[align=center]بسم الله الرحمن الرحيم

مساكم الله بالخير

شلونكم شخباركم
[مكتئبه لحد النخاااع ]
قايله يا وطن فيك الامل لكن ياوطن انت من بعتني وانت من ارخصتني
وانت من ذبحت طموحي وانت اللي ماعطيتني وعطيت الغير
طابت نفسي منك وقاطعه التكت ورايحه ولا راح ارجع الا بكفني لقبري بدل مضيعة الوقت
فيك تاخذ وماتعطي لا وتمن علينا بحافز بعددد
بقص لكم قصتي واللي عنده نصيحه لا يبخل علي فيها
اولا انا خريجة ادارة اعمال
ماعندي خبره
عندي 3 دورات من معاهد مختلفه
ابتدت قصتي

كأي بنت ارسل سيرتي الذاتيه من النت وارسل وارسل ولا جواب يُذكر
وتعبت ومليييييييييت

وفي الاخير اتخذت قرار انا ووحده من صاحباتي ندور باوراقنا
وفعلا درنا ووزعنا سيرنا الذاتيه مستشفى مستشفى وكنت على امل اني بدور من شركة لشركة لكننن بعد هالتجربه والله ما اعطي جهدي لام ما طقت خبري ولا عطتني من اهتمامها بروح لوحده تتبناني افضل مليون مره من هالذل ومن هالمهانه اقلها بسوق سياره وباخذ رخصه واقل شي يعتبروني بني آدمه وانثى وكائن بشري بدل المجتمع التعبان اللي يعتبرني كائن فضائي دخيل عليه
ولا لي اي حق من حقوقي

ورجاءا بلا فتاوي للعقول المتفلسفه

قصتي


في يوم كعهدي ادور وارسل سيرتي الذاتيه وفجاه يجيني ايميل من احدى مكاتب التوظيف يقول حصلنا لك وظيفه استقبال تقبلينها انبسطت وفرحت قلت ايه اقبلها مو مهم تناسب مؤهلي كثر ما انه شغل اكتسب فيه خبره واثبت وجودي في هالحياه وكتبوا لي تراه دوامين تقبلين طقيت الصدر
قلت اقبل ..
ورحت قدمت اوراقي للمكتب وقالوا بيرفعون اوراقي للمستوصف بدون ما اعرف اي معلومه عنه
وبعد يومين تقريبا جات الموافقه بترشيحي وعطوني اسم المستوصف ودخلت المقابله
كان مدير سعودي ما سالني شي مهم سوى ايش مؤهلك ومن اي جامعه متخرجه وتقبلين بهالوظيفه وكلمني بالنسبه للدوام ماعندك اي مشكله فيه قلت لا قال خلاص احنا موافقين عليك بس تتدربين اسبوعين ونوقع العقد لو تبين من بكره انااااااا فرررررررررحت طرت من الفرح قلت صار

ابتدى التدريب من اول يوم في المقابله ونزلت لهم ويوم ثاني ابتدى فعليا بدوا يعلموني على برنامج الاستقبال من بيانات المرضى انا هنا انصدمت في البدايه من طريقة التدريب فوضى في فوضى
معتمدين على موظفه تدرب 3 اشخااااص والتدريب ماهو بطريقه منظمه يعني اسوي فواتير مرضى واسوي اقامات عمال واسوي اشياء كثيره في نفس الوقت .. وانا ما اعرف شي من البرنامج معتمده على الموظفه تقولي وين اضغط ووين اروح يعني على طول عمل

اي وحده راح تستوعب هالشي ..
يوم ثالث ودوني استقبال ثاني لعيادة ثانيه ادرب فيه بنت الاستقبال هناك ماشاء الله كانت منظمه وتدربني بطريقة سلسه وشوي شوي بديت اتقن البرنامج الاساسي من فتح ملفات للمرضى ومن عممل فواتير
ومن طبع وسحب فلوس من الشبكه ومن حساب الايراد هذا التدريب اللي اتقنته

