بسم الله الرحمن الرحيم

من عدم خبرة الأكثريه يالمقابلات الشخصية
يشعرون بالخوف ومما يجعلهم يخافو او يحسوا بانهم في موقف ضعيف
وللمساعدة انا كتبت هذا الموضوع
لأني واحده من الذين يخافون المقابلة الشخصية
ولاني متأكده من انه يوجد غيري
اود من الجميع المساهمة بقول تجربته
حتى يخف التوتر والقلق من المقابلات

***************

وسوف اكون اول المساهمات بتجربتي


بعد التوتر الشديد الذي انتابني من المقابله الشخصيه
غير انها كانت مع رجل انها كانت باللغة الأنجليزيه
زاد توتري لأنها تجربتي الأولى
توكلت على الله وجهزت نفسي
ودعمت معلوماتي من ناحية مكان العمل
واخذت معي كل ما يدعم شخصيتي من شهادات وخبرات
ذهب التوتر فجأة بعد ان قلت بسم الله الرحمن الرحيم واخذت نفس عميق
فوجدته اسهل بكثير مما تصورته
لانه كان مجرد محادثه معلوماتيه بين اثنين

والأن ولله الحمد مستعده لأي مقابله

*************

من يواجهها اي موقف اثناء المقابله ارجو منها ان تعرضه حتى يتفاداه الغير
ولتكون دعوة للتعلم من بعضنا البعض

منقول

[gdwl]أعتذر عن الخطأ الموجود بالإعلان التصحيح(((الشخصية))))[/gdwl]


[glow1=FF3366]وبالنسبة لي بكره أول تجربة لي في المقابلة الشخصية والله يوفقني وييسر أمري
[/glow1]

الله يوفقك

وعقبال ما تجين بكره و تقولين وش صار معك

و عقبال ما نفرح لك بقبولك ان شاء الله

انا مثلك عندي مقابله شخصيه ومن الحين متوترة الله يسهلها ويفرجها من عنده

صعب الفراق
الله يفرحك مثل مافرحة بهالدعاوي الحلوه عسى الله يقبلها
فراشاتي
الله يوفقنا جميعا وييسر أمورنا في الدنيا والآخر


شكرا على مروركم

الله يوفقك اختي الكريمه ~

الحقيقه انا ولا مره دخلت مقابله شخصيه وإنرفضت فيها
بالعكس انا الي افرض شروطي على الشركات
وارفضهم اذا ما ناسبوني
بالرغم اني خريج دبلوم اداره سنة 2011 وخبرتي سنه بس

المسأله سهله ، إدرس شخصية الي قدامك وشوف هو ايش يبي ، وعطه الي يبيه وبس لا تكثر
الي يبيه عطه اياه بذكاء


من أهم عوامل نجاح المقابله
الاشياء الي تترك عنك إنطباع عند مدير الشركه

بقولكم سالفتي في آخر مقابله إنقبلت فيها
كانت شركة هندسيه يوم الخميس الماضي في الخبر

اول ما دخلت كان الريسبشن سعودي
سلمت وعطاني نموذج طلب الوضيفه
عبيته .. وقلت له شرايك بسرعه خلصت صح ؟ وفتحت معاه موضوع
وكأني جالس ألقي عليه محاضره عن المواعيد واحترام المواعيد
وبعدها
جاني شخص اجنبي اخذني لغرفة الاجتماعات وفيها اثنين
واحد يختبر لغتي الانقليزيه بالكلام
والثاني اعطاني ورقه فيها خمس عناوين وقالي اكتب تعبير عن واحد من هالعناوين
وبيني وبينك انا عندي انجليزيه ممتازه في التحدث
ولكن في الكتابه من جنبها يعني الله لا يوريك
المهم ما فهمت ولا عنوان من هالعناوين
رحت مسكت الورقه وكتبت اسمي بالانقلش سطر كامل ههههه

واخذت اكتب وبس عن الوضائف الي سبق واشتغلتها واسامي الشركات الي كنت فيها
يعني عبيت 70% من الورقه
وبسرعه خلصت
وقلت للاجنبي دن يعني خلصت
انبسط واخذ الورقه
ووداني للمدير سعودي
تكلمت معه بالعربي عن وين انولدت ووين عايش وايش اشتغل كان هدفه كله
يشوف مدى ثقتي بنفسي وإنطلاقتي بالكلام
المهم اني اتكلم بدون ما اوقف او اتأتء

