تأسس الموقع عام 2006
Site was established in 2006


ديوان حلول البطالة

موقعنا والإعلام

حلول البطالة الإمارات

هل أنت مسؤول توظيف ؟

تسجيل الدخول
العودة   حلول البطالة Unemployment Solutions > قسم الوظائف الحكومية > إستفسارات ونتائج الوظائف العسكرية

الملاحظات

شــــــرح مفصل عن دورة الامن العام

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته اشكر الجميع للوقف مع الحق تم رفع الحظر عني وبهذة المناسبة جايبلكم شرح مفصل عن دورة مدينة...

Like Tree2Likes

أضف رد
 
LinkBack أدوات الموضوع انواع عرض الموضوع
  #1 (permalink)  
قديم 10-03-2013, 04:03 AM
عضو متواصل
 
تاريخ التسجيل: Dec 2012
المشاركات: 72
معدل تقييم المستوى: 4387
حنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداع
شــــــرح مفصل عن دورة الامن العام

بسم الله الرحمن الرحيم
السلام عليكم ورحمة الله وبركاته

اشكر الجميع للوقف مع الحق تم رفع الحظر عني وبهذة المناسبة جايبلكم شرح مفصل عن دورة مدينة تدريب الامن العام بمكة المكرمة
(((( منـقولة من العضوء يوسف العتيبي ))))
كذا نظامهم في الخمس والاربعين تصحى الساعه ثلاث ونص على صوت البروقي جرس انذار حق الحرب بيغثك اول شي بيخرعك بعدين تتعود عليه تلبس الترنق والفلينه البيضا والقبوع والكنادر وتنزل دورات المياة تمسك سرى لأن السرية الواحدة 300 طالب بعضهم يتسخدم الدورات حقت السريه وبعضهم يروحون للحمامات حقت المسجد وبعد ما توضي وتخلص تروح للمسجد طبعاً عشانك توك داخل التدريب تبي تحس انك تعبان بس بعد التدريبات اللي يسوونها لكم راح تصير زي الحصان تروح المسجد تبي تلقى الطلبه متسدحين يمين ويسار طبعاً تبي تنسدح معهم وترقد ما تدري الا الامام يقيم الصلاة تقوم تصلي ما أنت على وضوء الله يصلحك بعد ما تصلي تطلعون برا يشكلونكم في الميدان حق المسجد وتروح الميدان الرئيسي هروله لين ينطلق لسانك .. خمس لفات ست لفات ع الميدان موب كبير ميدان مكه بس اللي سمعته انهم بيحطونكم في مدينه التدريب الجديده في الشرايع المهم بعد الهروله حصتين استراحه واستعداد بعدها يسحبونكم على الميز هنا الكلام ..
الفطور زيتون وعسل وقششطه وبيضه وحده وخبزتين وزبادي وطحينيه وكلام كبير وشاهي < فيه كافور وترامس مويه < فيها كافور كمينا والسبب في وضع الكافور عشان يزيد وزنك للشباب اللي الله يجزاهم خير حقين الشسمه ..
بعد الفطور ترجع الميدان مره ثانية حصتين استراحه واستعداد لين تملخ رجولك دورانات بالعدد ومشاة ..
واي طالب مسوي زاحف يسولف والمدرب يشرح الله لا يهينه يمتد يعني يسوي وضع البوش اب ويقعد ثابت لين تعورك يدينك هذا جزا وفيه جزاء ثاني ع الكيعآن تحط كيعانك ع الارض ويطلب منك تعد ميتين او خمس ميه على حسب المدرب اذا هو شرير الله يعينك واذا عادي ما توصل عشره الا وقومك ..وفيه جزاء انطلاقات يقولك روح المس البرادة وتجي معك خمس عدات وااااااااااااحااااد ثنييييييييين وانت زي الغبي تنطلق مسوي تبي توصل البرادة في خمس عدات هو يسوي كذا عشان يقطع قلبك خل الامور عاديه وهرول وش بيسوي بيقص رقبتك ..