ولما جيت بعدها قلت ابي اكون مع البنت هذي لان ارتحت لتدريبها ,,
بعد ما عدا تقريبا 12 يوم نزلوني يومين فقط تحت في الا ستقبال الفوضى يشوفوني كيف بديت اسوي شافوني اتقنت الاساسيات واني مشيت اوكي لكنننن ناقص الاقامات وتجديد الرخص وحفظ الكودات واني شوي اتبهدل وردوا ودوني الى عيادة ثالثه يومين بس والشغل فيها غير عن العيادات الباقي ويختلف تماما
ردوا رجعوني الى عيادة الثانيه المريحه يعني صار 16 يوم وفي اليوم السابع عشر قالوا لي مع السلامه لانه هالاسبوعين كانت تقييم موبس تدريب يعني خدعني المدير وانتي ما اتقنتي كل شي سلاماااااااات ..

اللي عرفته من خلال كلام البنات اللي هناك انهم جوا معاي وعطوهم ابليكشن يعبوه بس انا ما عطوني وقالوا لهم انه هذا تقييم اسبوعين وتجربه 3 شهور وبعدين اما يرسمون الموظف او يقولون له مع السلامه

هنا تفاجأت بس سكت ورحت للمسؤوله قالت لا لا بعد اسبوعين العقد ونفس كلام المدير

للعلم انا الوحيده من بين البنات اللي ما كتبوا معاي عقد والباقي ما اتقنوا كل شي بس اخذوهم

اشياء ما عجبتني بس ارغمت نفسي على الا ستمرار

في اشياء ما عجبتني في الموظفات هناك انهم يستلمون الوحده على قدم وساق المدير ايش قالك وانتي ايش قلتي له وكم الراتب ولو دكتوره تكلمني يسالون ايش قلتي لها ايش قالت لك
حتى لما قالوا لي مع السلامه اخذوا رقمي البنات وجلسوا يحققون معاي ليش ما جيت ومسؤولة الشؤون ايش قالت لك !!!
وتنقل كلام ورغم كذا قلت حلو بارد اهم شي اشتغل ..

لكنننننن يافرحة ما تممممت







[/align][/COLOR]

يع يع يع مستوصف الله يشفي المرضى جميعا ولا يبلانا بس مستوصف يجيك انواع المرضى لو عيادة اسنان اوكي بس مستوصف
وبعدين هالنوعية من الموظفات معك زيادة على انه مستوصف احمدي ربك تركتيهم
بصراحة انتي في الغالب طريقة بحثك عن الوظائف غلط
انا ما معي الا ثانوي وبس لا خبرة ولا يحزنون
تعالي شوفي العروض كيف تجيني ورفضت عشرين طعش واحد

انا اقول نعمة من الله عليك انك تركتيهم مدري هم ما يبونك ، والله تلاقين غيرهم وافضل بمرااااحل بس دوري بطريقة زينة

معليش على اللقافة بس كم معدلك في الجامعة والدورات اللي معك ايش وكم درجاتك فيها ، ترى ما معي الا ثانوي ما افهم في حقين الدراسات العليا ههههههه الله يحفظك ويكفيك الشر

توكلي على الله الحي القيوم الذي عينه لاتنام ولاتيئسي من طلب الرزق فالحياه كفاح

إن شاءالله خيرة يا أختي. يرزقك بأحسن منها.



وللمعلومية، حتى لو وقعتي عقد من حق الجهة الموظفة 3 شهور (تقييم) نجحتي فيها تستمري مانجحتي يفصلونك مباشرة. ( لو وقعتي عقد بيكون هالكلام موجود في العقد نصًا) هذا معمول فيه.



اللي عليك تسوينه الآن ترجعين لنفس المدير وتطلبين راتب ال16 يوم اللي تدربتي فيهم. أنتِ لو تعرفين راتب الشهر كم يصرف للبنات= معناه رح تقسمين القيمة على 30 يوم ورح يطلع معك تكلفة اليوم الواحد (اضربيها في 16 يوم)= مكافاتك أو راتبك.

