السلاااااااااااااااااام عليييكم ..

كيفكم و اش اخباركم و اش اخبار جداره معاكم ..

انا توي مبتدئه بهالعالم المجهول و ابي توجيهاتكم بصراحه ..

انا ان شاالله راح اتخرج من الجامعه بهذا الفصل الدراسي ان شاالله و بحول الله و قوته ..

الشهاده جامعية + تربويه + تخصص لغات و ترجمه ( انجليزي )

حبيت اعرف هل التقديم على جداره له وقت محدد و الا على طول اتخرج و اسجل بالموقع حقهم ؟

وش سالفة النقاط هذي حقت التعيين و مدري وشهو ماعرف شي ترى من وين اجيب النقاط ذي ؟

مع العلم اني اختبرت كفاية المعلمات قبل ثلاثه اسابيع و مدري وش فايدته بس اني سجلت و اختبرت قلت ادق الحديد و هو حامي

لاني خفت ما يجي اختبار ثاني الا بعد تخرجي بفتتتتتره طويله يعني و انا ابي اتخرج و اقدم على طول < ع اساس التعيين بيجيني ثاني يوم

و سؤال اخير : الحين مع التطويرات الجديدة للوزاره و خطط الوزاره كم ياخذ فتره بين التقديم و التعيين ؟؟

و قبل كل شيء الرزق بيد الله سبحانه و ابن ادم ما يموت الا و هو مستوفي رزقه و انا مؤمنه باالله و بانه هو الرزاق الكريم العليم الحليم لا اله الا هو ..

و ان الرزق يلاحق ابن ادم كما يلاحقه الاجل ..

بس الله امرنا بالتوكل عليه مع الاخذ بالاسباب

و شكرا ..

[align=right]هلا فيك في عالم العطاله هههههه

شوفي حبيبتي الان مافيه تعيين الا بأجتياز قياس وكويس اختبرتيه....

بالنسبه لجداره مفتووح طول العام وتقدرين تسجلين في اي وقت لكن الوظائف ماتنزل الا مره بالسنه ويعلنون قبلها ويكون التسجيل تقريبا ثلاث اسابيع بعدها تنزل اسماء المرشحات....


النقاط هذي تحسب من معدلك والاقدميه.... الاقدميه تحسب عشر سنوات فقط يعني كل سنه جلستيها بالبيت بعد تخرجك لك فيها نقطتين بحد اقصى عشر سنوات يعني ٢٠ نقطه....

والمعدل طريقه النقااط فيه تكون خمسين نقطه لكل متقدمه ومازاد على الخمسين في نسبتك تقسم على اثنين

يعني مثلا نسبتك ٨٠ احذفي منها ٥٠ لكل متقدمه بالتساوي ... كم يبيقى من نسبتك...؟ ٣٠ هذي اقسميها على ٢ بتصير ١٥

مجموع نقاطك من المعدل ١٥+٥٠ = ٦٥ والاقدميه كل سته اشهر نقطه بالسنه نقطتين يعني مثلا لك متخرجه سنتين ونسبتك ٨٠

بتكون نقاطك ٦٩

وبالتوووفيق

وماشالله تخصصك حلووو تعيينه اخر مرشحه كانت نقاطها ٧٣ [/align]

ياهلابك و المهلي ما يولي اجل ترحبين بي في عالم البطاله

يعني جهزي لي قسم حافز بجي اسنتر بعد شهرين ههههههههههههههههههههه

استغفر الله

مرررررررررررره شكرا على المعلومات استفدت كثير و ان شاالله ربي يوفقنا و اياك لكل خير ..