مشاكل تواجهني واحتاج اراءكم ... ضروري#

غلبان أوي · #1 (**permalink**) 05-03-2013, 12:43 PM

سلام عليكم

انا شاب طموح والحمدلله اني من النوع المتحرك

ومثل ما يقولون كل حركة فيها بركة

- عاطل عن العمل طبيعي جداً في بلدنا

- املك خبرة لا بأس بها في صيانة السيارات واملك شهادة على ذلك بمؤهل دبلوم
- حلمي هو فتح ورشة والتوسع بعد ذلك

طبعا في بالي اني افتح ورشة وااعمل فيها بنفسي مع جلب معلم خبير + فني +وانا + كهربائي

واكيد ينقصني راس المال لذلك قررت اقدم على بنك التسليف وقدمت واخذت موعد

المهم ... بشرح لكم مشاكلي

بعدما قدمت على بنك التسليف جالس انتظر المقابله بفارغ الصبر وجاني واحد من اعز اصدقاي وقالي بنك التسليف ياخذ 1000 ريال وقت المقابلة صح قلت نعم .. قال ليش ؟ صراحة مالقيت اجابة مقنعه فقلتله انت وش رايك قال هذي مثل المكسب لهم لانهم ماياخذون فوائد لذلك هم يعوضون من 90% من المتقدمين وحسبوها قبل فترة وطلع لهم مبلغ وقدره ... صراحة تحطمت كثير من كلامه

جاء في بالي عبداللطيف جميل وتذكرت كلام احد الشباب يوم قالي (عبداللطيف جميل تتاخر عليه شهر واحد .... يسجنك على طول !!) والناس ماترحم من يسجن في بلدنا وان كان مظلوماً وصراحة لاطارت السمعة ينسى الشاب يتزوج عندنا

فـ طارت فكرة الورشة وقتل طموح شاب سعودي من ضمن الالاف من الشباب

ما رأيكم ؟ وبماذا تنصحون الشاب الغلبان ؟

سَـــامي · #2 (**permalink**) 05-03-2013, 12:58 PM

فكرة الورشة تدخل ذهب .. لا تستسلم رح لبنك التسليف وصندوق المئوية وكل هالصناديق
وإذا ياخذوا الف ريال خير يا طير ياما طارت آلاف الريالات ولا استفدنا منها

انا انصحك تبحث عن الشباب السعودي اللي فتح ورش وتشتغل معهم وتتعلم أكثر وتعرف كيف حصلوا على القرض

والله يوفقك

غلبان أوي · #3 (**permalink**) 05-03-2013, 01:18 PM

اقتباس:

المشاركة الأصلية كتبت بواسطة سَـــامي

فكرة الورشة تدخل ذهب .. لا تستسلم رح لبنك التسليف وصندوق المئوية وكل هالصناديق
وإذا ياخذوا الف ريال خير يا طير ياما طارت آلاف الريالات ولا استفدنا منها

انا انصحك تبحث عن الشباب السعودي اللي فتح ورش وتشتغل معهم وتتعلم أكثر وتعرف كيف حصلوا على القرض

والله يوفقك

والله ياخوي سامي

المشكلة الحين انا عاطل وصعبة نفرط في الالف مع غلاء المعيشة وتعرف هالايام صعبة الواحد يطلب ابوه شيء على كبر !! قوية شوي وتحز بالخاطر 23 سنة وتطلب ابوك ماهي قوية شوي

وابشرك رحت لواحد من اخويانا وجلست عنده شهرين في ورشته واشتغل بلوشي غير المشوار اللي اروحه لورشته 35 او 40 كيلو وغير كذا تطبيقي كان بورشة والحمدلله استقدت كثير

الحلول كلمالها تسكر

حبي لمملكتي · #4 (**permalink**) 05-03-2013, 01:26 PM

[align=center]
تفائل بالخير تجده أبتعد عن الكلمات اللي تعور القلب أيش تسكر ما تسكر
نص حل مشكلتك بالتفائل وطرح حلول وبدائل تمسك او ببصيص من الأمل أحسن من التشاؤم

فكرت في ريادة ؟

بصراحة مشروع الورش ممتاز جدآ واللي يربحه لما أنت توقف ع حلالك بنفسك ما تترك أحد يلعب بحلالك
[/align]

غلبان أوي · #5 (**permalink**) 05-03-2013, 01:48 PM

اقتباس:

المشاركة الأصلية كتبت بواسطة حبي لمملكتي

[align=center]
تفائل بالخير تجده أبتعد عن الكلمات اللي تعور القلب أيش تسكر ما تسكر
نص حل مشكلتك بالتفائل وطرح حلول وبدائل تمسك او ببصيص من الأمل أحسن من التشاؤم