بعدين في كتاب شؤون التدريب ممنوعات الا وهي (( ممنوع يقولك ياحــمار ياكــــــلب يابسســطار اي كلمه فيها سب لذاتك وفيها ثلاث مسموح لك تدافع عن نفسك فيها ( أهلــك ومـألـك وكرامتـك) < هذا اذا احد غلط عليها لطشششه العن شكله ..
بعد الحصة تتوجهون ع السكن 9:30 تجلسون لقبل الساعه ثنعش بربع ساعه تتوضون تروحون تصلون الظهر في المسجد بعد المسجد تشكلون في الميدان في الشمس عشان تتحرقون صح ياخذون التكميل التكميل ياطويل العمر والسلامة عدد الطلبة بعد ما ياخذونه يجي واحد غثيث مسجل اسامي الطلبه اللي عليهم ملاحظات ..اللي مدخنين واللي معهم جوالات واللي مسوين زاحفين ويناديهم يخليهم يشكلون عند المنصه بعدين يخليهم ينزلون القبابيع ويعطيهم للوراء در عشان تشويهم الشمس واحب اقولكم ممنوع جزاء ع الكيعان من بعد الساعه حدعش الظهر الين ثلاث العصر ممنووع ومستحيل اذا طلب منك اي مدرب تسويه قوله كمل بي على ضابط خفر ..وراح يسكت وينطم..ايه وممنوع شواية بعد شوايه تمتد على بطنك وتدحرج ع الزفلت ممنوع بعد الساعه حدعش لثلاث هذا كلام نقيب من للجنه الفحوصات في الرياض جاء لمكه وشاف كيعاني متصلخه قال من وشو قلت من الكيعان قال متى سويتها قلت امس الظهر قال من المدرب وعطيته اسم المدرب وراح شرشحه وجاني قال ااذا قالك لا تسوي لأنه ممنوع ..
بعد ما يطلعون اللي عليهم ملاحظات يسحبونكم للغداء رز ودجاج وزلطه وببسي مدري السي مدري سف اب ولا فراوله ..وانت تمشي في السرا وتعبي الصحن طالع في وجه البنقاليه ان كانك مدخن قول هي صديق فيه دوخآن بصوت واطي اذا غمز لك قول كم اذا قالك خمسين ريال قول لا ياشيخ قله خمس طعش تبي ولا انزلع ولا تضعف له التسلب تراهم اكلونا اول ما جينا ..الكلام هذا وانت تعبي الصحن لأ تتأخر ولا يكفشونك .. بعد ما تتغدى تروحون للسكن تريحون .. الين الساعه ثلاث العصر بعدين تنزلون المسجد تصلون العصر بعد ما تصلون تروحون الميدان حصة العصر بعد حصه العصر يفكونكم ع المسجد بعد المسجد الميدان تكميل بعدين العشاء بعد العشاء ع المسجد صلاة العشاء بعد الصلاة تكميل في الميدان بعد التكميل نووم ويعيد نفسسة كذا نظامهم ..

