الامــن العـــــام " جميع الاستفسارات " لـ عــــ1434ــام

عاطل سوبر بلس · #**2671** (**permalink**) 26-03-2013, 06:04 PM

اقتباس:

المشاركة الأصلية كتبت بواسطة يا رب يسرها

لا لا مالك دخل باللي في العزيزية ،،، الكشف باللي في عرفه حول مسجد نمره ،،

مشكور اخوي الله يعطيك العافيه ويسر امورك

صوت الرياض · #**2672** (**permalink**) 26-03-2013, 07:11 PM

السلام عليكم ورحمه الله وبركاته

بعطيكم قصتي يوم رحت للدمام مستوصف قوي الامن عند دوار التميمي

حركات من الرياض الساعه 6 الصباح توني صاحي شغلت ومشيت علشان الكشف الطبي

وصلت عندهم الساعه 9 ونص تقريباً مع التضييع وكذا المهم وصلت سلام وعليكم السلام

وقلت كشف طبي لقيت يمكن 6 او 7 شباب بس يخلصون كشفهم الطبي يروحون من قسم لقسم

المهم جلست انتظر لي واحد وكيل رقيب اول ماتدخل مع المستوصف تلف يسار وتمشي لين يجي

في وجهك جدار جعله في وجه العدو وتلف يمين اجباري

وتمشي وتلقي على يسارك درج ويمينك اصنصير وسيدا تجي غرفتين

المهم جاء وكيل رقيب لقيته ولقيت واحد ثاني رقيب صبحت عليهم وقلت كشف طبي قال عب النموذج الي قبل الاخير حق الحاله النفسيه عبيته وسلمته له قال الموعد بـ 11 / 6

قلت ليش ياولد مني ولا مني الله يرحم والديك طال عمرك ومن هالكلام قال زحمه

حاولت لين انبلف مخي المهم قلت جزاك الله خير وطلعت ولقيت واحد جاي مثلي من الرياض

كان قبوله المبدئي يوم الاثنين الي هو امس في الرياض يقول ومعه اوراقه وقدم عليهم

واعطوه موعد نفسي قلتل يش ماسويت في الرياض قال زحمه يقولون مافيه قلت اجل انتظر

قال الدوره بتبداء قلت يارجل معليك بتزين الامور ومشيت وخليته وانا طالع لقيت الوكيل رقيب نفسه قلت يابن الحلال حاول فيها سبق الموعد قال ما اقدر قلت الدوره قال الدوره في شهر سبعه ماحولك دوره ؟ قلت كيف قال في شهر سبعه قلت طيب خير !؟

المهم شغلت الموتر على 10 ونص يمكن ورجعت لرياض الساعه 3 تثريباً وانا في الرياض

وهذا كل الي صار معي اليـوم من اخر الاخبـأر

تحيــاتي للجميع

عليالمسكين · #**2673** (**permalink**) 26-03-2013, 07:35 PM

انا لسة ماختمت دفتر طلب الالتحاق من الشيخ وموعدي بكرة بالمقابلة الشخصية بعسير هل بيختبرون قبل ماختم دفتر طلب الالتحاق من الشيخ او بيطردوني ويعطوني موعد ثاني

E7SAS · #**2674** (**permalink**) 26-03-2013, 07:47 PM

يجي من يفيدك

اسيررالشووق · #**2675** (**permalink**) 26-03-2013, 07:51 PM

السلام عليكم ورحمة الله

ياشباب ابستفسر ارقام الي مقدمين ثانوي طلعت ؟ لاني سمعت الي طلعت الدبلوم والجامعه وشكراا

قاع الهامور · #**2676** (**permalink**) 26-03-2013, 07:52 PM

اتوقع يقولون لك اختمه وارجع تسوي المقابله

حاول تشرح لهم السبب ان شاءالله يتفهمون

جابر المبارك · #**2677** (**permalink**) 26-03-2013, 07:52 PM

[align=center]
السلام عليكم شباب
استفسار بالنسبة التخصص في الأمن العام هل اهم يختارون التخصص او انا اي اختار
وهل يكون تحديد التخصص في بداية الدورة او بعد التخرج من الدورة
[/align]