الي بيروح للوزارة يسألهم بالضبط متى تصدر القرارات
ما صارت من بداية شهر 10 وهم يقولون اسبوع اسبوعين
والحين بشهر 11 ولا فيه اي خبر

الله يصلحك يا بهيشي انت واحد من اولادي الله يصلحك واضح ان عقليتك محدودة ، زبدة الكلام سبق ماراح تسوي لك خذ العلم مني .. فلا تخرب على نفسك نصيحة اخ محب لك و لا تخرب على زملائك ، الوزارة راح تخارج نفسها وترى الفحص الطبي باستطاعتهم يعذربون فيه وقتها قطع بصل في بيتكم وخل سبق تنفعك اذا قلبت عليك الوزارة انت وياها


يا أخوان اسلوب العرابجة مايصلح في الوقت الحرج هذا ، فكروا بعقولكم ولا يهمكم ذا العربجي يبي يجركم معه في مشكلة انتم في غنى عنها ، نصيحتي لكم اصبروا ولا تستعجلون في الامور و ترى هانت كل هالمدة اللي صبرتوا فيها عجزانين تصبروا كم اسبوع ، اللهم اني بلغت اللهم فشهد ... وسلام

ياشباب عليكم انتقاء الكلمات قبل كتابتها فاانتم لستم في شات ثنائي كلٍن يقول بما يمليه عليه عقله

هنا صفحه تحدث يومياً ويتابعها الكثير ويجب ان نكتب خيراً او نصمت والصمت حكمه

فالكلام اللي اشاهده ليس كلام آب وليس كلام موظف بيخدم الدوله او بيخدم نفسه

غداً يصطدم بمديره او مسؤؤله وينتهي مستقبله الوظيفي

لستُ انا اعلمكم ولستُ اعقلكم ولكن لابـد ان ابدي وجهة نظري حول مااشاهده

ووفقني الله وياكم لما يحبه الله ويرضى


بالنسبه للتعليق على موضوع سبق وموضوع نشتكي او لانشتكي

نعلم جميعاً ان القبول قبول نهائي ومن المفترض نحمد الله على قبولنا لان غيرنا لم يحالفه الحظ وسوف

يواصل مسيرة البطاله الى ان يشاء الله ويرزقه بوظيفه

والتأخير شي طبيعي ويحصل قي معظم الدوائر الحكوميه

ولكن اللي من المفترض انه يصير من الاخوه في وزارة العدل الشفافيه مع المراجعين وهذا مايعيبهم

وبما ان الشفافيه معدومه والوظيفه مضمونه يجب ان نصبر والصبر مفتاح الفرج


جعلنا الله وياكم من المقبولين عندهـ

بيض الله وجهك يا متفائل نبي ناس تروح ولو تقابل مدير مكتب الوزير يكون أزين أما أبو البصل ياليته قال بروح الوزارة ولا بسوي والله لوني عزوبي ولا في الرياض لروح الوزاره وأقابل مدير المكتب على طول وأشرحله الوظع على العموم أنا جبت فاكسه وبرسله بالأسم أني متظلم من هالمرمطه وأذاكان أني أطالب بحقي عربجي فأنا أكبر عربجي ياشباب ماعليكم من الأشكال والله تلقى وظعه طيب وساكت والله لو قعدنا ساكتين غير يمرمطونا أنا أكلمكم بعقل ومنطق ومجرب كنت بوظيفتين قبل وكلها حكوميه لك حق تاخذه أما راعي البصل اللي يقول يحرفون الكشف الطبي ياناس أقولكم عقله صغير وباقي ورع تو الحياه قدامك تتعلم أن مافيه شي أسمه أغير كشف ولا يتلاعبون به حدث العاقل بما يعقل كل شوي طالعين لنا بعد سبوع ويخلص ولاشفنا شي لنا شهر وعليها بعد اسبوع نبي رجال نتجمع وأنا مستعد أسافر ونسق ونروح ونقابل مدير مكتب الوزير ولا الوكيل إذا رحنا مجموعه يكون لها تأثير أما واحد ولا أثنين ماينفع ولا سبق ويجي فيها تحقيق وبعدين كيف بيعرفون أنا ولا غيري أنا أحنا اللي مرسلين بالعقل أكلمكم بالمنطق

( ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) )

استغفر الله العظيم الذي لا إله إلا هو الحي القيوم وأتوب إليه

السلام عليكم .. أسعد الله صباحكم جميعا ..

أولاً شكرا للأخ الشمالي ..ثانياً اقول للأخوان اللي يقولون لا تكلمون سبق يا حبيبي انت تدري ان المتقدمين

على هيئة التحقيق والإدعاء العام في خلال أسبوعين فقط سوى الكشف الطبي وصدر قرار تعيينهم وحنا الى الان

لم يصدر للمعلومية صاحبي طلع اسمة "كاتب ضبط " في الهيئة وخلص الاجراءات والان باشر في منطقة تبوك !

وماطلع اسمة غير في نهاية عشرة !!! يعني تقريبا أسبوعين !! ماشاء الله تبارك الله ..!

وحنا حاسدينا عشان العلاوة !


حسبي الله ونعم الوكيل فيهم ترى اعصابنا تلفت بسببهم !!

السلام عليكم ورحمة الله وبركاته
جئتكم من الرياض بنبأ يقين
ذهبت اليوم الى شئون الموظفين وقابلت مديرهم وسألته عن المباشره متى وفي اي وقت ولماذا كل هذا التأخير فرد علي بجواب مطمئن وكان هادي الطبع ولبق الكلام وقال جميع من رفع له التعيين ينتظر قرار المباشره وقال نحن الان شغالين على الرياض نطبع قراراتهم وبالنسبه للمناطق سنبدأ بها الاسبوعين المقبلين ونرسلها دفعه واحده والفروع تقوم بالاتصال عليهم ومما قال لي انتم صبرتم سنين ولاتقف على هذه الايام القلائل قلت له انتم تريدون تأخيرها الى السنه القادمه قال هذا الكلام خاطئ متى ماتم انجازها يتم بعثا ولا ننظر الى هذه الامور قلت ما اقول للذين ينتظرون خلفي قال بأذن الله قبل الحج . قلت له انتم كل من جاكم تقولون سبوعين قال ليس صحيح لم نعشم احد وهذا ماجاك . اقول للاخوه بعضهم يروح للريسبشن ويقولونله بعد اسبوعين ويجي طاير ان رحت رح للمدير مباشره

ما أريده من الاخوه تكثيف الزيارات عليهم كذا نطلع بنتيجه

بيض آللـْ•̣̣̥·̩̩̩̥•̣̥ـْـّہ وجهك