### خرّيج جامعِي بحاجة مشورتكم يالربع ### !!!!!

بوح ديزاين · #1 (**permalink**) 06-03-2013, 04:47 AM

[align=center]..

السلام عليكم ورحمة الله وبركاته
شخباركم اخواني عساكم بخير الله يسعدكم جميعاً

اولاً انا طالب جامعي بتخرّج هالترم
وتقديري مُمتاز إن شاء الله بتخرّج بمعدل حول 3,60 من 4 ..

ومحتار كثيراً بين الكليّه الأمنيه والحرس الوطني علماً بأني مستوفي جميع الشروُط
شورو عليّ يالربع موضّحين لي مُميزات كل حاجه
من ناحية الرواتب والراّحه وأماكن التعيّن وزي كذا

موفقّين جميعاً والله يحقق لكم ما تتمنّونه
[/align]

شوفتك الذعتبي · #2 (**permalink**) 06-03-2013, 04:56 AM

انا اشوف الكليه الامنيه افضل لك من ناحية الراحه والراتب ...

وموفق ان شاء الله

مواطن فيه حميه · #3 (**permalink**) 06-03-2013, 05:24 AM

حرام جامعي واخرتهاا عسكريههه. رح قدم على الشركات الكبار اريحلكك. انا اعرف واحد معه بكالوريس هندسه وقدم على الشركه كبيره وقبلتهه وعطوه راتب 20000 الف من اول شهر بلا دوره بلا كرف وله الحين 3 سنوات وهو فيها. استخير قبل كل شي. والله يوفق الجميع. كثرو من الاستغفار. تحياتي لكك

بوح ديزاين · #4 (**permalink**) 06-03-2013, 05:59 AM

اقتباس:

المشاركة الأصلية كتبت بواسطة شوفتك الذعتبي

انا اشوف الكليه الامنيه افضل لك من ناحية الراحه والراتب ...

وموفق ان شاء الله

الله يعطيك الف عافيه اخوي
بس لو ذكرت لي مميزات هذي ومميزات هذي عشان اكون على بيّنه .
ومشكور!

بوح ديزاين · #5 (**permalink**) 06-03-2013, 06:02 AM

اقتباس:

المشاركة الأصلية كتبت بواسطة مواطن فيه حميه

حرام جامعي واخرتهاا عسكريههه. رح قدم على الشركات الكبار اريحلكك. انا اعرف واحد معه بكالوريس هندسه وقدم على الشركه كبيره وقبلتهه وعطوه راتب 20000 الف من اول شهر بلا دوره بلا كرف وله الحين 3 سنوات وهو فيها. استخير قبل كل شي. والله يوفق الجميع. كثرو من الاستغفار. تحياتي لكك

ي أخوي وش اسوّي انا قاربت على التخرّج ولا لي هدف واضح!
# عسكريّه يقولون لا كرف ومافيها راحه ويرمونك بعيد عن أهلك!
# ارامكو يقولون تقضي عُمرك في العمَل ولا تتهنّى بحياتك وحياتك كلها شغُل!
#التدريس اولا يقولون تعب نفسِي وتكون مستعد للضغط والسكّر في اي وقت وروتينه مُمِل وثانيا رواتبه لا تُقارن بالضابط او موظّف ارامكو!

عشان كذا احسّ اني مادري وش وضعي وكل مالقيت شخص استشرته وعطاني شورهَ وبالنهايه انا اللي ضعت!