07-04-2013, 02:40 PM
|
عضو جديد
|
|
تاريخ التسجيل: Mar 2013
الدولة: San Francisco
المشاركات: 38
معدل تقييم المستوى: 24
|
|
والله استعجلتو بصراحه لكن فات الاوان
المفروض اذا ناوي جديد كان ماياخذ تكميلي لان التكميلي نسبته عاليه شوي
لكن صار الي صار
معك حل من الاتي
سياره بقيمة 30 الف تجيب له بالراحه والله بس يبي له يفر المعارض
وله خبره بالسيارات ولايشتري من شريطي ابد
الشي الثاني
السيارات المستعمله تبع عبداللطيف جميل
كمان لازم يكون له خلفيه بالسيارات لان بعضها يكون مصدوم ومرشوش .. الخ
وحتى لو نقص المبلغ يقدر يدفع الباقي اقساط لمدة 3 سنوات ونص تقريبا
الحل الثالث
دفعه مقدمه 30 الف في سياره قيمتها بحدود 50 الف
وفيه كثير بنوك تعطيه ويدور البنوك ويشوف افضل نسبه واقلها
عندك مثلا بنك الرياض ـ الراجحي ــ الفرنسي ــ العربي ــ الاهلي
حطيتها لك بالترتيب كأفضل نسبه حسب علمي فيها سابقا مدري تغيرت او لا
عادي يعطوه مو شرط يحول راتبه او شيء اهم شيء
تعريف من العمل + وجود حساب بنكي له في احد البنوك الي بيطلع منها
وويسوي لهم ايداع نقدي وقت السداد فقط لا اكثر
طبعا ملاحظه هامه
مثلا راتبه = 8000 القرض الي من الاهلي يدفع قسط شهري 2700
في الحاله ذي له الحق انه ياخذ سياره ويكون قسطه 1300
1300 + 2700 = 4000
بالمختصر قسط البنك الاهلي + قسط السياره = 50 % من الراتب مايقدرو يتعدوها
راح احسب لك كمثال شيء ثاني
لو فرضنا راتبه كما قلنا 8000
والتزام البنك الاهلي 2700
سعر السياره 50 الف
الدفعه المقدمه 30 الف
راح يكون قسطه الشهري في حدود 400ريال لمدة 5 سنوات
وكل ماقل عدد السنوات زاد مبلغ القسط شوي يعني لو على 3 سنوات
راح يكون بحدود 550 تقريبا وهكذا
الحسبه دقيقه بنسبة 99 %
واسئل الله ان يوفقكم لما فيه الخير ويعطيكم خيرها ويكفيكم شرها مقدما
واسف على الاطاله
|
العرض العادي
