السلام عليكم ورحمة الله وبركاتة

..

احبتى اعضاء منتديات بطالة الغالين ..


لكم التحية والاحترام ..


حبيت اسجل هنا واكتب قصتى لكم والمشاورة ويقلون من شاور ماخاب ..


انا مسجل فى الامن العام احتياط وخلصت جميع الاوراق وانتظر الدورة بشهر ستة او سبعه ..

جندي حاف بشهادة الثانوية العامة ..

وبصراحة خاطري اكمل دراستى فى امريكأ اخذ الجامعه وارجع بشهادة ترفع الراس ..

زي ماتعرفون العسكرية كنت لى خاطر فية وكنت ابي بس الوظيفة بس بعد تفكير


قلت اروح ادرس معهد لغه فى امريكا على حسابي ثلاث شهور وانضم لبعثة لجامعه

ورحت وزرت مكتب البعثات الخارجية ..

بس المشكلة عمري وصل 27 ولقيت ناس تايدنى انى اروح وناس تقول راح عمرك وناس وناس ..

مدري اسحب على الامن العام واحط كل اتجاهى لدراسة ب الخارج

ادري عمري راح وانا انتظر التقديمات العسكرية واخرتها يمكن صحا تفكيري لمستقبل ونظرتى

بها الغلا الى نواجهه والكل يعرف الحال بسعودية


ابي المشورة منكم ي اخوان لجل اخذ كمية كبيرة من الخيارات امامى ..


الحمدالله صليت واستخرت ربي بما هو احسن لى ...


واتمنى من الاعضاء الرد على بكل صراحة لان الصراحة هى باب النجاح بكل شى

[align=center]الله يـوفقــــــــك[/align]

إذا عندك قــدرة .. أنك تدرس بــرى وأمكانيـــــه ووضعك المادي جيد، الله يسهل أمرك,

ياخوي انت ادرئ بنفسك
لكن نصيحتي انو تشوف نفسك قادر ع الدراسه و ضبط نفسك يعني بصراحه انت رايح غربه وكل شي متاح واغلب شبابنا يضعف قدام ههذي الاشيا وبالاخير يرجع بد قدام ويد ورى
الشيطان شاطر في بلدنا كيف هناك
اما اذا انت حاب الدراسه وتحس نفسك راح تنجز توكل ع الله اللغه مطلووبه هالايام بكل شي
والله يوفقك ويسهلها عليك

حسب ظروفك الماديه اذا كنت مرتاح ماديا وانا ما اعتقد روح ادرس افضل وبعدين عسكريه جندي ماهو مأسوف عليها

وعليكم السلآم ورحمه الله وبركاته


بكل تآكيد آلدرآسه لو شهر آهم بكثير من العسكريه

فـمآ بآلك بـ شهآده بكالوريوس


آهم شي يكون عندك طموح ممآرسه الدرآسه والمذآكره وآكتسآب الوقت للاجتهآد

فـ آلطموح بلآ مذآكره لا فآئده منه


آلله يوفقك..

أكيــد الدراســه افضل بكثير ، بس اول شوف نفسك هل انت قادر على الدراسه و فيك شدة للمذاكرة والتعب ، ولا يكون حلمك طرد الاوهام وسفر الخارج لا تروح الا وانت جاهز تماما انك ما ترجع الا بشهاده، واسالني انا قبلك كنت بالجامعه ودخلتها وقلنا بتمشي الامور وكنت مهمل وفصلت والحين رايح للعسكرية بس باذن الله اكمل منتسب ، وبرضو اذا كان وضعك المادي طيب وفيك حيل للدراسه انا أقولك رح للدراسه افضل من العسكرية

السلام عليكم ورحمه الله وبركاته

انا بأقول اللي عندي وعسى تتفهم معه

انا بالنسبة لي خريج دبلوم ، وعمري حالياً 23 سنة كنت ناوي اكمل دراسة بالخارج ففكرت اني راح اتخرج من هناك وعمري مايقارب 28 او 30

