بس وصلت طال عمرك

سبب الحش كله هو لانك من الجنوب وهم من الوسطى

معروف ان اهل الوسطى يكرهونا اهل الجنوب وما هو السبب لا ادري

بس عموما ... انت لا عاد تحرق نفسك اذا احد تكلم عليك سوي في وجهك او في ظهرك

ربي يكتب لك اجرك ان شاء الله وينتقم لك منهم....

اثبت نفسك في عملك ولا عمرك تقول لنفسك اني ما ابي الرئسه على القسم لانهم

قدامى او ما يبوني....

وما دامهم شياب يا رجال كلها كم سنه ويتقاعدون

بالنسبه للتسجيلات اللي عندك خلها معك الى الوقت المناسب

الله يرزقك بالذريه الصالحه والمال الحلال
والله يكفيك شرهم

طيب تضااااااااااااااااااااااااااااااااااربو

من مــــــــــــــــــــــــــع الله ولاتباااالي

شلونك اخوي شخبارك ..؟؟

تعقيبي على الموضوع من تجربة بسيطه
السالفه ماهي سالفة جنوب ووسطى ولا حضر وبدو
لا السالفه ان احنا شعب تعبان ومانحب الخير لبعض ومانحب نفيد أحد ابدا وشعب قايم على الغيبه والنميمه لابعد حد حتى نسلط الهنود على بعض
انا اتكلم لك عن تجربة كانت بمدة قصيرة ولمدة اسبوعين وتعلمت فيها الكثير ولو حبيت تقرا موضوعي راح تلاقيه في هالقسم اسمه يا فرحة ماتمّت شوف السلبيات وشوف ردي على الاخ الشعلان في موضوعي ..
والله العظيم ان الحش وتناقل الكلام وتطليع الحجي شيء اساسي بين الموظفين السعوديين والسعوديات
ولما جيت اتكلم مع صاحباتي لقيتهم يتكلمون عن نفس المضمون ونفس تعرض المواقف في عملهم

فكانت نصايحهم لي وراح اعطيك اياها
حاول قد ما تقدر تكون رسمي معهم ..
لا تاخذ ولاتعطي سوي شغلك واطلع عنهم ..
كلم احد المسؤولين وسمعه الكلام وقوله ينقلك
لانه راح تتعب نفسيتك ومارح تنتج او تعطي عملك الشغل المُناسب
واذا هالمره ابتدوها بحش بكره يتليعنون عليك ويسوون لك شي اكبر ..
فانت يا تكلم احد المسؤولين يوقفهم عند حدهم او ان ينقلك لانه الصبر له حدود ..
اذا عندك طاقة صبر اصبر شويه وبعدين خلهم ينقلونك
بس بعطيك معلومه [ترى دايما في السعوديه هنا ما خذين فكره ان ما يقوم الا حظ الجنوبي ^_^ ماشا الله الوظايف كلها جنوب وانا وحده منهم مؤمنه بهالفكره ][/align]

[/COLOR]

انت وش غرضك من الوظيفه اكيد تبي تدرس وتاخذ فلوس موجاي تعقد صداقات انا لومثلك اذا لقيت ناس تتعاشر جلست وياهم ودامهم يسدون النفس حمل برامج بجوالك واتسلى فيها وقت فراغك بالمدرسه وهم لاتعطيهم بال واذا احد تعدى عليك بهرجه لاتكبرها استسخفه واضحك لا تكبر الموضوع يعني خل روحك رياضيه خصوصا دامهم اكبر منك احلى شي مع الكبار مجاراتهم يعني لاتنقهر منهم اسمع وازله طنش وليا مره فقعوا قلبك طقطق عليهم مثل مايسوون بس تشتكي ومدري شنو احس مالها داعي ومن ناحيه كلامهم الوسخ اذا توجه لك مباشره قله الله يصلحك وعطه نظره اليمه وخلص هالامور تحصل بكل مكان موبس فالتعليم بس لوبتحاسب كل الناس بتتعب الافضل هالاشكال تشغل نفسك وهي كلها كم ساعه فكر بالطلاب والدروس وش لك به تحياتي لك