فكرت في ريادة ؟

بصراحة مشروع الورش ممتاز جدآ واللي يربحه لما أنت توقف ع حلالك بنفسك ما تترك أحد يلعب بحلالك
[/align]

كان التفاؤل باب لا ادخل مع غيره

الواقع مر يا صاحبي

لكي لا تفهمون معنى كلمة اسكر او تسكر اقصد بها هنا "تقفل"

بصراحة مدري وش افضلها هو ريادة ولا بنك التسليف ولا عبداللطيف الواحد يخاف منهم

حبي لمملكتي · #6 (**permalink**) 05-03-2013, 02:16 PM

اقتباس:

المشاركة الأصلية كتبت بواسطة غلبان أوي

كان التفاؤل باب لا ادخل مع غيره

الواقع مر يا صاحبي

لكي لا تفهمون معنى كلمة اسكر او تسكر اقصد بها هنا "تقفل"

بصراحة مدري وش افضلها هو ريادة ولا بنك التسليف ولا عبداللطيف الواحد يخاف منهم

دائمآ تفائل ولا تستسلم للواقع
لو أستسلمنا ما عشنا
أفهم القصد لكن كلمة تقفلت بوجهي من التشاؤم

أبحث عن كل جهة وأستفسر عن ميزات كل وحده ومدة القرض اللي يعطونه لك ومدت السداد
ولا عزمت أستخير الله وتوكل عليه

لا خاب من أستخار ولا ندم من أستشار

أجمع إيجابيات كل جهة وسلبياتها

مباشر وبس · #7 (**permalink**) 05-03-2013, 01:29 PM

اخوي لاتدخل اليأس في نفسك
اعلن عن نفسك بجريدة الرياض او اي وسيله مثل تقول يوجد مكانيكي سعودي يطلب عمل ورقم جوالك

مثلا تروح وتعمل بالورش مقابل أجر فر عليهم

مثلا تقدم على وظيفة مكانيكي ومطلوبه

يا اخي حرك نفسك والله تقعد كذا لاتنتظر أحد ينفعك انسى من تجربة وخبرة صدقني اذا مانفعت نفسك ماحد ينفعك

غلبان أوي · #8 (**permalink**) 05-03-2013, 01:51 PM

اقتباس:

المشاركة الأصلية كتبت بواسطة مباشر وبس

اخوي لاتدخل اليأس في نفسك
اعلن عن نفسك بجريدة الرياض او اي وسيله مثل تقول يوجد مكانيكي سعودي يطلب عمل ورقم جوالك

مثلا تروح وتعمل بالورش مقابل أجر فر عليهم

مثلا تقدم على وظيفة مكانيكي ومطلوبه

يا اخي حرك نفسك والله تقعد كذا لاتنتظر أحد ينفعك انسى من تجربة وخبرة صدقني اذا مانفعت نفسك ماحد ينفعك

كلام جميل ..

يا عزيزي اشتغلت في ورشة شهرين بدون مقابل وما اظن سعودي فكر في يوم من الايام يشتغل بورشة اساساً فما بالك بدون مقابل

والله العظيم اتحرك كل الشغلة يا واسطة يا اصبر لين عظامك تبان على جلدك

الواحد ضاعت احلامه كان الحلم وظيفة ثم بيت ثم زواج كل ابوها طارت

ويلومون الشباب لا ضاعوا !!

مباشر وبس · #9 (**permalink**) 05-03-2013, 01:55 PM

اقتباس:

المشاركة الأصلية كتبت بواسطة غلبان أوي

كلام جميل ..

يا عزيزي اشتغلت في ورشة شهرين بدون مقابل وما اظن سعودي فكر في يوم من الايام يشتغل بورشة اساساً فما بالك بدون مقابل

والله العظيم اتحرك كل الشغلة يا واسطة يا اصبر لين عظامك تبان على جلدك

الواحد ضاعت احلامه كان الحلم وظيفة ثم بيت ثم زواج كل ابوها طارت

ويلومون الشباب لا ضاعوا !!

وين رايح انت والله العظيم السعودي ندورة دوره وين انت عايش

صدقني انا سيارتي مايصلحها الا سعودي او فيه سعودي يشرف على الشغله ويضمن الشغل صح

اما بنقالية وهنود ومصاريا
ادعس ما اوقف

اخوي انت مسكر على نفسك وشاحن كل الاشياء السلبية في مخك
اخوي افصل شاحن السلبية واشبك الايجابية
اضحك للدنيا تضحك لك