حسبي الله عليهم كل شروطهم تعجيزيه من وين ناخذها من القياس والرسسوب والا من الترشيح والا ستبعاد والا من شرط الاقامه والا من التخصصات النادره حسبي الله عليهم الله هم لقين وظائفيهم تحتهم لهم ولعيالهم واحنا لنا الله وبعدين اللي مسويه نفسها وتقدر تغامر وهي بالاساس ضيعيفه ليش من الاساس تقدم كان اكتفت بمنطقته احسن له ولنا

طيب سؤال التعاقد تعليمي. واداري ولا بس تعليمي

حسبي الله ونعم الوكيل
يعني اثبات الاقامة انشال بأمر ملكي ويبون يلغونة بدراسات كذابة حسبي الله عليهم
تعينت ايام اثبات الاقامة واستبعدت بسببة مع ان المنطقة قريبة لي واشوف بنات مزورات شهادات او يعقود سابقة وكذب مشت امورهم
الله اكبر عليهم
واي بنت تقول احسن اقوللها احبي للناس ما تحبين لنفسك طيب بنات المدن الكبرى وين يروحون واذا ابوها مو عسكري ولاف السعودية وش تبي تسوي !!
بلاش يعني تتعين والله بعض بنات القرى معاها الجامعية من قريتها وما تفك الخط واعرفهم واقول الله الرزاق وما حسدتها بس ابي زي زي الكل فرصة للعيش
-
وبعدين لا يرجعون اثبات الاقامة الحل ان اللي عندها استعداد تروح الهجر البعيدة وبعضها راح تسكنين دولة ثانية يفتحون مفاضلة لها ويرشحون من القوائم من لها رغبة وبعقود اذا صبرت هذي تستحق التثبيت اذا كملت سنة اما اللف والدوران عشان يرجعون ايامهم الماضية اللي كلها واسطات وعفن وسياسة تقطير الوظائف هذي ما نبيها ,,
اساسا متى سمعنا او شفنا احد توظف فعليا الا هذي السنة لا تفرحون بجلوسكم في البيت ترى من زمان ياكثر من دق صدرة وقال راح اجيبلها عقد وطلع اخرطي
عالعموم خبر يسد انفس والحمد لله على كل حال

إذا التربيه بتدرس اعادة شرط الاقامه عز الله ما توظفنا ومابين هذا وذاك القرار يظل أملي بالله كبير ولن ينتهي

اهم شيء يكون عن طريق مفاضلات الخدمه المدنيه مو عن طريق مكاتب الاشراف اوادارات التربيه والتعليم لانه لو تم عن طريقهم هذا اذان بالواسطات والرشاوي ونعيد المسلسل حق عقود محو الاميه زمان لما كانت تتم بالواسطات الي تعرف احد لها هناك على طول عقد لامفاضله ولاعداله .
الله يجيب الي فيه الخير يارب .

اولا مناطق الرياض وجده والشرقيه اغلب المدارس فيها عجز وفوق كذا قليل ينزلوا اجتياج واحيانا ماينزلوا لبعض التخصصات
واجنا نشوف المدارس كيف عندهم نقص وكارفين المعلمات
وغير كذا المفروض النصاب مايتعدى عشر حصص للمعلمه الوحده عشان نفتح فرصه اكبر للتوظيف والمعلم يستطبع ينتج ويخدم الرساله التعليميه
ثانيا انا اشوف الي تقدم في منطقه بعيده تتحمل نتيجة تقديمها
لان مو معقول تصيح الغوا قرار اثبات السكن ولما تجي وتناشب راعية المنطقه والي ماتبي تطلع بعيد
وبعدين تجلس تصيح انقلوووني
خلاص قررتي تتوظفي بعيد تحملي هالقرار واصبري على الغربه لين ربي يفرجها


عموما:
كل هالحوسه الي حنا فيها من هالوزارتين الفاشلتين هي وقرارتها التعسفيه الظالمه
وتقليص التوظيف
اكثر من 300 الف عاطله وشوفوا كم في السنه ينزلوا اجتياج من التعليمه والاداريه
يعني بالعقل كيف تنحل البطاله
وافتحوا فرص وظيفيه ثانيه لنا غير مختلطه وراتب تناسب شهادتنا

حسبي الله ونعم الوكيل وزاره فاشله وقرارفاشل
إذا المعلمات اللي سجلن بمناطق ومايبن يباشرن فيهاليش يسجلن فيها
واحناوش ذنبناتظلمونابقراربسببهن خلاص حطونامكانهن فيه غيرهن أحوج لها الوظايف
وأي وحده تسجل بمنطقه وبعدين ترفض تباشرالمفروض تحرموهامن التعيين

لا تصدقون ان السبب وراء اعادة الشرطين هو بسبب البنات الي ماباشروا


لأن قوائم المتقدمات في الخدمه المدنيه تغطيها وزياده


السبب وراء اعادة الشرطين هي فشل الوزاره في حركة النقل سواء الاداري او التعليمي والفشله الي صارت في حركة النقل الاخيره الي بينت لخبطة وتأخير النقل والشكاوي الي صارت وبسبب تأخير نقل المغتربات والحوادث الي تصير لهم في الغربه وكانوا يحملون الوزاره المسؤليه الكامله وخلوا الوزاره قدام امر واقع مرير يتحملونه


لكن ماعليهم منا احنا العاطلات فيبغون يسكرون الباب ولايتكرر ويزيد عليهم ضغط حركات النقل العاجزين عن حلها
او الحوادث الي ماهم قادرين يوفرون للبنات سكن قريب من المدارس او مواصلات جيده على الاقل تخفف الحوادث

لكن دايم يختارون الاصعب لنا والانكد

والاريح لهم اوفر ماديا

قرار متوقع لكثرة طلبات النقل ولكثرة أيضا من تركن الوظيفة لأنها في مكان بعيد ورفض ولي أمرها يروح معها!

اللي عارفة أنها ما تقدر تروح ليه تقدم؟

بعضهن تقول أجرب هم بيوظفوني أو لا ! وبعضهن تقول أقدم وأحاول في ولي أمري !!

عاد الوزارة ما صدقت جتها على طبق من ذهب وراح توفر