اجمل ما في الموضوع ( المصدر) الآن لنا قرابة الشهرين والمصدر يقول خلال هاليومين تطلع الاسماء ووووووالخ اقلقنا هالمصدر

اليوم راجعت وزارة التربية والتعليم والله العظيم ان بعض الموظفين ما يستاهلون ولا ريال على شغلهم
الله لايعطيهم عافية على اللي سووه معاي
خلوني ولطعوني في الوزارة لمدة اربع ساعات علشان يرسلون برقية للجهة اللي وجهوني لها من قبل والمصيبة ان تعاملهم الى الان يدوي ولما سالتهم عن آلية الغاء تعييني جلس موظف شايب يقلب بالملفات عنده لمدة ساعتين وحسيت نفسي اني عايش دور ممثل في فيلم مصري ايام الثمانينات ولا هو معترف بالكمبيوتر وبعد هالساعتين لقى قرار تعييني راح وسلمه لمدير شؤون الموظفين الدخيل والله اني لي دعوة على هذا الرجل خلاني انتظره على باب مكتبه
لمدة الساعة والنصف وفي النهاية صرخت عليهم وحولني على مساعده ووقعها لي وبدون نفس بعدها جت الطامة الكبرى وحرق الاعصاب الصادرر العام رح تعال رح تعال رح تعال
وفي نهاية المشوار عطاني رقم المعاملة وبخط يده المعفن وقال لي نبي نرسلها للفرع الموجهة له علشان نتاكد انك ما باشرت
قلت له متى يجيكم الرد قال لي بعد اسبوع
قلت له ما تجي قبل لان العدل ماراح ينتظروني قال الشكوى لله انتظر
وبهذه الجملة احسست ان الوظيفة راحت علي
بالله وزارة طول وعرض عاجزين لايتصلون على الفرع والا عاجزين يرسلون ايميل لهم ويجهم الرد بنفس اليوم والا الشغلة كلها تعقيد بتعقيد
الله لايسامحكم ولايبيحكم يا وزارة الدجة والضياع
الحين وهذا هو المهم كيف اثبت للعدل ان المعاملة يبغى لها اسبوع علشان ترجع لهم
وش الدبرة يالربع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عزيزي أصول الدين اذا تقدر تروح للإدارة اللي انت متعين فيها وارسلولها الخطاب روح هناك وحركهم ترى مايحك ظهرك مثل ظفرك لاتنتظرهم ترى ان انتظرتهم بتطول السالفة والاسبوع عندهم احسب له شهر اذا مالحقت معاملتك بنفسك

عسى الله يعينك ويفك ازمتك

الله يعينك مثل ماقالك أخونا نجم منتدى لابد متابعة وتاقف على معاملتك وتصبر على سوء المعاملة لأنك محتاجهم وفي حالة انها ماراح تخلص قبل الاسبوع لابد تبلغ لجنة المسابقات في العدل وان التأخير خارج عن ارادتك
الله يسهل أمورك ونفرح ان شاءالله بالتعيين جميعا

حسبنا الله ونعم الوكيل
وش هالتعامل منهم واكيد قلت لهم أن وزارة العدل عطووك مهله أسبوع فقط
مافي أحد دمه حاار ويحس بوضعك ويساااعد !!!!

صدقني مابيدناا شيء هناا غير أننا ندعيلك بالتوفيق وتفررج همك
الله يفرج هم المهمومين

حاول تروح مكان ماتعينت فيه مثل ماقال الأخ
وايظاً رااجع وزارة العدل وقلهم يمددون الفتره
رح للمدير سيدا الموظفين بيقولون ما بيدنا شيء


الله ييسر أمررك أخوووي

أخوي أصول الدين ، الله يكون بعونك

صقني لا تتعب نفسك ولا تعقد
هذا نظام الوزارات والجهات في دولتنا
كل الوزارات نظامهم ابو كلب ولو تصير لك اي مشكلة صغيرة وربي ان يصنعون لك من الحبة قبة ، لا بارك الله فيهم

انا عن نفسي اتوقع توقع شخصي ان المباشرة بتكون بعد العيد

الحين باقي 3 اسابيع بالضبط على الدوام وتاتي اجازة العيد

اقل شي اسبوع بيكون للكشف الطبي

يعني الوقت ضيق مرة وان شاء الله هل الشي يكون من صالحك انت

الشي المهم انت لا تسكت لهم ابد حاول تزعجهم ولو كان بالاتصال

اما وزارة العدل خلي معاملتك معك وكلمهم عن موضوعك وقول لهم هذا معاملتي وهذا رقمها

وصدقني الامور سهالات

اكثر من الاستغفار ومن الدعاء

كان الله في عونك اخي الكريم الله لا يضيع لك تعب اخوي انا اشور عليك تروح للوزاره بكره ان شاء الله وتقول لهم على صار معاك اليوم وتطلب منهم يعطونك فتره تروح للجهه اللي وجهوك لها وتخلص امرك لانك لو بتجلس وتنتظر ما راح تستفيد شي ويضيع عليك الوقت ولا تستفيد شي اخوي شد حيلك والله يعينك وقلوبنا معاك والله

ي اخوان طلعت نتائج مشغل اجهزة حاسب الي المرتبة السادسة او للحين ؟


اللهم صل وسلم على نبينا محمد
استغفر الله العظيم واتوب اليه

اخوي اصول الدين انت مقدم على ايش في وزارة العدل .. وهل طلعت اسماء للذين قدموا على المسابقه