السلام عليكم ورحمة الله

يشهد الله اني اعاني اشد المعاناة من زملائي بالعمل

باقولكم جو العمل باختصار عشان توضح الصورة

انا تعينت بقسم

عدد افراده 8 وانا تاسعهم

جميع من في القسم يعرفون بعضهم من اكثر من 20 سنه

اي نعم 20 سنه يعني اعمارهم كبيره

ومع الترسيم اعطوهم المراتب الخامسه جميعهم

ويعرفون بعض من زمان كما ذكرت

من سوئ حضي تم تعييني في هذا القسم وعطوني المرتبه السادسه

تعاملهم معاي تعامل كره

يعتقدون اني ابغى الرئاسه عليهم مع العلم اني مافكرت فيها وعمري 29

المشكله فارق السن مسبب لي ضغوطات ماني عارف اجاريهم في السواليف سواليفهم بدائية
بيع ارض وشراء ارض وظهري يعورني اشياء تمرض وفوق كذا اذا طلعت مثلا مشوار يبدا الحش فيني

انا مره قلت خلني اسجل وش يقولون فيني كتجربه وفضول فخليت جهازي على التسجيل وطلعت مشوار ورجعت خمس دقايق او اقل

يشهد الله اني من اول ماطلعت الين جيت وكله حش فيني كلام بذئ وكلام يخجل الانسان يقوله
ما ادري وش الطريقه لتعامل معهمم

خصوصا واحد فيهم كل كلامه مو زين عني وطبعا هذا الي اسمعه ومتاكد منه



وش رايكم وش الحل اوقفهم عند حدهم باي طريقه خصوصا اني من الجنوب وهم من الوسطى بس ماهم بدو ويعذروني الاخواني على هذا المسمى اقصد حضر

الي عنده نصيحة لي يقولها لاني ما ابغى اسوي شئ اندم عليه مستقبلا


والسلام عليكم

ملاحظه هذا الحساب مو حسابي وانما استعرته من صديق لي لاكتب الموضوع

اول شي وعليكم السلام

ما اقول الاا الله يكون بعونكـ مع ذا الديناصورات ...وسواليفهم الحجرية هههههه ما اتخيل نفسي في مكانك عاد عمري 24 اكيد بيقولون وش جاب ذا البزر عندنا فالقسم .. *_*
وبالنسبة للحش خهلم يحشون فيك وقلهم كثرو حش لانك في النهاية تكسب حسناااتهم ... فكر فيها ياخوي
وما الك الا تصبر واذا شفت الموضوع زاد عن حده كلم مدير القسم بسلوب سلس وفهمه بالي حاصل.

تحياتي لك

تعديل ....


مايحتاج تقول من سوء حظي ...

واضح انكـ احسن منهم من ناحية التعليم يعني معك مؤهلاات تخولكـ لمنصب اعلا .. عشان كذا يمشون معكـ بالنظام هذا

الله يعينك اجواء ماتساعد على العمل والابداع بس انا اقول لاتعزل نفسك سولف واندمج وعطهم فوجيهم تقبولك زين ماتقبلوك يعضون حصى ولاتشغل نفسك بفكرة يحبوني يكرهوني ترا بتجيب لك صداع على الاقل لين تكمل المدة الي بعدها يسمحولك تقدم نقل

الله يعطيكم العافيه على الردود ومنتظر المزيد من الاقتراحات بالتعامل معهم
ابي واحد تعامل مع هذي النوعيه من ذي البشر


اسمراني الرياض + احاول اركز

الله يعطيكم العافيه للمشاركه واقتراحاتكم المساعده

واحد من ربعي تعين في وزارة بالرياض من سنتين تقريبا
يقولي اول ماراح مايدري عن سالفة اللي معاه ساعه يضحكون معاه وساعه يتمسخرون معاه
المهم مع الوفت حس انهم زادوا عن حدهم جا ذاك اليوم ويفجرها
اقول انت وياه خلوا عنكم كلام *** طبعا حسب كلامهم معاه كان فيه وساخه في الكلام
فهو يكلمهم بنفس اسلوبهم
المهم قال لهم كل واحد يلتزم حدوده وبيني بينكم العمل بس
من ذاك اليوم محد كلمه
شوي شوي الحين يتكلمون معاه بس بحدود

انت يااما تصير زي خوينا
او تجاملهم تجيب لهم فطور ودلة شاي
هالشياب همهم الاكل والسوالف والحش في خلق الله

ازا في قدف عليك بالتسجيل
هددهم ولا روح اشتكيهم للمحكمه ولا للمدير حقهم ازا مانقولك من القسم بالتهديد حقك روح اشتكي ماعليك باحد

بصراحة كتبت لك عشر سطور فيها من المكر والأساليب العملية المقحمة , كلها كيف تتعامل مع هالصنف من الناس لكني مسحتها لما تذكرت قوله تعالى:
(وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ)

الله يجزاكم خير