بداية : اليوم اقرب كلمة توصف حال المتقدمين واللي صار معهم (
فـوووووضى ) بصراحه تنظيم سيء جدا جدا وانا اتكلم على مستشفى قوى الامن اللي بعرفة بجوار مسجد نمرة .
طبعا وصلنا الساعه 7 صباحا واخر واحد خرج الساعه 3 عصر وعليها ، طبعا الساعه 8 أو 8:30 يجي عسكري ينادي بالاسماء ، ويبدأ يدخلونكم على العيادات على شكل مجموعات .
[
*] تبدأ بالوزن والطول وهذا يقيسه لك ممرض جيد والله اللي فيه امل يمشيه يخليه يكمل واللي ما فيه امل نهائيا يكتب له ملاحظة خلف الكشف.
[
*] بعدها تدخلون على عيادة الجراحه يخليك ترفع ( السروال ) عن الساق تمد يدينك تثنيها يشوف بطنك والعدة ويسألك سويت عمليات قول له لا ولا غليك (
بخصوص هذا الدكتور إذا قال لك نزل سروالك نزل لا تتمطع وتتثاقل لأنك لو تأخرت عليه بيغسلك بالكلام وما الومه صراحه )
[
*] بعده تدخلون على عيادة الباطنيه يشوف الاشعه اللي جبتها معاك ، وتكشف عن صدرك ويحط السماعات ويقول لك خذ نفس وبعدها يقول لك اكشف عن ظهرك يناظر فيك ويقول لك قوم يختم لك على الباطنيه والنفسيه ويوقع .
[
*] بعده تدخلون عند دكتور الاسنان يخليك تفتح فمك ويشيك ويقول لك صكر فمك يشوف الفكين على بعض ، انا عندي كسر بالسن الامامي ما قال لي فيه شيء .
[
*] بعدها تدخلون على عيادة العيون الرموز اللي تختبرونها حلقات وتقول له الفتحات وين ترا ماهي يمين ويسار وفوق وتحت بس ، فيها شمال شرق وشمال غرب وجنوب شرق وجنوب غرب يعني بزوايا ( تعقيد ) ويختبرك بعدها عمى الالوان .
تقييمي للعيادات وعدم تشديدهم كالتالي :
- الطول والوزن : 8من 10 متساهل أما يجيه واحد صعلوك بالحيل يحسب له الفرق ويكتبها ملاحظه
- الجراحه : 8 من 10 بس يبي يمشي المجموعات وما شفته دقق على احد إلا كم شخص يتدلعون بالكشف على العورة
- الباطنيه : 8 من 10 هالدكتور بتشوفونه بارد والا ما عليه ..
- الاسنان : 10 من 10 ما اقول الا الله يوفقه ما رد احد ابد ولا كتب عليه ملاحظه .
-العيون : 4 من 10 اي شخص عنده عمى الوان لا يروح من الان لأنه يشطب على الكشف ويرصه بالختم غير لائق أما اللي يعاني من ضعف يعطونه مهله اسبوع اسبوعين ما يشطبون على ورقته .
وبالاخير التزموا بالنظام لا توقفون عند الباب وتحشرونهم علشان يمشونكم اليوم غربلوا خلق الله يصايحون عليهم وطلعوهم بالشمس ولخبطوا الدنيا الظهر بدت العالم تخلص ،والا لو مشت الامور وسلموا من عصبيه العسكر والطرد برا المستشفى كان اخر واحد مشى الظهر ،،
وأسأل الله العلي العظيم ان يوفق جميع المتقدمين بجميع القطاعات طوارئ أمن خاص أمن عام الاحوال والمكافحه وكل من ينتظر قبوله ،،
25-03-2013, 07:06 PM
[الأمن العام]الكشف الطبي بـ( مكـة المكرمة )
شكرا لك 
العرض العادي
