الإداريين والإداريات الراغبين في الحركة الأمر خطيييير

محب الأمل · #**491** (**permalink**) 14-03-2013, 02:35 AM

اقتباس:

المشاركة الأصلية كتبت بواسطة منوله الدلوعه

ههههههههه
اعجبني تعليقك لا تنسين بكره يروح الحارس مكان يخلونا نمسك الباب بداله
تدرون الان احنا مو مسمانا ( مساعده اداريه )
لا مسمانا شماعت المدرسه

ههههههههه والله انك صادقه

محب الأمل · #**492** (**permalink**) 14-03-2013, 02:37 AM

يارب ياحي ياقيوم اسألك في ثلث الليل الاخر ان تيسر امور وظيفتي ونقلي وجميع اخواتي الاداريات

منوله الدلوعه · #**493** (**permalink**) 14-03-2013, 03:15 AM

[SIZE="7"يا بنات اشوف الكثير منكم هنا متحمس ولكن الكلام هل اولياء اموركم بيروحون
عموما هذي فرصه لا تعوض لا تفوتونها عليكم
ترى ممكن ينقلون الجميع على الرغبه الاولى ولكن لاحظوا وش الرغبة ما حطوها لنا [/SIZE]شرائح او مدن مثل المعلمات حاطينها ادارات يعني ممكن تجيك الرياض ولكن
يرمونك في الدرعيه او العيينه او حريملاء او المزاحميه لان هذي كلها تحت مسمى ادارة الرياض وبعد اللى طالبه الشرقيه ممكن اللى تبي الخبر يرمونها في القطيف ()
يالطيف ويحطونها بالعواميه ( وحده تحب تنكد عليكم اعذروني بس حبيت اوضح لكم )عشان تعرفون ان الوزارة مو معبرتنا ابداااااا
لذلك طلبنا من الاخ محمد الله يجزاه الجنة المطالبه بشرائح

الله مع الصابرين · #**494** (**permalink**) 14-03-2013, 12:51 PM

استغفر الله العظيم واتوب اليه

استاذ محمد طمنا ان شاءالله بيطلع معك للرياض عدد كبير من اولياء الامور وتكفون لاترجعون الا بامر اعادة توجيهنا
يارب بشرنا بالنقل عاجل غير اجل امين

فاطمه عبد الله · #**495** (**permalink**) 14-03-2013, 03:19 PM

يااااااابنات ودي اعرف منكم كل وحده وين منطقتهاا ووين موظفينهاا
جايني فضوووووول ابغا اعرررف وش مسووويه الوزارة فينااا

طبعاا اناا من الشرقيه ورامييني في الشمال القريات هم كاانو بيرمووني في الاردن بس مانتبهوو حطووني في القريات ههههههههه

فاطمه عبد الله · #**496** (**permalink**) 14-03-2013, 03:41 PM

بقووووووووولكم اذا المساعد الاداري ماامسك الكمبيووتر اجل مين الا يمسكه
وثاني شي هذا عصر التطوووووور يعني لازم كل اداري على مكتبه كمبيووتر يعني المفرووض الحين كل اعمال الادارة تكوووون عالكمبيووتر وعالنت
يعني ماتووقع ان في اداريات مايخلووهم يستخدموون الكمبيوووتر اناا خلووني امسك مو بس نظام نوور كل اعمال الكمبيوتر من خطابات وبريد ودرجات طالبات واي شي اسوويه عالكمبيوتر واغلب المساعدات الاداريات ممسكينهم الكمبيوتر

منوله الدلوعه · #**497** (**permalink**) 14-03-2013, 04:36 PM

اقتباس:

المشاركة الأصلية كتبت بواسطة فاطمه عبد الله

بقووووووووولكم اذا المساعد الاداري ماامسك الكمبيووتر اجل مين الا يمسكه
وثاني شي هذا عصر التطوووووور يعني لازم كل اداري على مكتبه كمبيووتر يعني المفرووض الحين كل اعمال الادارة تكوووون عالكمبيووتر وعالنت
يعني ماتووقع ان في اداريات مايخلووهم يستخدموون الكمبيوووتر اناا خلووني امسك مو بس نظام نوور كل اعمال الكمبيوتر من خطابات وبريد ودرجات طالبات واي شي اسوويه عالكمبيوتر واغلب المساعدات الاداريات ممسكينهم الكمبيوتر

اجل يا عزيزتي طالبيهم ببدل كمبيوتر لانه يحق لك
لان اعمالنا فقط مكتبيه ورقيه
هم اساسا مفروض مسمانا ميجل معلومات ونأخذ عليه بدل
لكن تم تغييره الى مساعد إداري عشان هالنقطه
لكن ربي كريم الله يسهل لنا النقل

بيروتة · #**498** (**permalink**) 14-03-2013, 08:55 PM

كيفكم .. طبعا ماني فاهمة شي لاني انقطعت فترة طويله عن المنتدى .. الحين انا قاعدة انتظر اوراقي تخلص حولت من معلمة لادارية .. هل اقدر الحق النقل الخاص بالاداريات ولا خلاص وهل فيه شي الحاقي فهموني الله يسهل على الجميع ..

منوله الدلوعه · #**499** (**permalink**) 15-03-2013, 12:21 AM

[QUOTE=بيروتة;7245992]كيفكم .. طبعا ماني فاهمة شي لاني انقطعت فترة طويله عن المنتدى .. الحين انا قاعدة انتظر اوراقي تخلص حولت من معلمة لادارية .. هل اقدر الحق النقل الخاص بالاداريات ولا خلاص وهل فيه شي الحاقي فهموني الله يسهل على الجميع

هلا بك عزيزتي لا طبعا ما تحق لك حركة النقل لان هالحركه فقط
للمعينين على الامر الملكي فقط
ولكن اعتقد يحق لك الندب والتكليف
الله يسهل لك ولنا وييسر امورنا بما فيه خير لنا