مع بعض التغييرات فيه ناس هاي كلاس ينحاشون من الدورة لأنهم يشوفون انهم ماعاد يبونها دامها كذا وفيه من يصبر ويقول التعب منسي بعد اسبوعين من الخمس والاربعين تفصلون بدال ميدآنيـة عليها لوحة اسمك وكل شي حلو وتلبس بسطار الله يعينكم عليه وعلى البدله راح تحرقكم اول شي بعدين تعودون عليها .. وبعد الاسبوع الثالث زيارة راح تعطيكم معنويـة عالية جداً . وبعد الخمس والاربعين كلام كبير كبير كبير تاخذون اجازة عشرة ايآم . يوم تطلعها كنك طالع من سجن تروح تشتري حمضيات تشرب العلبه تقعد تطالع فيها ساعة ونص بعدين تطالع في الناس تقول يوووه لابسين ثياب وتطالع في السيارات كنك من حقون التربية الفكرية وبعد ما تخلص الاجازة ترجع اسبوع واحد تطلعون بعده خميس وجمعه بعدها ترجعون وما تطلعون ابد عشان مساندة رمضان انوااع الفله سوبيا وكلام خيال تختلط في الناس خصوصاً اللي بيساندون في الحرم واللي بيساندون في العتيبية واللي في الزاهر واللي في المعابدة واللي واللي واللي .. في رمضان يفكونكم يوم ثمن طعش من رمضان 18 ساعه تروح تحلق تهنشك تمنشك وكذا وترجع لهم .. بعدها ترجع لهم وتساند لين تطلع يوم العيد وفيه سرية تجلس تساند خمس ايام يعني ما يروحون يشوفون اهلهم ..
تاخذون اجازه 15 يوم بعدين ترجعون تصيرون خايفين من الحجز لان المدربين يقوولون والله اللي ما ينضبط اني لحجزه يعني خميس وجمعه بس خلك شرير وخش في عين المدرب قوله احجزني من هنا لنهاية الدورة لأن بيجيك يوم طالب نهاية كل شهر تطلعون الثلوث عشان الرواتب .. ايه على طاري الرواتب ما تنزل الا وانتم في مساندة الحج ..
بعد مساندة رمضان تاخذون شهر عشرة كله تطلعون فيه خميس وجمعه لين يجي خمس وعشرين حدعش الظاهر تصيرون ما تطلعون لمين 15 ثنعش العيد ما راح تعيد مع اهلك وراح ينزلكم في الحساب إن شاء الله 12460 ريال هههههههه ..< حآسبها ..
بعد ما تنزل وانتم مساندين الحج مساندتة فله شي خياااال ناس ملونين من كل بقاع الارض وزحمه يادونيآ زحمه زحمه ولا عدشي رحمه .. ويبي يجيك مواقف تضحك منها لين تفقع مصارينك وتجيك مواقف تبكي منها والبيك اللي عند الجمرات فتح ابشركم طفحت مسحب لين بغيت امووت .. بعد المساندة ترجعون للمدينه ياخذون تكميلكم بحضور القحطاني واللواء الجديد لأن سعد الخليوي يقولون بيتقاعد شهر سبعة ويقولكم عطيناكم نوط الحج والعمرة ونص نقطه ويعطونكم اجازة 21 ثلاث اسابيع بالتمام والكمال وفلها يامفلفل وبعد ما ترجعون من الاجازة خلاص معاد بقى لكم مساندة ولا شي بقى لكم التعليم والاختبارات والبروفات طول شهر واحد عادي تعليم كله وثنين تبدون بروفات على خفيف وشهر ثلاثه بروفات وتعليم اختبارات تعليم صباح بروفات عصر وشهر اربعه بروفات خلصنا من كل شي التشكيل والبروفات بس باقي نكر عليها عشان نحفظ وش لنا وش علينا حنا الآن في شهر اربعة وبدينا نوسوس متى التخرج ومتى مدري وشو فصلنا بدال حقت العمل عشان بعد ما نتخرج ان شاء الله ما معك غير عشرة ايام عشان تبداء عملك ..

السرايا الموجودة في المدينة حقت مكه ... سرية المثنى .< مسمينها جرثومة الكتيبة مدري ليش بس والله حلوين اللي فيها عرابجه ومطانيخ ومدربينها ..
1-مـحـمد فــؤاد بــخـش (( الامير )) صاحب الايعازات القوية والبراقة والكل ابو شي انسان خلوق ومحترم ويفرض أحترامـة ع الجميع وتستحي تبزوط معه ..
2-جندي عبـد الآلــة ســعيد الـزهـراني (( الكنق )). أفضل مدرب في مدينة التدريب بالأخلاق والتعامل والأسلوب لدرجـة ان الطلبة ما يطبقون الا اذا جاء للفصيل . الله يسعدك يابو سعيد وين ما رحت بس انه شديد لا عصب يعميك ..
3- عريف فـهـد عـودهـ الـثقفي ((ابو خالد )).. شديد شوي وعصبي بس اذا طبقت معاه صح راح تستانس دمه خفيف ويقول دايماً ( أظهــر الشدة ياوحش)< يعني شد حيلك في اداء الحركآت ..
4-وكيل رقيب طـــآلع علــي حريصي (( طالع قطـه )).. من إسمة تدرون انه جيزآنـي انسان عصبي مره ما عنده تفاهم من ينزل الحصة لين تنتهي وهو يعطيكم ايعازات وهو يعطي ايعآزآت يلوي رقبتـه بس نهاية الدورة يصير زي العسسل الحين..
5- رقيب عبـدالرحمن الـمآلكي.(( جحدر..وفي روايـة جحآ)) انسان يعتبر نفسه اذكاء شي في العالم وما احد زيه ويفهمها وهي طايرة له في العسكرية خمس وعشرين سنة ولا جيت تتفاهم معاه في موضوع او اي شي قالك انقلع بدون سبب او اي شي يدعو لها الكلمـة .. بس والله انه حبيب صوته عذب ..
نائب قائد السرية رقيب أول صالح عطيه الحارثي (( صالح طيارة )) انشط انششط انششط انششط يالله يامعين يالله يامعيين حبيب وشرس في نفس الوقت ..