توكلي على الله الحي القيوم الذي عينه لاتنام ولاتيئسي من طلب الرزق فالحياه كفاح



للأمانة منقول: https://www.btalah.com/showthread.*****..#ixzz2MMi6dv8e

للاسف الكثير يشتكي من العمل بَ مستوصف او مستشفى كبير
كـان المفروض يـوم شفتي اللخبطه ذي سحبتي نفسك من غير ما توجعي راسك وتتعبي
الله يعوضكـ خير يأختي ولعل اللي صـار خير من الله
اخذتي نبذه وفهمتي جزء من العمل اللي بتواجهيه بأي مستشفى ىبتتوظفي فيه
الله يوفقك

[align=center]

اقتباس:

المشاركة الأصلية كتبت بواسطة أطير على مكنسة يع يع يع مستوصف الله يشفي المرضى جميعا ولا يبلانا بس مستوصف يجيك انواع المرضى لو عيادة اسنان اوكي بس مستوصف وبعدين هالنوعية من الموظفات معك زيادة على انه مستوصف احمدي ربك تركتيهم بصراحة انتي في الغالب طريقة بحثك عن الوظائف غلط انا ما معي الا ثانوي وبس لا خبرة ولا يحزنون تعالي شوفي العروض كيف تجيني ورفضت عشرين طعش واحد انا اقول نعمة من الله عليك انك تركتيهم مدري هم ما يبونك ، والله تلاقين غيرهم وافضل بمرااااحل بس دوري بطريقة زينة معليش على اللقافة بس كم معدلك في الجامعة والدورات اللي معك ايش وكم درجاتك فيها ، ترى ما معي الا ثانوي ما افهم في حقين الدراسات العليا ههههههه الله يحفظك ويكفيك الشر

هلا أختي مشكوره عالرد ..
بس ودي أعرف من اي ناحية غلط انا ترشحت في وظائف حكوميه بس مارحت لانه في مناطق بعيده وراتبها أعلى وماودي اروح وسبق وكررت في ردودي باحدى مواضيعي اني اذا بتغرب للرياض وبس انا اذا توظفت ابي منطقه يا اعلى من منطقتي او مستواها اما اروح مناطق كتمه ومناطق تجيب للغلقه وقرى معليش الواحد يبي يخطو خطوه للامام مش يرجع مناطق نائيه وبعيده لو بتغرب بتغرب لشي يسوى مو شي يتعب النفسيه ..
ثاني شي انتي بنت ثنوي ومافي مقارنه ليش تتوقعين يبونج ويرسلون لج عشرين طعش عرض لانه نفس المنشأه [ الشركه او المستوصف اواي مكان للتوظيف ] يبون يكسبون أكثر ويعطون رواتب أقل لذلك اولاد وبنات الدبلوم والثانوي حتى لو ماعندهم خبره راح يوافقون عليهم لانه ماراح يكلفهم شي كثر البكالريوس ....
والحين كل اهل الثانوي يبون يكملون بكاريوس وياخذون دبلومات لانهم عارفين انه الشهاده راح ترفع من مستواهم المادي خصوصا في القطاع الخاااص

وبالنسبه انها تكون نعمه قد تكون نعمه والله يرزقني ويرزقج يارب
بالنسبه لشهادات الدورات مافيها درجات وادرسي بكالريوس عشان تعرفين للدراسات العليا على قولتج بالنسبه لمعدلي نازل بس ما يعطي معنى للتوظيف اهم شي السيره الذاتيه تتحدث عنج وعن انجازاتج وهي تكفي

اقتباس:

المشاركة الأصلية كتبت بواسطة وراء الوضائف توكلي على الله الحي القيوم الذي عينه لاتنام ولاتيئسي من طلب الرزق فالحياه كفاح

تسـلمـ/ يـ متوكله عليه لكن في هالبلد ما اعتقد عندي رزق كلما رفضت برا وتمسكت ببلادي بلادي ما تبيني ..
لا بدراسه ولا بوظيفه ..
لكن هذا درس لي ودافع اني اسحب على هنا

اقتباس:

المشاركة الأصلية كتبت بواسطة إجابة سؤال إن شاءالله خيرة يا أختي. يرزقك بأحسن منها. وللمعلومية، حتى لو وقعتي عقد من حق الجهة الموظفة 3 شهور (تقييم) نجحتي فيها تستمري مانجحتي يفصلونك مباشرة. ( لو وقعتي عقد بيكون هالكلام موجود في العقد نصًا) هذا معمول فيه. اللي عليك تسوينه الآن ترجعين لنفس المدير وتطلبين راتب ال16 يوم اللي تدربتي فيهم. أنتِ لو تعرفين راتب الشهر كم يصرف للبنات= معناه رح تقسمين القيمة على 30 يوم ورح يطلع معك تكلفة اليوم الواحد (اضربيها في 16 يوم)= مكافاتك أو راتبك.

