السلام عليكم ،،

زي ماهو مبين لكم بأسم الموضوع ابي اشتغل اي شي مسوق عقاري او وسيط او اي شغله حره مافيها دوام والتزام لاني طالب بمعهد الاداره قسم برمجه حاسب وأجلت الترم هذا بسبب ظروفي الماديه والنفسيه والصحيه صار الضغط عندي يرتفع بلا سبب ويغمى علي واحس قلبي بيوقف ابي اشتغل اي شي ورب البيت حتى سياره ماعندي معي سياره اخوي المتزوج لانه شغال بشركه ومعطينه سياره ومعطيني سيارته وجالس يلمح لي انه بيوم من الايام بياخذ سيارته مني وهالشي من حقه يطالب بحلاله وطحت بين نارين يا اني اشتغل واترك دراستي واتوظف اي وظيفه واشتري سياره تقسيط او اني ابهذل نفسي واحرج نفسي واحرج اخوي معي اني ما ارجع له سيارته لجل دراستي بالمعهد تكفون احد يساعدني انا بحاله مايعلم بها الا رب العالمين كبرت بالعمر وابي الحق على اي شي مامعي الا ثانويه نسبتي 92% علمي حصلت شغلات برى الرياض بس ماقدر اطلع الوالد متوفي وانا الي مهتم بالبيت بحكم اني اكبر عزوبي بالعائله مادري هل موضوعي يناسب هالقسم او لا

الله يفرج همك ويرزقك من حيث لاتحتسب والله التفكير مايجيب لك الا الامراض وهذا الضغط اكبر مثال
توكل على الله واكثر من الاستغفار واسعى في طلب رزقك بنفسك لانك رجل تقدر تروح وتسأل والرياض ماشاءالله كبيرة وفيها فرص كثيرة
والله يغنيك بفضله

وعليكم السلام ورحمة الله وبركاته ..

اخوي اهم شي لا تتركـ دراستكـ استمر وكافح الدنيا كذا كلها شقا في شقا وكثر من الاذكار وانا خوكـ و الاستغفار .و الله بيفرجها عليكـ ودامكـ في الرياض بتحصل ان شا الله وما اشا الله انت نسبتك الثانويه ممتازهـ .....

وفي النهاية لاتشغل نفسك تفكير لانه مثل ما قالت الاخت الحسناء الله يفرج عليها

واكثر من الصلاة على النبي





و الله يرزقكـ تحياتي لك

وعليكم السلام

اكاديمية العثيم تدرس عندهم اسبوع فقط دورة
تختار محاسب مبيعات ( كاشير ) او بائع تجزئه

راتب 4 الاف للكاشير
و 3500 للبائع
تختار دوام صباحي أو مسائي
بالتوفيق لك ,,

الأكاديمية بالرياض حول مخرج 15

الله يوفقك ويسهل امورك

آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ
آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ
آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ
آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ
آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ
آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ آسًتُغّفُر ٱللۂ

الله يسهل امرك

لاتيأس من رحمة الله ياعزيزي تبي تشتغل راسلني خاص

والله حتى انا تعبت من البطاله , أبي وظيفة بتخصصي مالقيت

الله يرزقك ويرزقنا ..

الله يسهل امرك يا اخوي
نسبتك حلوه مشاء الله
قدم على عسكريه راح تنقبل ان شاء الله
وبالنسبه للدخل حاول تدور على شركه سعوده يعطونك 800 شهريا مع المكافاه حقت الاداره ان شاء الله مورك راح تتحسن
للتذكير ترى في تقديم بالبحريه مازال فاتح وبخلال ذا الاسبوع راح يفك الدفاع المدني
عسى الله يوفقك ويسهل امرك