قائد السرية ملازم أول. محمد ردة الله الصاعدي ..(( أبو مشعل )) رهيب انسان خلوق ومحترم وحبيب ووسيم في نفس الوقت كلها فيه
اشبهه بالحاكم العادل الذي يحضى ببطانة فاسسدة ..
كمالة الشسموه الشرح .. سرية عمروو.. < مدلعين بشرتهم بيضاء جداً ناصعة البياض ....

مدربينهم ..

جندي محمد القرشي..< مدرب حبيب وأجودي رجل بكل ما تحملة الكلمه من معنى اذا لك حق والله لتاخذة غصبن عن اللي ما يرضىآ .. في الميدان عطه حقه وانظباط وبرى الميدان لو تبي عيونه عطاك ..

جندي جمعان سعيد الزهـرآني... انسان صوته رائع جداً لآكن فيه بزرنه زيادة واذا نوآك بشر والله ليتفلك العافية .. دايم يبي الطلبة اللي يتدربون عنده ويتخرجون يسولفون فيه اتوقع يحس بنقص في ذاته وفي مقولة خاصة به يقول ..( لا تجيني مآ آجيك .. وانا زعلي وحشش)) < ياصبر الارض راح تشوفونه ..

جندي أحمد مصلح الحربي..(( لآ تحركـ حفل تخرجك ) هذا مدرب توه صغنون وسيم مجنون اذا جازاك اتفل العافية يخليك تمتد على كيعآنك وترفع جسمك عن الارض ويجيب بلكه يحطها على ظهرك اذا نزلت البلكه كتب فيك محضر عدم تطبيق جزاء طبعاً المحاضر اذا جاء عندك فوق التسع محاضر فصل من الدورة ..

عريف نايف احمد الاسسمري..(( هتلر )) انسسان محترم لأبعد درجة ورجل بكل ما تحملة الكلمه من معنى طبق صح يحطك فوق راسه واحترم نفسك لك عيونـة تبزوط تشوف نفسك اكل هوى وانت ويا هتلر دبر عمرك ..

عريف عبدالله الحسني ..(( مهايطي كبير)) الله يستر عليه بعض الاحيان تقول امير وبعض الاحيان ودك تهاوش معه بس ما تقدر عشانك في ثكن عسكري انسان عجزت اعرف له ..

رقيب شايع المالكي..(( الملك)) الآدمي هذا ياناس والله انه زي العسل ورب البيت محترم له اسلوب يقنعك تعطي في الحصة ترفيع حتى تجيب افضل ما عندك سريته افضل سريه في كل شي في اداء الحركات والمشاة وكل شي ويكأفئهم اول سرية تنصرف للكفتريا والميز والسكن وفي كل شي لأنه الكنق حقهم يعطيهم معنويه يعطونه حصه ..

نائب قائد السرية رئيس رقباء حميد المالكي .. ^^ زي شايع بالضبط وروحه مرحه جداً اي شي تبغاة او مشكله تتعرض لها كلمه عنها وراح تحصل خير ..

قائد السرية النقيب فواز بن سعد الزايدي العتيبي.. هذا تخوني العبارة فيه انسان والله وبالله وتالله لن تلد النساء مثلة رجل طيب وكريم وراعي فزعه بالحق ولو تسوي فيها زاحف راح تاكلها على راسك وشاعر بعد ,,


سرية سعد بن ابي وقاص ... اإشششنآإب حونششيه اشكال تخرع لتخصصات اللي ماسكتها السرية السنه ذي سائقين ومهمات وواجبات ..

