اتمنى معرفة المراقب الي قام بنقل الموضوع لقسم الالعاب

اختي الكريمة ،،، اذا اصدر عليه حكم نهائئ بالقتل،،وتم سجنه بالحق العام،،، بالحالة ذي تقدمين معروض لامارة المنطقة،،، وهم عاد يوجهونك للجهة المسؤولة،،، ويدرسون حالتك لمدة ثلاث شهور تقريبا،،، وتكونين تحت مسؤلية رعاية اسر السجناء،،، اما بخصوص ولدك استخرجي صك اعالة،، واضيفيه بكرت العائلة، ضروري،،

واحب اقلك لاتخافين رحمة ربك عظيمة،،،وابواب الخير عديدة،،، لاتضيق فيك اختي ورحمة ربك واسعة،،

استهدي بالله،، وباذن الله،، راح نشوف وش اللي نقدر انسويه لك،،،


بس انتي لو تكرمتي وتقولي لي:

1- هل تم الحكم على زوجك؟ وكم له مسجون؟؟
2-هل لديك صك طلاق؟؟
3-هل لديك صك اعالة؟؟
4-هل سجلتي في برنامج حافز؟؟
5- هل انتي مسجلة بالضمان الاجتماعي؟؟

طيب زين

اختي المهم تسجلين ولدك بكرت العائلة عشان يزيدون الدخل الضمان
وقدمي على المقطوعة ترى المقطوعة تشملك،، لانك عندك اطفال،،
المقطوعة تقدمين عليها من الضمان فرع منطقتكم،، وتاخذين معك اوراقك الرسمية
وياليت بعد تسجلين عندهم بنظام تسديد فواتير الكهربا او جزء منها،، ويحق لك ذالك لانك مسجلة بالضمان


وبصك الاعالة تقدرين تستخرجين قرض من بنك التسليف 30الف ريال والقسط 500 ريال كل شهر،،بدون فوائد
وشروطهم تنطبق عليك،، لانك مطلقة وعندك اطفال،،،والعمر مو مهم،،اسم القرض قرض الاسرة،،،

،،، طيب المحكمة حكمت لولدك بنفقة من ابوه؟؟


وياليت تروحين فرع رعاية اسر السجناء قسم النساء اللي بفرع منطقتكم وتعرضين حالتك واكيد راح يوجهونك للجهة الصحيحة،،تلفون ثابت ع الرقم : 027447051
فاكس رقم : 027447052 منطقة الطائف،،،،،
وبتصل فيهم وباخذ منهم استفسار عم موضوعك
واحذري اختي من ضعاف النفوس ،،،
وشوفي وش يحصل معك وخبريني،،

وانا المغرب باذن الله بكلم واحد من الشباب محامي متدرب وبشوف وش حقوقك ،،، لعل وعسا في شي غايب عنك،،،، واسال الله يشملك برحمته الواسعة اللهم امين

للفائدة،،،،،،،،،،،،،،،،،،،،

اختي اعذريني وسامحيني اذا اكثرت عليك بالكلام والاسئلة:

هل السكن ايجار ام ملك؟؟ اذا كان ايجار في جهة اسمها ادارة الاوقاف هذي ادارة تساعدك في دفع الايجار
ولكن لديهم شروط وهي للارامل والمطلقات وكذلك لكبار السن والذي راتبه يكون اقل من 3000 الاف ريال
ولكن قبل ذلك تذهبي للادارة وتقدمي عليهم وتنتظري من شهر الى شهرين الى ثلاثة حتى يتصلو عليك ويقولو لك راجعي الادارة وقدمي اوراقك ومن اهمها انك تطلعي صك من المحكمة العامه بأنك تستحقي المساعدة في دفع الايجار
عندها سوف يصرف لك شيك كل سنه بمبلغ وقدرة (10.000) ريال كل سنه،، او يسكنونك باحد شقق الاوقاف،،انتي وعائلتك،، وحتى الجمعيات الخيرية نفس الفكرة بس الاختلاف انهم يدفعون لك فقط ما يجيبون لك شقة،
جمعية البر الخيرية بالطائف
الطائف حي ام العراد شارع الستين امام فرع وزارة التجارة
027462153
027466468
اتصلي عليهم وراح يتعاملون معك بجدية باذن الله،،

اختي لايدخل اليأس الى قلبك،،، ترى الله سبحانه اذا احب مؤمن ابتلاه،، هذا اختبار لايمانك،، فلا تجزعي ولاتسخطي،،، فقط ثقي بالله ،،، اشد الثقة،،،

اعرف ناس واجد قدموا على الجمعيات والاوقاف وقبلوهم والحمدلله فرجت،، الموضوع يبغاله بس انك تسعين وتسعين والله يسخر لك خلقه باذن الله،،، لاتخافين،،، واذا الوالد حي ربي يطول بعمره سوي له وكالة وهو يقوم باالاجراءات او احد اخوانك،،

الله يكون بعونك و يفرج عنك همك و غمك

اول شي احفظي حقوق ولدك مثل ما قالتك اختي برووق الروقي


و روحي قدمي في الضمان الاجتماعي و بعدين تابعي موقع الصندوق الخيري عندهم تدريب منتهي بالتوظيف

اتمنى اكون افدتك و ان شاء الله الجميع هنا ما يقصرون معاك