضي ودير القسم هناك يحبه قلبك ادخل عليه وأطلبه وخبره أن عندك تسجيل ومن ها الكلام المهم أحجز لأزن تحجز ولأتروح هناك الا معك ورقه تثبت أنك حاجز

بكره ان شا الله ... ما حصلت الا تجديد هوية وطنية

وبشرح له وضعي و ان شا الله يارب يمشي امووري

يارب رد له ضالتك

مـــــــــــــــــــــــــــــــش ممكن صراحه مانيب مصدق كاني صاحي من كابوووس

لالالالالالالالاا مستحيل .. .. سجدت لله شكرررررر


ابشركم حصلتها بعد ما كانت ضايعه من يومين

لقيتها في درج السياه الي ولا 20 مره احوس فيه حتى اني نفظت الغبار الي فيه ....

الحمد الله لك ياربي ... ابصيح من الفرحه


افتكيت من قروشة الاحوال ومرمطتهم عشاني حاجز على بكره موووعد بكنسله .

بس من اليوم ورايح البطاقات لها محفظه بلحالها و الفلوس لحالها ......


اااااه ياربي
اللهم لك الحمد حتى ترضى ولك الحمد اذا رضيت ولك الحمد بعد الرضا...







وشكرا لك ياخوي محمد .. و الاخت زهرة جنون ...