انا توظفت من شهرين في شركة سيئة جدا لا رواتب تنزل بوقتها ولا تنزل كاملة و ادارة سيئة
انا ما تحملت الوضع وقدمت الاستقالة للاسف تفاجات انهم مسجليني بالموارد البشرية

في نفس اسبوع استقالتي

وش الحل ؟
هل اذا قدمت في شركة اخرى الموارد تقدر تدعمني مرة ثانيه ؟
وكيف اثبت للموارد اني استقلت ؟
وش وضعي حاليا انا تضايقت كثير يوم شفت اسمي

افيدوني جزاكم الله خير ،،، واذكروني لو بدعوة تفرج همي

عزيزتي لاتضايقين ولاشي اجراءات الموارد البشرية تطووول يعني ممكن اسمك موجود بس مستحيل يمديهم يرسلون حوالات للشركه لانه يشترط كشف حساب عن طريقك انتي تجيبينه ويفيد انك استلمتي الراتب او كشف حساب من البنك مختم فتطمني وبلغيهم يحذفونك من نفس الشركه والافضل اتصلي على الموارد الرقم الموحد بالموقع تلقينه بعدين حطي في بالك دعمك اذا ثلاثة شهود واقل عادي ماتحسب لك المدة ، اكثر من كذا 6 شهور واكثر تنقل لك المدة المتبقية من السنتين << اتمنى فهمتي هذا الي اعرفه بحكم عملي ولاتنسين تاخذين اخلاء طرف من عملك :
بالنسبة لاجراءات الحذف :
الشركة تكتب خطاب يفيد برقم الدعم الموجود بالموقع واسمك ووظيفتك وطلب حذفك يكون مختم ومصدق من الغرفة التجارية وترسل المعقب وبس يحذف فوراً


الله يكتب لك الي فيه الخير ويعوضك بافضل منها

دعواتك

لايهمونك دامك أستقلتي ولا كملتي ثلاث شهور لايهمونك تقدرين تدعمين مره ثانيه من صندوق الموارد البشريه


أتصلي على الموادر البشريه في منطقتك وأشرحي لهم الوضع وراح ينزلون أسمك على طول

مثل ماقل الاخ او الاخت حلاهم

ولكن الحذف يكون عن طريق الشركه نفسها وليس الصندوق لان لكل شركه يوزر خاص فيها تظيف وتحذف

ربي يريح قلوبكم و يطمنكم

الشركة قالو اجراءات الاستقالة و تسقيط اسمي من الموارد تاخذ وقت في حدود الشهر ،،، يا رب تصبرني
ان شاء الله ما يماطلون اكثر

لاشهر ولا هم يحزنون قولي لهم وأنا بجلس شهر عاطله أنا راح أدور شغل أحسن شي كلمي الموارد وأستفسري

منهم

سبحان الله وبحمده سبحان الله العظيم

بيماطلون كثيرررررر والحل يا ناس ؟؟

انا اهم شي عندي يشيلون اسمي من الموارد

اذا انكـ ماكملتي سنه الموارد بتدعمك مره ثانيه

نزلي اسمك من التأمينات وبس

اولا لا تقلقي
ثانيا الصندوق ادا بيدعموك الشركة ومافي تحويل راتب من حسابهم الى حسابك راح يوقف طلب الدعم كامل الي هم مقدمينه الين يحذفوك او يبلغوهم انك مشيتي وهدي مشكلع تواجهنا في بعض الاحيان اننا نعين موظف ونطلب دعم له وبعد شهر او اقل يمشي ويكون اسمه معلق حتى نفس الشركة ما تقدر تحذفة اذا تم تسليم طلب الدعم ويكون الحذف عن طريق الصندوق
نفترض ان الشركة زي ما قلتي ماراح يحذفوك لاي سبب كان الشركة الجديدة تقدر تقدم خطاب طلب اعادة دعم لك وتقديم ما يثبت انك موظفه عندهم ويسقطوك ويتم دعمك
الدعم هو تشجيع للشركات على السعودة لا احد يحسب انه الدعم يضر وحتى لو ما دعمني الصندوق وش المشكلة عادي ولكن بعض الشركات الضعيفة اذا كان المتقدم مدعوم مايقبلوه ولكن الشركات القوية ما تفرق معاها انه كان مدعوم او لا
ولو دعمك فهو في صالح الشركة وصالحك لان حتى انت لك مميزات منها لو كملتي سنه على نفس الشركة لك راتب كامل كحافز اخر السنه وممكن الاستفادة من دورات واشياء اخرى اطلعي عليها في الموقع الموراد البشرية http://www.hrdf.org.sa/index.php?opt...d=52&Itemid=58

الدعم باختصار مثلا شركة ما تبي تدفع للسعودي الى 2000 فبعد الصندوق يقدرو يخلوه 4000 لان 2000 الصندوق بيدفعها ولكن االموظف ماله علاقة يستلم راتبه كامل من الشركة والشركة تطالب الصندوق

يعني تشجيع للشركات بزيادة الرواتب

اتمنى اني افدتك
لا استفسار انت ومن يريد وبيجاوب عليه اخصائين انشالله بتعبئة النموذج من خلال هذا الرابط http://www.gitinside.com/?page_id=3071