ان كان ’حظك’مافرش لك وغطاك
لاترتجي من’ حظ’ غيرك يغطيك
وان "عاندك" سلم امورك لمولاك
واصبر على| الشدات| وارفع هقاويك
مادام "رزقك" كاتبهـ يوم سواك
خلك |صبور| وقاسم الرزق يعطيك

مساء الخير لجميع متذوقي الشعر

________


أنا اللي معلمني زماني بغير كتـاب
دروسٍ ثمينه تنفع الرجـل وتسـده

ولاني على زلة رفيقي كثير عتـاب
أشوف الخطا وأصد مادام لي صـده

أنزه مقامي واترفع عـن السبـاب
وأبعد نظر عيني عن اللاش وامـده

ولا احب قرب منتبين الردى نتـاب
هل الكلمه اللي تجرح القلب وتقـده

تطور مشاكلها على تافه الاسبـاب
ضعوف الروابع لا عزومٍ ولا سـده

لو ان القضية ما تساوي جناح ذباب
تلاحوا بها من سد بيشة الى جـده

يامساء الخيراات اهلين مبرمج (:

.








الغالي اللي فصدري .. شـعّ نبراسـه
اصدق شعور الغلا له .. ترجمه همسـي
اليا حضر .. غاب حزني وانجلى باسـه
و لا غاب .. تحضر هموم ٍ بعضها منسي

مسائكم كل خير جميعآ ..



أنادي في عيوني صوت !! في صمتي الوان ..

أنادي في زمان السمّ ..انا مسموم من سمي ّ ..!

هلا تعابير نورتي المنتدى

مساء الخير والاحساس والطيبة

يآ بـآيع العطر , مـآعندكـ عطر فرحهـ ؟
....... ودّي تعطر .. أبي هالعطر يسعدني !
ودّي أخلي عروق القلب " منشرحهـ "
....... إن كـآن عندكـ عطر . بآلله عطرنيْ !

هلا ندى ومتذوق نورتوا المنتدى

فدوة عيونك لو غدت روح مغليك

وش عاد لو راحت لعينك عشاير

أبيع مايغلى على الكون واشريك

واسوق لى جتني علومك بشاير

وازعل جميع الناس بالحيل وارضيك

واصبر ولو دارت عليّ الدواير

واخذ من ايامي لك أيام واعطيك

وان راح عمري لك فلا هو خساير

أحب أنا شوفك وصوتك وطاريك

دايم وفكري فيك هايم وحاير

بالصمت أهوجس بك وبالصوت أناديك

والله عليم البينه والسراير

أنا وقلبي والهوى بين أياديك

عندك مفاتيح الهنا للضماير

من روحي آحبك ومن روحي أفديك

يامن غرامه والحسن فيه ثاير