السلام عليكم ورحمة الله


أسعد الله صباحكم بكل خير ..

شباب انا الأن عاطل عن العمل وكل ماسويت مقابله شخصيه يتخوفون مني بسبب أني تركت أخر عمل وجلست بدون عمل يخافون فيسئلوني ليه تركت العمل أدور تصريفة ما أحصل وأحطها بالراتب أو العمل وزي ما أنتو عارفين ماينفع تذم عملك السابق دايم يسئلونك ليه تركت عملكهذا ورحت للثاني بتقول اطور نفسي أو أحسن وظيفة أو راتب أحسن .. لكن يقول لك ليه تركت الوظيفه وجلست بدون عمل أتوقع مالها جواب أبي تصريفه حلوه شباب ومشكورين

وانا بقول لكم الصراحة تركت اخر عمل بسبب مشاكل وتسلط الأجانب وأنتم عارفين الي جربو العمل بالسعودية حقنا ضايع وووباختصار ماناسبني

يالله كل واحد يدلو بدلوه بتصريفتة

يا اخي لاتقولهم انك موظف سابق ليش تقولهم اساسا

^^^

حبيبي والخبرات الي عندي ابلها واشرب مويتها ؟

[gdwl]وجهة نظري[/gdwl] انك لابد تكون صريح معهم وتقول بسبب سوء معاملة المدير اوالمشرف لان الصراحه راحه

أما بالنسبه لرد رجوتك أخالفك الراي لان الخبره عامل مهم في التوظيف الايام هذي

موفقييييين

بخصوص انك موظف سابق لابد تقول لهم لانها هذي خبرات سابقة لك وأنا مثلك سلمك الله
بس بخصوص ليه تركت عملك من وجهة نظر الأخت أم وسومي صحيح يفضل الصراحة في كل شي
وكذلك تقدر تضيف أن التدرج الوظيفي غير مناسب وارغب بتطوير مهاراتي أو إذا مرة ماعندك تصريفة
أخوي الكريم قلهم ظروف شخصية وتقبل مروري وبالتوفيق للجميع..

يآحبيبي .. أهم يبون واحد عنده خبره~ قول اللي بقلبك { مثلا قول انا كنت اسير بعملي زين وشغال ميه على ميه~ ومن هالكلام قول الكلام اللي قاله لك { ام وسومي} كلامها عين الصواب ~ ورزقك على ربك ماهو بيد احد~ اهم شي قول خبراتك
بالتوفيق لك~

انا بصراحه ما عندي خبره بالمقابلات الشخصيه .. بس من خلال قرائتي عن المقابلات واللي يحصل فيها
يُفضل انك ماتسب او تتذمر من عملك السابق
وقول انا شاب احب اطور نفسي وما احب احد من طموحاتي ومالقيت هالشيء بعملي السابق
او اكتفيت من مجال العمل اللي عملت فيه وحبيت اغير المجال واكتسب مهارات جديده

والله يوفقك ويرزقك بالوظيفه اللي تتمناها

من خلال تجبرتي بالمقابلات اكثيرة .......

ولدي خبره فيها ...

بس تصدقون الى الان عاطل بس ان شاء الله خير انا متفائل ...

بخصوص هالسؤال ؟؟

ليه تركت عمل السابق وماذ تعمل في هذه الفتره ..

قول هالاجابة

انا احبيت اظل معه العمل السابق بحكم تكيفي معه العمل لكن المدراء هم من انهو عقدي لكوني سعودي والشركة تعج بالاجانب خوفا منهم اني اكون مشرف او احصل على ترقية ...

وتوقع هذا الي صار معك والمشكله الي واجهتك بالعمل ..

طيب انت لما تركت عملك السابق لك سنتين او سنه ونصف ..الفتره ويش سويت فيها ..

قل بحث عن فرص عمل وعملت مقابلات بعضهم حالفني للقبول ونا رفضت العمل يكون الوظيفه غير مناسبه او ماتضيف شي سيرتي الذاتيه ... والقسم الاخر الى الان لم يتم الرد ..

وحاليا قوله انك لسسست عاطل بل تعمل عمل شخصي كتوصيل االاطفال للمدراس وتاخذ رزقك والمقسووم الين الله يرزقني بوظيفة ...

اما بتقول سنه ونص ماعملت شي اكيد بيقضبك الباب ههههههههه لانك انسان غير عملي ومعتمد على الوظيفة فقط .. وهذا الصراحه

تقبل مروري

دعوااااااااتك لي ياولد الاجواد بالتوفيق

طبعا بيقوولك عمل ويش الي رفضته وماضافلك شي انا ومن كلام شخصي انا جتني وظيفة تسويق بس رفضتها بحكم انها مافيها راحه تسويق من مكان الى مكان من منطقه الى منطقه والبنك ال قبلني حرام قروضه تكلم فيها شيخ ..