صادفني ثلاث أحترت وياهن
أبهرني صحيح وقمت أطالعهن

زاهيات براقعهن ويزهاهن
لعنبو جدهن ماحلا براقعهن

قمت أعدد على نفسي مزاياهن
وقمت أهوجس على نفسي وانا اتبعهن

واستدارن بجنبي شخص ناداهن
قلت ذي فرصتي باقصد واسمعهن

من القصايد مع اني حافظ أرداهن
أرتبكت واعجزت أتذكر أروعهن

والسوالف بعد خلني أنساهن
ضيعني صحيح الله يضيعهن

والدليل أني تخربط وياهن
أبا أسلم عليهن وقمت أودعهن

قلت ِ لي كل عام و انت بخير يا [ شاعري ] !
رديت : كل عام و انت ِ الخير يـ [ آنسه ] !
كل عام و انت ِ ابد ما مثلك بـ [ ناظري ] !
و كل عام و الطفله اللي فيك : [ مستانسه ] !
لكن بقت دعوة ٍ يا عمري بـ [ خاطري ] !
كل عام و انت ِ الين اتزوجك [ عآنسه

زين ابسأل : دام قلب ما يلين
ليش عينك يوم أقفيت أدمعت ؟

قلت : أنا باسي قوي لو ترجعين
صدقيني عمر نفسي ما خضعت

وكان قصدك دمعتي لا تفرحين
شعره دشت بعيني واطلعت

ياللي تقولون الهوى ضحك و مزوح
ترى الهوى مايعرفه كل مزاح
اصل الهوى معناه روحين في روح
به تندمج كل المشاعر و الارواح

جاي يطيب خاطري في كلمتين
يحسب أن أرضاي مضمون وسهل

عذره اللي رجعه شوق وحنين
يحسب أن رضاي بشوية غزل

ما داري أني حالف وحالف يمين
ما أرد بكلمتي مهما عمل

مايلين القلب والله مايلين
وان زعل يزعل ويعني لوزعل

أحبك.. ذا ترى أول كلامي .. وآخره كله
ولكن .. وش يضر اليـوم .. لو تدري عن احوالي!



وخذ .. ما جـاز لك من هالحكـي,.. واللي تبي خلـه..
انا لا قلت ما في خاطري والله ما بالي .!