اجابة سؤال يعطيك العافيه , كلامك صحيح وكتبته في الموضوع ,, انا ماودي ارجع لهم يخسون
بالنسبه للفلوس وقروشهم مابيها مو عشان انا محتاجه انا الحمدلله مو محتاجه للقروش انا محتاجه لخبره تثري سيرتي الذاتيه ومحتاجه اثبت وجودي في هالحياه لا اكثر ولا اقل والله كان ما قبلت بهالوظيفه ..
بالنسبه لرواتب الموظفات هم بنات ثنوي وعندهم دبلومات وانا الوحيده بكالريوس رواتبهم على ثلاثه وانا لو اشتغلت بيكون راتبي 4000 الاف وهم استغربوا

اقتباس:

المشاركة الأصلية كتبت بواسطة الطيف الاليم توكلي على الله الحي القيوم الذي عينه لاتنام ولاتيئسي من طلب الرزق فالحياه كفاح للأمانة منقول: https://www.btalah.com/showthread.*****..#ixzz2MMi6dv8e

الطيف يسلمو

اقتباس:

المشاركة الأصلية كتبت بواسطة الشعلان للاسف الكثير يشتكي من العمل بَ مستوصف او مستشفى كبير كـان المفروض يـوم شفتي اللخبطه ذي سحبتي نفسك من غير ما توجعي راسك وتتعبي الله يعوضكـ خير يأختي ولعل اللي صـار خير من الله اخذتي نبذه وفهمتي جزء من العمل اللي بتواجهيه بأي مستشفى ىبتتوظفي فيه الله يوفقك

الشعلان تسلم اخوي كلامك نفس كلام ابوي الله يحفظه من اول اسبوع كنت استغرب من اشياء وتصرفات قالي فنر طلعي هالمستوصف ما يصلح
لانه غير التدريب الغير منظم اللي ذكرته
الموظفات مثل ما ذكرت استلموني وجلسوا يحققون معاي ويتناقلون كلام وهم قدامي طول الوقت ساكتين صم بكم وعمري ما سالتهم
لكن فيما بينهم ينقلونه ولو تكلموا بموضوع عام وسالوني االاقي جوابي عند الاستقبال الثاني يقولونه لي بطريقه مبطنه والشي اللي خوفني ما تحس النفسيات بين بعض صافيه
الشي الثاني واللي ما ذكرته بعض الممرضات تعطي الدكتوره تقرير مفصل عن الا ستقبال وهالشي حصل قدامي لو غلطت بنت في فاتوره لو وحده غابت لو لو تلاقي الدكتوره تكلم الموظفه نفسها وتقول ليه غلطتي وليه سويتي
الشي الثالث العمال هناك البعض وليس الكل في عمال تودي وتجيب الملفات بما انه المستوصف قديم يراقبون الموظفات مع من ركبت ومع من نزززززلت ما كانهم هنوود [تربيه سعوديه ] ماشا الله
يسالني واحد منهم من هذا اللي تركبين معاه من هذي اللي في سيارتكم وانتي بيتكم وين ويوميا واقفين عند الباب كانهم ساهر ..
ويحشون بالهندي ..
انا قلت لابوي كل هذي الاشياء قال طللللللللعي منه بس انا اصريت عشان اخذ خبره
ورغم كذا ماتم الموضوع
اخذت خبره في مجتمع المستشفيات ..
وفي شي اخر هم ما ذكرته لما يدربوني ولما سال عن شي تحس الموظفه ماتبي تقول كل شي تقول انا اعتمدت على نفسي وعرفته سلامات ياخت ومره بالمزاج مره يكلموني اوكي مره يسكتون

بس ماتوقعت بيئة العمل فيها دنائه وحش وتناقل كلام وعدم امانه ومحاسبه على كل شي وعلى تصرفات ولا عاد الحريم الله يكفيني شرهم

[/align]