طبعا أغلبكم تابع حلقة الشريان عن معاناة المعلمات، المسلسل المكسيكي الطويل اللي له 30 سنة ما خلص.
داود الشريان سأل المعلمات وش الحل؟
لكن للأسف ماكانت هناك إجابات واضحة ومحددة،
الأخوات بعضهم يطالب بإلحاقية وبتنتهي معانات البعض وبتبقى للبعض،
إذن ما الحل؟؟؟

أحبتي
في مصر عندهم عدد الأطباء الجدد أكثر من المعلمات عندنا، وحلوا المسألة بأنهم فرضوا على كل طبيب متعين حديثا خدمة إلزامية سنة واحدة في الأرياف قبل ما يعينونه في مدينته، مع تأمين السكن والنقل.
وليه نروح بعيد،،،
في أرامكوا جعلوا العمل في المناطق النائية مثل السفانية وغيرها، عمل إختياري، يلجأ له الموظف الذي يريد زيادة في مصدر دخله، لأن الشركة تعطيه زيادة عالية جدا في راتبه، وإجازة نص أسبوع، بالإضافة لتأمين السكن والنقل.
إذن الحل هو..
إن الوزارة تترك خيار العمل في القرى والهجر مفتوح أمام الراغبين والراغبات بزيادة مصدر دخلهم، مع منحهم إجازة من نصف الأسبوع، ومع تأمين السكن والنقل.

انا تابعت الحلقه كامله أختي أنا أشوف توفير النقل المؤهل والزياده هي أفضل حل والا راح ينظلمون بنات القرى من حقهم في التعليم أن لم يتوفر لهم معلمات

كلام رائع وعين العقل

الي قاعد يصير بالمعلمات بالشكل الحالي مو قاعد يصير ولا بمكان بالدنيا

تعيين واجبار ومناطق غير صالحة للسكن وطريقها غير آمن واستغلال وطمع من قبل السواقين بدون حسيب ولا رقيب وغيرها من الظروف الصعبه اذا ماكانت مستحيله تنحط فيها المعلمة

اصلاً حتى لو فتحوا الحاقيه مستحيل الجميع ينقلونه وهما ماكملوا سنه واللي مانقل بيسوي نفس القضيه بيقول واسطات وتظلم ومدري ايش

الخلاصه يابنات اللي ماتتحمل الغربه وتحط في بالها انو النقل مايجي بسهوله تحط منطقتها والاماكن القريبه منها وااللي تقدر تعيش فيها الين يجي النقل والله كريم

حلقة ماحد استفاد منها وبرنامج تافه لابعد حد نبغى حل لمعناتنا مو باص وبدل نقل اقسم بالله اني تمنيت اكون مع المعلمات عشان اطالب بحقنا اللي ماحد قاله كفاية سنين العطاله الي عشناها وبعدين يذلونا بهالوظيفة اللي لازم اتغرب واتبهذل عشان اخد حق من حقوقي قال باص قال لا انا من حقي اعيش واتوظف في بلدي مو غربه وتفريق شمل اسرة حسبي الله ونعم الوكيل في كل من له يد في غربتنا كفاية سنه كفاية حرمان من اهلي ومن عيالي خلاص يراعوا انا توظفنا بعد سنين من الحرمان كيف الوحدة تروح لوظيفتها وهي نفسيتها تعبانة من الغربه الله يفرج لنا همنا ويسر لنا امرنا بحوله وقدرته ولا الوزارة مافيها امل لكن الله كريم ماينسى عباده