الله يرحمها ويغفر لها
وحسبي الله عليه

الله يفرج همج
عسى ربي يوفقج ويرزقج من واسع فضله
وانتي نيتج زينه مع هاليتامى ودام نيتج زينه ربي ما يخيب ظنج

اختي بخصوص الجهات المختصة او الجمعبات ماعليك اتصلي وشوفي لاتخافين ولا تقلقين هذه وضعت من الدولة عشان خدمتك انتي وانا وغيرنا من المواطنين،، لاتحسبينها من جيوبهم او من حسابهم،، هذا من زرق الله ،،، والارض ارض الله،،،ولااحد له عليك منه ولااحد يقدر يرفض طلبك بدون عذر ،،،،، وفيه بكل جهة قسم نسائي يعني لاتخافين،، بنات مثلك اكيد راح يحنون عليك ويساعدونك بكل شي قدر استطاعتهم،،،عادي ترى مافي داعي للخوف،، هذا حقك من وطنك ومن بلدك،،،،،،،اهم شي اوراقك الرسمية صوري منها نسخ والاصلية خبيها ماتدرين يمكن احد من ضعاف النفوس يلعب فيها او يسرقها،،حتى ان اطلبوها منكم ناس لاتعطونهم الاصلي،، واي احد يجيكم البيت اطلبوا منه هوية العمل وتاكدوا انه موظف بالدولة،،ولاتستمعي اختي لضعاف النفوس،، او احد يعرض عليك المساعدة ،،، خليه يتواصل مع محرمك،،،اما بخصوص الوظيفة،، ماعليك ربي يسهلها نشوف موضوعها بعدين،،،اهم شي ذحين تخلصين اجراءتك القانونية وترتبين امورك،، وبعدين عاد نشوف موضوع الوظيفة،،،
واذا عندكم امكانية تسديد ترى فيه قرض ترميم للمنازل من بنك التسليف،، اذا الوالد الله يطول بعمره مااخذه قبل كذا يقدر ياخذه
بدون فوائد،، خذوه القرض وابنوا فيه شقة صغيرة واجروها واستفيدوا من دخلها،
او،شوفي احد من اقاربكم تثقين فيه وتشترين سيارة،،وتتخلينه يوصل معلمات والنص بالنص بينك وبينه،،والسيارة تكون باسمك،،او باسم الوالد الله يطول عمره،، ترى توصيل المعلمات دخله حلو،، انا اشتغلت فيه قبل كذا،، دخله تقريبا شهريا بين 15 الف او 12 الف،،،بس يبيلك واحد يبغى يسترزق وواحد ثقة،، وربي يسهل امورك ،،،، يارب،،، تفرج لاتخافين وانا اخوك

للفائدة،،،،،،،،،،،،،

بخصوص الصك،، اختي،،، ليش ما يسلم المعاملة لمكتب عقار او معقب شاطر،، وياخذ اتعابه،،ترى لهم معارف بكل مكان وتلقين له خبرة اكثر بالاماكن ذي،، او قدموا معروض للامارة يوضح حالتكم،، ترى والله خالد الفصيل مايرد احد،،، عيال الفيصل كلهم،، قلوبهم على الشعب،، ومتواضعين جدا،، ويحبون الخير،،، خلي الوالد يروح الامارة ويلقى مكاتب جمب الامارة تكتب معاريض بخمسين ريال قيمة المعروض،، ويوصف فيه الوضع،، وصدقيني خلال يمكن شهر راح يردون عليكم،،
باذن الله،،

الله يسدد خطاكم// وينور دربكم،، ويسخر لكم خلقه،، او ملائكته انه على كل شئ قدير،اللهم امين،
اختي اهم شي ،، الصبر والصبر والصبر والاستغفار،، والسعي،، لابد من الاشياء الثلاثة ذي،،، وانا واخوك كلنا بنفس الضروف،، بس تختلف الاسماء والاماكن،،، والحمدلله الواحد يخلي امله بربه كبير،، والثقة الخالصة بالله،، لاتسخطي ولاتشتكي سوء الحال الا لربي الكريم،، ارفعي يدك للسماء ،،، واطلبي من اللي خلقك وخلق الوزير والامير ،،، اصحي انك تعتقدين انه فيه احد يمشي امورك بدون اذن الله،،وباذن الله راح تفرج عنك،،، اهم شي القناعة والرضا مهما كان الحال،،،،، واذكري الله كثيرا،
، وانصحك بسورة البقرة والقارعة ويس والملك،،
وسبحان الله بحمده
واستغفرالله واتوب اليه
والعديد من الاذكار،،اعطي الله مايحب ان يذكر فيه لكي يعطيك ماتحبين،،،
اتمنى مااثقلت عليك بالنصح،، ولكن كرهت ان اخفي عنكي من الخير شيئا