ياشباب عندي استفسار الحين كيف اعرف اني مقبول للمسابقة فيه واحد من اصحابي يقول اذا دخلت رقم الهوية والجوال وطلع ( السجل ليس من ضمن المقبولين ) معناتها ليس مقبول واذا طلع ( بالنسة لوظيفة مشغل حاسب ومساعد مبرمج سيتم اجراء الاختبار لاحقا) معناتها مقبول مبدئيا ياليت أحد يصحح المعلومات

لكن يااخ سعيد على حسب ممكن اي شخص يدخل رقم الهوية غلط او رقم الجوال غلط يطلع لك رسالة السجل ليس من ضمن المقبولين فضروري كل يتاكد من ادخال الهوية ورقم الجوال الي وضعه في التسجيل
ونسال الله التوفيق للجميع

على كف القدر نمشي ولا ندري عن المكتوب

شباب هاه فيه اخبار جديدة

أخوي سعيد ،،

الله يوفقنا ويوفقك لكل خير ، ويكتب لك هالوظيفة ، وإذا ما كتبها لك فالله يرزقك بأحسن منها بمليون مرة ..

يا عزيزي أنا ألاحظ إن استفساراتك واجد وكلها تدل على إنك مرتبك وعلى أعصابك .. لا تشغل بالك واجد ، كلنا متعلقين بهالوظيفة ، وأكثر من كذا أنا مو بس متعلق ، إلا لو لاقدر الله طارت مني هالوظيفة عز الله بآكل تبن وانت بكرامة ، لأني محتاجها حييييل لأني كتبت عقد زواجي ووراي مصاريف واجد ولي كم سنة عاطل ..

أنت توكل على ربك ولاتعلق آمآلك كلها بهالوظيفة لأن لو فرضا فرضا لاسمح الله ماكتب ربي لك فيها نصيب راح تنصدم وتتأثر نفسياً وتروح معنوياتك وهذا غلط ..


الشي الثاني أحب أبشرك وأبشر الشباب كلهم :

مريت اليوم على وزارة العدل ، وسألت في قسم المسابقات الوظيفية بشؤون الموظفين وسألت عن العدد المطلوب وقالولي كثييير .. ماحدد رقم .. وبالعادة إذا ما تم تحديد رقم فهذا يعني إنه سيتم تعيين كل المتقدمين أو أغلبهم إن شاء الله .. وقال لي الموظف بالحرف الواحد (كلكم موفقين بإذن الله ) ..

موفقين

ياعزيزي ياسعيد الله ييسر امرك .. تأكد ان كل انسان يمر بهذه الصعوبات وهي التي تجعلك اقوى لمواجهة الحياه واتمنى لك القبول ولي ولجميع الشباب ان كان فيها خير بأذن الله