السلام عليكم ورحمة الله وبركاته

انا مطلقه خلع ولدي طفل عمره 5 سنوات طلبت الطلاق وانا حامل بابني وتم الخلع من اول جلسه

وربي قدر علي وانجبت ولد وقمت بمسؤليته برغم ضعف احوالي الماديه وهو مايطلب شوفته او حتى يصرف عليه الى هذا العمر

وبعد هذي السنين جا عند ابوي احنا نحسب انه يبي يشوف ولده لان ماله ذنب وتم استقباله

واتضح مع الاسم انه مافكر في ولده وانه طلب ارجاعي مع التهديد ؟

طبعا وبدون ادنى شك رفض ابوي بعد رفضي انا وهو مصر على رايه

بعد كم يوم والتهديد والاتصالات المتكررهه اختفى وجا لنا خبر يتعب القلب ويتعب الضمير ويتعم العالم الحسي والفطري والانساني

لانه قام بجريمه قتل نكرااااااء بحق زوجته انسانه لاذنب لها وتم قتلها بوسط ابنائها الاثنين

اسال الله لها الرحمه والعوض في جنات النعيم

وهو ان ربي ياخذ بحق الظلم ولا ادري مالحكم الي سيصيبه

سؤالي واعتذر عن الاطاله مالحقوق التي ستلتحق بابني

ومالحقوق الي ستلتحق بابنيه بحكم ان ليس لهم ولي الا امه وامه كبيره بالسن واحوالهم جدا محزنه

اتمنى من يستطيع ان ينجدني بوظيفه انا في مدينة الطائف ولاكن لم اكمل دراستي وادخل معاهد كي احظى بكم شهاده قد يكتب لي الرزق انا وابني وربي يقدرني ع مساعدة ابنيه الي انظلمو

اتمنى استشارات مهمه لاني بكل صدق احس بضياع بحكم اني ما ادري وش اسسوي

وانا مابي منه شي الله لايبتلينا ولاكن مابي ابني يضيع ولا حتى ابنائه

أولاً : الله يفرج همك ويقدرك على تربية ابنك ويعوضك خير ..

ثانياً: ربي رحمته واسعه اللي قدر لك ماتعيشين معاه والله اعلم كيف بيكون وضعك
واسأل الله ان يرحم زوجته ويسكنها الجنه

ثالثاً: موضوع سجنه في صالحك ( ورب ضارة نافعه)
اللي عليك انك تروحين المحكمة وتطالبين بصك إعاله لابنك والاهم يكون طفلك مضاف في الأحوال
المدنيه عشان مصلحته ودراسته بعدين انتبهي لهاالنقطه ..
وان شاء الله راح يصرف له ضمان اجتماعي معاك اذا أخذتي صك الإعاله
وحتى لو طلع طليقك من السجن ماله حق يطالب بحضانة الطفل لان لديه سابقه جنائية

وبالنسبه لأطفاله من الزوجه المتوفاة أنصحك ماتدخلين في مشاكل انتي في غنى عنها
الأكيد ان لهم أهل من جهة الأم او الأب والله يشملهم برحمته ..

أما الوظيفه آولاً أخذي دورات حاسب وإنجليزي راح تنفعك اكيد ..
وانتبهي من ضعاف النفوس اذا احد أرسلك خاص هينا لاتثقين فيه..

اتمنى أكون أفدتك والأفضل تكلمين مكتب استشارات اسريه وتسألينهم بيفيدونك آكثر ..

الله يسهل أمورك ويعوضك خير ..

السلام عليكم

بالنسبة للوظيفة تابعى قسم الوظائف فى منطقة الغربية

وان شاء الله تجدين الوظيفة المناسة فى هذا لمنتدى الطيب باذن الله

ينقل للقسم المناسب واحة الاعضاء

لاحول ولاقوة الا بالله

هذا قاااتل ...وأن شاءلله مراح يطلع من السجن الا على ساحة القصاص بأذن الله تعالى

شكله غابة فيه الفطره السليم ..الله المستعان


الحمدالله ...الله فكك منه ..قدمي ع الضمان الاجتماعي ..وأن شاءلله ..ربنا رزقك بوظيفه مناسبه وطيبه

مشكورين ع الرد ولي عوده ع التعليق

بس ليه انتقل الى واحة الاعضاء وهي مشكله وهذا القسم مخصص للالعاب والفرفشه

؟؟..؟؟؟؟

لاحول ولاقوة الا بالله والله المستعان

؟؟؟؟؟؟؟؟؟؟؟؟؟؟؟؟؟؟؟