لاني كنت ناوي بكالوريوس وماجستير

ففكرت صراحه واستخرت الله قبل كل شيء شفت نفسي بعد هالسنوات راح يكون عمري وصل الثلاثين بمعنى أصح [ لاوظيفة - لازواج - لامصروف يعيشك ]

فكرت من ناحية الوظيفه قلت يمكن بعد التخرج راح ارجع هنا ويمكن اخذ سنة عاطل بسبب التقديمات

فكرت ب الزواج متاخر لقيت إنها صعبه شوي بمعنى أصح [ ودك بولد وانت صغير سن تخاويه مو توصل شايب وولدك توه صغير سن مايخدمك ]

فكرت ب المصروف اللي راح اتقاضاه خلال سنوات الدراسة راح يكون ك مصروف عادي مثل عشره عشرين ميه إلخ بمعنى اصح [ ماطورت نفسي ووسويت مشروع او حاولت اجمع كم قرش ينفعني ب زواج او اي شيء ]

-

بإلنسبة لك عمرك الآن 27 ، ومعك ثانوي يعني باقي لك ثلاث سنوات ولاتقبلك العسكريه ابداً لان العمر مشروط 30 واقل ،

ما ادري عن القطاعات الثانية

ثاني شيء لو تتوظف بكره إن شاء الله كم راح تصير خدمتك ب الوظيفة العسكريه راح توصل يمكن 20 او 25 كحد أقضى بمعنى أصح [ ان خدمتك قصيره جداً وهالشيء يمكن ماتلقي له بال الان لكن راح يكون راتبك التقاعدي ان الله احياك قليل بسبب فارق الخدمة ]

والوظائف صراحه [ بدت تشّح ] ما تحصل ع يسر

ف انا ما ادري انت اول شيء استخير الله ثم شوف اللي تبيه

انا بالنسبة لي ب اقول لك نظامي

[ الآن ابحث عن وظيفة سواً عسكريه او مدنية ] ماراح هالشيء يمنعني من الدراسة ، ب العكس راح انتسب ب جامعه واكمل حتى الماجستير ]

اصبح الان الماجستير فيه انتساب مما ينفعك وانت بوظيفة او تقدم بها ف اي مكان ثاني

والشيء الاخير ترى [ الغربة ] صعبة وربك يمكن تاخذ اول شهر ف دولة الدراسه مبسوط ثم تضيق بك وش تقول الآن ب نفسك اذا رحت عن اهلك وجتك اخبار زينه عنهم يا اما انهم طالعين يتمشون او جاهم فلان وعلان ، او اي خبر عن اهلك تبيه وإلخ

مو يشوقك هالشيء ؟

عموماً انا سردت لك اللي عندي واللي ب خاطري كنت ب اسويه مثلك سابقاً لكن بعد الاستخاره تبين لي ان الوظيفة ثم الدراسة بما ان عمري 23 ، وراح ادرس وانا ب وظيفتي سواً لقيت وظيفة بكره او لا ، لانها راح تنفعني ومنها خدمة وظيفية وانفع نفسي لو بغيت زواج او مصروف او تجاره إلخ

موفق خير ،

يا رجال ما يحتاج تشاور روح ادرس وجيب شهادة ترفع راسك بها ،،،
وهذا مستقبلك انت ادرى به والله ما انصحك إلا لوجه الله ،، العسكرية مرمطه وانا لو القى فرصه ادرس برا ومعي فلوس والله لأطلع ادرس واجي للسعودية رافع راسي وراس ابوي ،، لأنك لو توظفت الان إنسى تطلع بعثه وتتندم عليها بعدين


والله اني اتمنى لك الخير كما اتمناه لنفسي ،، لا تفكر بالحياه باقي لاحق كلها كم سنه وتجي راجع وابوك من زود فرحته يلبي لك كل شيء واللي حولك بعد ما راح احد يخليك ،،


رووووووح ادرس برا وهذا كلامي لك


وبالتوفيق