السلام عليكم ،،

المعذرة على تأخري عن المشاركة والحديث عن إختبار اليوم ،،


أختبرنا اليوم ولله الحمد ، على وظيفة باحث قانوني ، وكان الإختبار سهل ومتيسر ولله الحمد


أحب أقول بعض الشغلات للإخوان إللي أختبروا واللي ما أختبروا


الإخوان إللي أختبروا معي على وظيفة باحث قانوني ،

أنا سبق وأن نبهتكم قبل الإختبار وفي هذا الموضوع على بعض الأشياء التي يجب مراجعتها في مجال التخصص وفي مقدمتها نظام المرافعات الشرعية ونظام الإجراءات الجزائية ، خصوصا إختصاصات المحاكم


وبفضل الله نصيحتي كانت في محلها وهذين النظامين جاء منهم أغلب أسئلة الإختبار

فلله دري كم أنا رهييب هههههههه


الشي الثاني :

الإخوان إللي راح يدخلون الإختبار ، أحب أقول لكم ركزوا على معلومات التخصص تبعكم

وأنننننننتببببببهووووووووااااا من تغشيش الموظفييييين

إعتمد على نفسك أولاً ، قبل إعتمادك على أحد


وخلوني أقول لكم سالفة حصلت لي مع أحد الموظفين إللي حاول يغششني الله لا يسامحه ولايحلله ولا يبيحه


طبعاً أنا تأخرت وما سلمت الورقة من بدري ، لأني جلست أراجع وكنت شاك في بعض الإجابات

والموظف شكله طفش مني ويبغاني أروح بإللي هي به

جاء يبغى يغششني وسألني عن الأسئلة إللي ما عرفتها

وكانت عبارة عن أسئلة صح وخطأ ، ويتم تظليل الدائرة (أ) في حالة كون الإجابة صحيحة وتظليل الدائرة (ب) في حال كون الإجابة خاطئة ... (يعني ماعندك إلا ألف أو باء فقط فقط فقط)

الأخ الموظف حسبي الله عليه جاء عندي وغششني غلط وهو عارف إنها غلط!!!

وقال الجواب كالتالي : ألف ألف باء جيم جيم دال !!!!!!(وما نسي يقول إنه متأكد من الإجابات!!!!!!!)

^^^

يبغني أكتب بسرعة وأسلم الورقة

لكني قلت له السؤال مافيه إلا خيارين ألف وباء فقط !!!!!!

وتلون وجهه وما أبدى أي إعتراض ، ولقط وجهه وراح ، لكن نسي برطة طايح خخخخخخ


لكني أخذت درس إن الموظفين ليسوا كلهم محل ثقة ، فهذا الموظف نذل ، والنذالة ماشية في دمه



إتكل على الله ثم على نفسك وسلامتك

الله يوفق كل من اختبر وييسر امر كل من باقي مااختبر والله اني قلقان وخائف امنيت اتوظف هذه الوظيفة ادعو لي ياشباب

أخوي سعيد

أولا: لاتعلق امالك كلها بهالوظيفة ، إذا جت حياها الله وإذا ماجت أرض الله واسعة ، وخير الله ماينفذ

لازم إنك تحط كل الخيارات قدامك ، وتجهز نفسك وتقنع نفسك إن الأمل ماهو مفقود إذا فقدت هذي الوظيفة

أغلب المدراء التنفيذيين لأكبر الشركات السعودية بدأوا من الصفر وكانت وظائفهم صغيرة ورواتبهم زهيدة وهم الآن يلعبون بالملايين

إستعن بالله ، ولاتعجز ، ولاتيأس، ولاتفقد الأمل .. وثق في نفسك وقدراتك

وأبشرك إن شاء الله إن الوظيفة هذي بتتيسر ، لأن واحد من المسؤولين اللي كانوا موجودين في قاعة الإمتحان سأله واحد من المتسابقين عن العدد إللي بيقبلونه ، وقال بالحرف الواحد (لاتخافون كلكم موفقين إن شاء الله)

الله المستعان ياشباب الي مقدم على وظيفة باحث اجتماعي تكفووون محتاج الاسئله ضروري

موفق اخوي فتى الازد وعسى الله يكتب هالوظيفة من نصيبك ، بس بسألك كم عدد الي اختبرو باحث قانوني بالرياض ؟ وكم تتوقع الاحتياج لكل منطقه ؟

الله يسر امورك والعاطلين جميع

ياجماعة الخير انا سمعت من مصدر موثوق ان النتايج طلعت
لكن ماراح يبينون شي الا بعد اسبوع او اكثر
يعني الاسئلة تصححت ورصدو الدرجات
لو احد يعرف موظف بالعدل ويقدر يوصل للأوراق
يطلع النتيجه علطول

هذا والله اعلم وبالتوفيق للجميع

الله يعطيكم العافية
أخوي فتى الأزد , اللي فهمته ان تركيزنا لازم يكون في التخصص نفسه
أنا مقبول بمشغل أجهزة , وأن شاء الله تركيزنا كله بيكون على التخصص والله ييسر الأمور
بس بس~لك هل جاتكم مسائل رياضية بالأختبار ؟
كم عدد الأسئلة ؟
هل الأسئلة منوعة بمجال تخصصكم او فيه اسئلة تتعلق بمعلومات عن وزارة العدل ؟