وبالفعل انعجب بشخصيتي وانطلاقتي
وبعدها جاء واحد اجنبي
واخذ يتكلم بالانقلش وانا اجاريه واتكلم معاه
وكنت اذا ما فهمت عليه اقوله اعد صياغة الجمله
او ويش تقصد من كلامك
وكان ينبسط لما اسأله

المهم قام يسألني وش اشتغل ووش اسوي في شغلي
فكنت اقوله اني انسق مشاريع سابك
واقوله ايش اساليب سابك مع المقاولين ومن هالكلام
وقالي عدد شركات سابك
عددت لهم 7 شركات وقلت له معليش ترا هم 19 شركه وش احفظ ووش اخلي
قام يضحك وقال صحيح حتى انا ما اعرفهم كلهم وانساهم احيانا

بعدين قالي لو صادفك موقف مع رجال الامن في البوابه وقالو لك تعال بعد بريك الظهر بعد ساعتين
قلت له بروح وبرجع بعد ساعه
قالي هو قالك ساعتين !
قلت له بروح له بأدب وبقوله معليش البريك ساعه بس
لو ما تجاوب معاي بروح لمشرفه
ولو مشرفه ما افادني بروح للمدير حقهم ولو ما نفع بوصل للمدير العام
قام يصفق لي ! وقالي انت تحل المواضيع بالتدرج
قلت له طبعا
انا ما راح اخلي احد يمسك علي اخطائي
لو رحت للمدير مباشره راح يقولي ليه مارحت للمشرف كان هو بيحل مشكلتك
وبكذا راح اخسر علاقتي بالاثنين
انبسط هو

رجع مره ثانيه
قالي وين بتنتظر هالساعه هذي على ما ينتهي البريك للظهر

قلت له
تقدر تشوف وجهي ؟ وكنت أأشر على خدي لان كان عندي جفاف بسبب الشمس

قام يضحك وقالي في الواقع هذي اجابه ممتازه يوم قلت لي شوف وجهي
بس قالي المره الجايه لازم تحط واقي من الشمس

وقال في ختام كلامه
انت الي كتبته في الورقه بالانجلش
ترا ما له علاقه بالعنوان
بس اعجبني فيك انك كتبت بالانجلش وما تركت الورقه فاضيه
وكأنك تحاول تقولي انك تعرف انجلش بس ما فهمت هذا العنوان

فقلت له انا اعرف انجلش ولكن في مجالي وتخصصي
وقال بيرد علي خلال عشر ايام
دعواتك لي يا خيتي

المهم في المقابله
لا توقف عن الكلام وخلك منطلق حتى لو اضطريت الى فتح موضوع ثاني
كل ما سألك عطه رد فوري
وكأنك بتاكله

البس زين وارفع راسك ولا تتكلف او تتصنع او تبتذل
خلك طبيعي
طالع في عيونه وابتسم وخلك ماسك قلم في يدك
عشان يعرف انك انسان عملي

لو طرح عليك مشكله عطه حل فوري
لا تنتظر وتفكر ، او قله احتاج ادرس المشكله بشكل كامل عشان احلها
لا تبين له انك عاجز او ما تقدر
لا تفتح له موضوع الفلوس او الراتب او المزايا الا لما يقولك احنا وافقنا عليك
امدح شركته وبين له انك مهتم في الشغل معه

واهم نقطه
كلمه على انك مثلك مثله
لا تبين له انك اقل منه يعني هو مدير وانت على قد حالك
لا
كلمه على انك مدير مثله
وتكلم باسلوب المدير بحزم وجديه


والكلام عن المقابلات يطول
يعني ما يكفيني رد واحد
هذي نبذه بسيطه عن آخر مقابله لي قبل ثلاث ايام تقريبا
واي اسأله انا حاضر ،
خصوصا اني كنت اشتغل مسؤول توظيف سعوده سابقا

واعتذر اني كتبت ردي بصيغة مخاطبة الرجال والي كتبته بنت ^^
واعتذر عن التقصير
مع التحيه ، اخوكم الصغير

يعطيك العافيه أخوي بوسلمان بصراحه كفيت ووفيت

وماشاء الله أسلوبك ممتع جدا الله يحرسك

الله يوفقك ويكتب لك اللي فيه خير