مدربينهم

جندي هلآل حسين العتيبي..(( البهيمـه,,اللواء هلال,)) هاذي الألقاب اللي مطلقينها الطلبه عليه لأنه دايم يقول للطالب اللي ما يطبق بهيمه .. ومسمينه اللواء هلال مع انه جندي بس من قوة الشخصيه .. ايعازاته خيال وصوته حلوو الفصيل اللي يمسكه هلال الافضل بلا منازع جثه طويل القامة الله يعطيه الصحه والعافية انتبه يطيح عليك بمخالفة ولا شي ترا تروح فيها انتـبه بتاكل من الجزاء لين تفطسس..

جندي بندر القرني.(( الأفدغ )) الآدمي هذا الله يصلحه لآبس نظارات ايعازاته حلوه بس مدري شقصته ما عمري احتكيت فيه اتحاشاه ..

عريف سامي الهذلي(( البرنس )) انسسان خلوق ومتربي ايعازاته حلوه بصوت واضح ومفهوم الحصه معاه حلوه وسلسه وطريه ومئرمشه من جووه ..

جندي ابراهيم الجهني (( الاندونيسي )) شبابي لأبعد درجـه صوته واضح وايعازاته حلوه يساعدك بالحق اي شي تبيه روح له راح يتفهم لك .. بس ما عاد شفته في المدينه ..

رقيب السرية رقيب ظافر الشهري (( مطوع بريدة )) الانسان ذا ملتحي مطوع بس انه عصبي لا خوش عليك تخاف بس تطالع في شكله تدري ان الكلام من وراء قلبـة حبيب وذوق ياذوق يساعدك في اي شي تبيه ..

قائد السرية نقيب صالح الخلف .. ما شاء الله تبارك الله انسان محترم لأبعد درجـة خلوق عملي جداً يحب يشوف سريتة هي الافضل ويعمل في الخفاء لأبراز مجهوده في السرية يجتمع بالطلبة وينصحهم ويحثهم على الاداء الجيد .. والمسيء بياكل هوى معه اللي بيلعب معاه بيتعب لأنه انسان حكيم ...


سرية أبو عبيدة بن الجراح ..أنظبااااط بلآ حدود شعارهم معاً بلآ بزوطه لحياة افضل عالم من اختياري.. الاوادم ذولي ما عمري شفتهم متجازين ومحافظين ع الانظمـه ..

مدربينهم ..
جندي هاني عويض العتيبي(( الصامت )).. شاب صغير في السن بس عقله كبير هادئ جداً صوت ايعازاته قويه جداً حصصه ممتعه لا تبزوط معاه تسلم من الشر لأنه اذا جازى من قلب راح يخليك تنحاش مع الباب ..

جندي محمد عسيري(( النفسيه )) يجازي ومدري وش قصته مع الجزى يجيب النفسيه للواحد عشان كذا مسمينه نفسسيه انسان الله يصلحه ..
موسى عسيري (( اللورد )) الادمي ذا رجل ومحترم في الميدان اعطيه حصه تاخذ اللي تبغاه في السكن او في اي وقت برى الميدان .. محترم ... امتد انهض للورا در امتد انهض للوراء در .. انتبه اللي يبي يبزوط بيمر عليه الجزاء ذا يخليه تجيه ضمور في خلايا المخ ..
جندي اول فهد العمري (( بيبي فيس)) وجهه طفولي صوته خشن ايعازاته صعبه شوي تلقى بعض الطلبه يقلدونـه خخخخ بس الادمي حبيب ويساعد ..

عريف فايز الريشي (( محبوب الكتيبة )) رهيب ايعازاته حلوه وصوته قوي جداً الله يسعده وين ما راح ..
رقيب عبدالرحمن الزهراني (( الشيخ )) محترم جداً يطلب منك اي شي وتنفذة بعد ما تخلص يقولك شكراً اخلاق عالية وانسان متفهم الله يعطيه العافية ..
رقيب السرية فواز صالح العتيبي(( الوحش )) انسان عملي لأبعد درجة الطلبه يخافون منه لأنه اذا جازى يتعب من يجازيه ويمكن يخليه ينحاش .ما احد يحبه من الطلبة عشانه شديد ..
قائد السرية ملازم فهد بن محماس البقمي ..محترم وخلوق ووسيم ومحافظ رجل انضبط في الميدان وتلقى اللي يسرك ما تنضبط راح تتعب معاه اي مشكله تتعرض لها كلمه فيها وراح يساعدك رايته بيضاء ابو محماس الله يسعده وين ما راح جعل ابوه في الجنة ...
سرية خالد بن الوليد .. مصرقيعن مخلصين مقلعين ومع ذالك .. انظباط في الميدان وحصص وحماس ...
مدربينهم