تبي نصيحتي ومن مجرب


امسك هذا الي تقول يحش فيك لوحده يعني بمواقف السيارات او مكان معزول وقله الكلام الي قاله عليك وقله الرجال يتكلم في وجهي وانا بيني وبينك عمل ومافيه سبب يخليك تغلط علي وانا بستطاعتي اخذ التسجيل حقك واروح لمحامي الشركه او الوزراه الي انت فيها واقدم فيها شكوى رسميه بس انا ولد ناس واعرف الاصول والله العضيم لو انه الاذيه مافيه اسهل منها بس احنا هنا اخوان ومجتمعين لاجل لقمه العيش مو كنا حريم قيل وقال

وثاني مره اذا بغيت مني شي تعال كلمني راسي براسك

وامشي وخليه صدقني بيصير مثل الصوص المبلول

السلام عليكم اخي الكريم

انا لي وجهة نظر مختلفة قليلا مع الاخوان من تجربة شخصية ومواقف كثيرة

اتبع أسلوب الاحراج خجلهم بأخلاقك عدي لهم وممكن ترد علهم برد تخليه (يستحي من نفسه) والله العظيم أنه أكبر درس للي أخلاقهم دون المستوى والفاظهم كذا الرد عليهم بأخلاقك وتربيتك هذي نقطة .

أنا معاك اكيد فيه أشخاص ممكن نقول (ماينفع معهم الطيب ) بس نحاول هالأسلوب اذا مانفعك ماراح يضرك .

بالنسبة للتسجيل انا ضد هالتصرف تماماً

قوله تعالى : { يا أيها الذين آمنوا لا تسألوا عن أشياء إن تبد لكم تسؤكم) ليش تدور عن اشياء او كلام انت متأكد انه بيضايقك خليهم يتكلمون ويتلفظون... فيه رب العالمين يحاسبهم

احتسب الاجر وادعي ان الله يسخرهم لك وكثر الاستغفار ومن حسبي الله ونعم الوكيل

انا متأكده واعرف انه قلق نفسي كبير وصعب الواحد يتحمله خاصة ان الكل نفس الطبع بس هذي حلول لين تنقل من القسم

اذا كان فيه امكانية لنقلك من القسم حالياً فحاول تبدأ بالاجراءات... ونصيحة بدون ذكر أسباب النقل الا اذا اضطريت

صدقني من تجربه كل ماكان الشخص محترم وقليل بكلامه عن الغير حتى بهذه الظروف هذا شي يضيف لك ماعمره ينقص من مكانتك

اذا كان النقل صعب بهالفتره فحاول قد ماتقدر تشغل نفسك او بأوقات فراغك تروح لقسم ثاني وتكون علاقات جيدة مع ناس أفضل وترتاح معهم

العمل له هدف أكيد مادي بس مهم جدا تكوين صداقات وعلاقات جيدة مع الزملاء فاذا مالقيتهم بهالقسم دورهم بقسم ثاني

انا متأكده ان السبب ماله علاقه بالمنطقة أو غيره بس فارق السن والمرتبه لها دور وفكر منطقياً بالموضوع ممكن تعذرهم هم يشوفون انهم احق منك لخبرتهم الطويلة و20 سنة مو وحدة او ثنتين .

كل هذه الحلول يا أخي لراحتك النفسية أولا وأخيراً

وأتمنى اني قدرت اقدم لك لو حل بسيط

وبالتوفيق

الحل سهل يا صديقي ان اردت ان تنهي الحش ..
الي عليك لما تستلم راتب زين في بيتك ذاك العشا وخله حاشي بعد واعزمهم واكرمهم وخجلهم بكرمك معاهم صدقني من ثاني يوم ما تشوف الا الامور صارت طيبة

هذي مشكلة الوظائف الحكومية كلها كبار بالسن و دائماً يكون هاجسهم من الجيل الجديد يخافون يأخذون وظائفهم او يمسكون منصب عليهم, مالك الا تخلي علاقتك معهم رسمية

السلام عليكم ورحمة الله وبركاته
عزيزي قرائت مداخخلتك وحابه اقولك اولا احتسب لااجر واصبر ولا تلقي اي اهتمام لانك تندمج معهم اعتبرنفسك لحالك وخذها من جانب ايجابي كم سنه ويتقاعدون مابيطولون وانت الي بتبقى وبالنسبه لتسجيل لاتستغله لانه يمكن ينقلب ضدك لان مامعك اذن بالتسجيل وفوق هاذا لاتسجل مره ثانيه لانه مايجوز وبعدين ليه تسجل بالعكس الموقف والكلمه الشينه حاول تنساها
سبحان الله سبحان الله العضيم