السلام عليكم ورحمة الله وبركاتة

ياخوان انا افكر اني اشتري دينه و أكد عليها وشرايكم هل هي مربحه ولا لا
وموقعي المدينة المنورة وانا انسان عاطل لا شغله ولا مشغله وراح خذها اقصاذ

وموديل جديد وابي الافضل ايسوزو ولا تويوتا ولا مستبيشي وبونش ولا بدون

انا مالي علم بالشغله ابد وابي مشورتكم وهداية الله

ولا تبخلون ياهل الخبره وسلامتكم

الدينة تشتغل او لا هذي تتوقف عليك وعلى طريقة تشغيلك لها


الدينات انواع وافضلها

ايسوزو جامبو

طيب وش تشغله به

عندك ها الخيارات

سطحة نقل سيارات ومعدات

ثلاجة نقل مواد غذاًئية ولحوم ودواجن

صندوق نقل بضائع عفش اغنام خضار فاكهه حديد سكراب اخشاب ووووو

ونش يقتر الشغل على المعدات واسواق الابل

اقل دخل اذا صملت واشتغلت

٦٠٠٠ ريال

بالتوفيق

مشكور وماقصرت يعيطيك الف عافيه

رفع ياشباب

ايوالله شدوا حيلكم ياشباب السعودية الله يوفقكم.
بتحولون تراب بلدكم ذهب. بس انتو توكلوا على الله.

الله يرزقك من واسع ابوابه

مشكورين وماقصرتم

الله يرزقنا ويرزقكم من واسع فضله

الله يرزقك من واسع ابوابه

بالتوفيق