استفسار على وجه السرعه عن وظيفتين

ايجابي · #1 (**permalink**) 01-03-2013, 10:37 AM

السلام عليكم وحمه الله وبركاته

الحمدلله حصلت لي وظيفه في شركه المراعي والله لك الحمد والشكر
بس حاب استفسر عن وظيفتين لأن عندي تدريب يوم السبت مع المدير باذن الله أذا أجتزته وقعت العقد معاهم
الوظيفتين المرشحه لي هي

مساعد مندوب مبيعات

والثانية مصفف ارفف

وش طبيعه عمل الاثنين يعني كيفيه العمل
اتمنى تجاوبوني باسرع وقت قبل يوم السبت

والسلام عليكم ورحمه الله وبركاته

ايجابي · #2 (**permalink**) 02-03-2013, 02:21 PM

up

أم وسومي · #3 (**permalink**) 02-03-2013, 06:44 PM

رفع
رفع
رفع

بو سلمآن · #4 (**permalink**) 03-03-2013, 08:42 PM

مصفف ارفف
يعني الله لا يهينك تاخذ حليب ولبن المراعي
وتصفه في الثلاجات

مساعد مندوب مبيعات
يعني يمكن تسوق لمنتجات المراعي في السوبرماركتات
وكذا

اتمنى لك التوفيق
ورأيي
اختر مساعد مندوب مبيعات
لان فيها بونص
كل ما بعت اكثر
كا ما اخذت بونص اكثر
غير راتبك

تحياتي

ايجابي · #5 (**permalink**) 05-03-2013, 08:42 PM

لا ابشركم اخذت وظيفه مصفف ارفف لسهولتها
بس ابي اعرف كم راتبها ووش البدلات اللي فيها

نخيل لا تنحني · #6 (**permalink**) 05-03-2013, 09:12 PM

لا تفكر في السهولة فكر في العائد المادي

إذا توظفت مندوب مبيعات عندك فرصة لتترقى مدير مبيعات ومدراء المبيعات رواتبهم عالية وبونصهم عالي صحيح مندوب المبيعات فيها تعب لكن القابل حلو خصوصا إذا ترقيت مدير راح ترتاح

المصفف صحيح سهلة لكن أقل راتب وترقياتها أقل

إذا ما عندك عائلة ترتبط فيها ارتباط اضطراري ( مريض لا قدر الله مثلا) ففكر في بناء مستقبل قوي ما دمت بلا مسؤوليات

الله يوفقك

تركي،$ · #7 (**permalink**) 05-03-2013, 09:29 PM

تبي نصيحتيَ لاتدور السهاله~..{ انا فاهم قصدك تقول ابي وظيفه سهله عشان اتعلمها بسرعه وماتصعب علي~ } هذا تفكير خاطي اخوي

خذها~ دور الشي الصعب لما تتعلمه راح يصير عندك خبره وتستفيد من الخبره هذي والشي الثاني راح يكون راتبك عالي.. ومنها تقدر تتزوج وتبني مستقبلك} ومثل ماقال الاخ في ترقيات

اتمنى اني افدتك

ايجابي · #8 (**permalink**) 05-03-2013, 11:35 PM

والله ياخواني كلامكم عين العقل
بس انتم ماتدرون وش اللي صاير معي
انا متوظف في فرع شركه المراعي في منطقه صغيره وبعيده عن المدن والوظايف مابه وظايف انا مقدم من 6 شهور في الفرع هذا ويالله لقيت

انا كنت مخيربين مساعد مندوب او مصفف
فا يوم جا الصدق مالقيت الا مصفف ارفف ويالله حطوني فيها وانا مضطر وش مظطر الا غصب اقبل فيها لان مافيه الا هي في ديرتي مالقيت ولا وظيفه دورت لين عجزت +الوالده ماتبيني اسافر وانا ماني بعاصيها
مع الايام باذن الله ابتطور اهم حاجه اني ابدا الان واخش في اجواء العمل واتعلم واقدر اوفر لقمت عيش من عرق جبيني
وتدرون ان هاذي الوظيفه هي اول وظيفه بحياتي يعني ماعمري توظفت تخرجت من الثانوي وجلست وعمري الان 21 سنه والحمدلله اني لقيت ذا الوظيفه
في اللي ابيه منكم تعلموني كم راتبها ووش البدلات اللي فيها
والله يوفق الجميع