شف يالغالي ..

انا صارت لي تجربة قبل كم سنة وفتحت محل خضار وفواكه بمبلغ 10 آلاف ريال فقط لكن بصراحة كانت تجربة ناجحة بس انا شخص وقتها ماكنت اعرف كيف أدير المال اللي يجي تحت يدي ،، وسكرت المحل لأسباب عدة ..

طيب لو سمحت كيف اجيب الخضار
وين القى محلات اجارها رخيص

بقالة لا أظن المبلغ كافي

محل الخضار جيد .. لكن لابد من التسويق الجيد

لأن الخضار تفسد سريعا .. فتخسر كثيرا إن تأخرت بالتسويق

أنت من أي منطقة ؟!

الإيجار على حسب المدينة لكن انا اكلمك على الرياض استأجرت محل فتحة واحدة لمدة سنة بـ 10 آلاف ريال على شارع تجاري فرعي ،، طبعا الإيجارات للمعلومية تختلف من الشارع الرئيسي التجاري للشارع التجاري الفرعي ،، دفعت مبلغ 5000 ريال مقدم عقد + 1000 ريال باب ألمنيوم + 500 ريال سقف مستعار + 1000 ريال سيراميك + 2500 ريال لوحة محل + 500 ريال ترخيص من البلدية + 2000 ريال أرفف خشبية ( تفصيل خاص ) + 300 ريال دهان مع شغل اليد + 300 ريال سباكة وكهرباء + 800 ريال قيمة بضاعة + 2000 ريال مكيفات + 300 ريال قيمة دباب توصيل + 50 ريال ميزان .. وعليك الحساب .

فيه اخطاء وقعت فيها مثل عدم توفير ثلاجة خاصة بالمنتجات الورقية وبعض الفواكه بالإضافة إلى أكبر خطأ وقعت فيه عدم القدرة على إدارة المال لتأمين بضاعة جديدة .

ملاحظة مهمة / يجب أن تجعل هنالك رأس مال احتياطي للأمور الطارئة .

بالتوفيق وربي يبارك لك في مالك اجتهد وابحث المنتدى هنا في افكار كثيرة
تابع يمكن الله يفتح عليك .

انا من الرياض
يعطيك العافيه على المعلومات الي عطيتني اياها
بس ابغى اعرف من وين اجيب الخضار

من اي مدينة انت ؟

اقول سافر وفلها ههههههههههه جرب الخظرة احسن شي راس مالك قليل او محل جوالات

من الرياض ولا تعرف من وين يجيبون الخضار؟
عندك سوق الخظار بالعزيزيه بجوار النقل الجماعي
يوميا بعد صلاة الفجر يبدا السوق والناس تاخذ بالجمله
ياليت تروح اول شي تلقى نظره وتشوف الاسعار وتسأل هناك
ويالنسبه للمحل ياليت تشوف موقع فيه كثافه سكانيه حتى لو المحل صغير
وللمعلوميه ترى ماعندي خبره ولكن من كثرة ما اسمع من الناس اللي تشتغل بالخظار
والتوفيق من عند الله الله يكتب لك الخير والرزق الوفير