المدح (ردة فعل) عقب الجماله
لجل اللي مايدرون بالطيب يدرون


ماهوب اخاشر واحد في حلاله
واقول له من عرض ناس يقولون


العقل نعمه والجهاله جهاله
والدون مايجزع من الموقف الدون


الا اذا هو حاكم ينعناله
فأنا مواطن والولا ماله عيون

ابن عمك لا زعلك شرّه عليه
يقنعك بالحق و الا تقنعه
انشده وشجاه و الاويش فيه
انشده ولا تقاطعه اسمعه
حتى لو انه المخطي .. ما عليه
مشّها مادامها تمشي معه
و كانك المخطي وهو رايه وجيه
اصمت و لو يوجعك لا توجعه
وكان قصّر وانت عادك ترتجيه
لا تقصر فيه لا جاك انفعه
ساسه الطيب على الطيب يحديه
ياصلك حتى لو انك تقطعه
وان بلاك الله برجال سفيه
روح فـسناعك وخله في سنعه
صد عن وجهه على شان الوجيه
من ضياق الجهل الى عقل السعه

دنيتي من غـيرحسك سـطـر خالـي مـن حروف..
ينتهيالإحـساس فـيني كالجـسـد من غـيـر روح ..
لا تـظـن صـمتي غيــــــــــاب أو تجـاهـل أوظـروف..
أنتشي في حـياتـي ما يـتعـــــــــوض لـو يــــــــروح ..