السلام عليكم ورحمة الله وبركاته


مسائكم / صباحكم خير ورضا ,,

صرااحة عندي اسئلة وياريت اللي يعرفون جواب لها او بعضها يتكرمون علي بالجواب


الحين جدارة في حال ترشحت يرسلون لي او لا ؟؟ ايضا متى تنزل الترشيحات هل لها اوقات معينة او لا ؟؟

جدارة وين وصلت بترشيحاتها علما ان نقاطي 79 وزود .. باقي كثير ع ماتوصل لي ؟؟

انا تخصصي خدمة أجتماعية وغير تربوية اعتبر فالوظائف الادارية لكن كراتب راتبي يكون مثل المعلمة وليس الادارية ... سؤالي هل وقت التتقديم اختار تعليمي وانا اداري او اختار اداري مع التركيز انه ترا الراتب مثل المعلمة

واللي بتقول لا بقلها انا مشرفتي وقت دوامي باهلية العام الماضي قالت لي هالكلام وحتى وقت تجديد العقود كان مكتوب راتب المرشدة مثل المعلمة


اممم لو مابغيت اداري بالتعليم اختار غير تعليمي طيب لو حصل ترشحت فقطاع اخر لازم يكون معي التصنيف الطبي او اطلعه بعد الترشيح لان ممكن انقبل فوزارة غير الصحه ؟؟


اختبار قياس نختبره او لا كثير اقرا انه للمعلمات ومالنا احنا شيء ليت توضحون لي

وهل قياس هو نفسه اختبار القدرات الخاص بالجامعيين ؟؟


وايش الفرق بين قياس واختبار كفايات ؟؟


لو ذكرت شي برجع لكم















استغفر الله العظيم واتوب اليه

حبيبتي جداره مفتوح طول العام لكن الوظائف التعليميه ماتنزل الا مره بالسنه ... وبيعلنون عن فتره التسسجيل واسماء المرشحات بتنزل بكل مكان وللمعلوميه لاتعتمدين عليهم صديقتي نزل اسمها ولا وصلتها رساله وراحت عليها الوظيفه

وبخصوص قياس اي الغير تربويات يختبرن ... لان ممكن تنزل وظائف على المستوى الرابع لهم
[align=right]

اما الاداريه راتبها ٦٢٠٠ على المرتبه السادسه الدرجه الاولى الا تحصص الحاسب فيتعينو على المرتبه السابعه بالوظائف الاداريه

وماتوقع كلام المشرفه صحيح كل الاداريات تعينو على المرتبه السادسه ويفرق الراتب عن المعلمه اصلا فيه تربويات متعينات اداريات وورواتبهم مثل الغير تربويه


وقياس هو كفايات مره يسمونه قياس المعلمات ومره يقولون كفايات المعلمات .... [/align]

من قال ان المرشده ادارية ؟
لا يا عزيزتي طلع تصريح السنة الماضيه من الفهيد ان كل الموظفين داخل اسوار المدرسة نعاملهم معامله تعليمي وليس اداريه
الاداري مثلا هو اللي يعمل في وزارات اخرى او في المكاتب الرسمية لوزارة الخارجية والتربية والتعليم ووزراة الشؤون الاجتماعيه وكذا
وذكر ان المرشد والمديرررر والوكيييل والكاتب وغيرهم كلهم وظائفهم تعليميه


وايضا النقاط غير ثابته في جدارة كل تقديم تتغير النقاط حسب نقاط المرشحات عاليه او لا

انتي 79 ما شاء الله قريبه من 80 لان اكثر الاوقات تتوقف النقاط على 80 او فوقها بشوي


في حال ترشحتي يرسلون لك رسالة لكن لا تعتمدي على كذا لازم تتابعين الموقع لان احيانا بالغلط ما توصل الرسالة

الكشف الطبي بعد يطلبونك في الترشيح تروحي وتاخذي منهم ورقة كشف طبي وتفحصي وتوقعي من اقرب مستشفى حكومي عندك الاهلي ما يقبلونه

قياس كفايات مختلف تماما عن قدرات الجامعيين لاني اختبرت قياس قدرات الجامعيين لان فائدته في تقديم الماجستير اما كفايات المعلمين والمعلمات مخصص للتقديم على وظائف التعليم
اختبار الكفايات مخصص للتربويين والتربويات المتقدمين لوظائف تعليميه
انتي تخصصك يكون تربوي تعليمي بشرط اذا كنتي درستي مادة طرق تدريس ووسائل التعليم وسياسة تربويه معناته انتي تربويه تعليميه
اذا تربوية انتي تقدرين تقدمين على التعليم والاداري ممكن تترشحين في مستشفى او مركز تاهيل او جامعات

راتب الاداري تقريبا 6000 وشوي .. اقل من التعليمي 8000 وشوي

اسم الجهة المسؤولة عن الإختبارات أو المركز نقوله قياس
كفايات المعلمات اختبار الخاص بالمعلمات
قدرات خاص بالطلاب
و باقي الأسئلة زي ما وضحوا الأخوات
و سلامتك