جندي خالد عطيه البشري الحربي (( الشنب)) ابو عطية وما ادراك ما ابو عطيـة العسكريه تجري في دمه جري انسان عسسكري عاشق عسكريه انضبط معاة وراح تفلح ما تنضبط راح تاكل هوى بعدين عنده سرعة بديهـة ويكفش المبزوطين بأحتراف تروح السكن تبي ترقد ما تدري الا طالع لك من الدولاب يقول البس البجامه تنام يطلع لك من المخده يقولك لا تفكر ارقد تطفي النور يجيك في الحلم يقول بكره ابي حصه نشيطه وما ابي ملاحظات من الملازمين والضباط ...
جندي أحمد الشريف (( الملتزم )) انسان محترم بس اذا عصب تتعب معاه تاكل من الجزى لين تقول آمين ..
وكيل رقيب احمد زند الهذلي ((وين رفعت الرجل )) صوته حلو وعنده ايعازات قويـة مرح نكوتي بس عاد لا عصب تكره نفسسك انسان حبيب الله يسعدة ..
جندي علي الغرير القحطاني ... (( علي بلوكـه )) اول من اكتشف الجزى بالبلك يخليك تشيل البلكه وتجلس فيها وتقوم لين تعاف نفسك وحشش من جد يقال انه جاله عشر سنوات برتبة جندي مدري من البزوطه ولا وش القصـة
نائب قائد السرية بخيت الزهراني ((الشايب )) يصبغ دقنه دايم عشان ما يبين الشيب شكله ما يبي يشيب عصبي والكلمه الشينه عنده زي السلام عليكم.. الله يهديه
قائد السرية ملازم احمد حمزة شطاا (( ذا جنتل مآن )) محترم حازم صادق وافي يحب يساعد الطلبة في المشاكل .. مما يجعل الطلبة يحبونه واذا نزل الميدان دكو الميدان دك لعيونـة انسسان خلوق ويحب الخير للغير والله يسعدة ...
التخصصات حقت السنه ذي في مدينة تدريب مكه اللي انا فيها ...
جميع التخصصات حلوه ورواتبهم زي بعض ما تباعد من الخمسه وانتا طالع ..
سائقين يوم بيومين حلو تعمل يمكن سائق لعقيد او عميد وكذا ولا سائق تريله او باص ..ترقياتها طيبة
امن حرم راح تتعين في افضل بقاع الارض في مكه في الحرم او في المدينه في المسجد النبوي .. راحه نفسيه عملهم حلو يوم بأربع وعشرين وبعض الايام يوم بيومين ورمضان والحج ست ساعات بثمان طعش .. ..ترقيات عادية
مهمات وواجبات الرجال الاشاوس الوحوش مداهمات اوكار الدعارة ومصانع الخمور والاستراحات والقبض على الناس الوسسخه من شاذين ومهربين ومخدرات وحفظ الامن والأمان تعينهم في مراكز الشرطـة يوم بيومين ايه نسيت وفي ملاعب كورة القدم يعني ما راح تفوتك مباراة خخخخخ ترقيات حلوه على حسب
مرور ما احد يحبهم عشان القسايم فيه مرور في الشوارع ع دبابات وفيه على الكامري الرسميه وفيه مرور سري .. دوامهم يوم بأربع وعشرين لمده يومين واليوم الثالث يوم بيومين .. الترقيات طيارة سريع يترقون خصوصاُ اللي في مكه
أمن الطرق في الطرق السريعة عملهم مريح جداً ما يختلطون مع جمهور فيه يوم بيومين بالنسبه في المنطقه الغربيـة يوم بيومين عدا ايام رمضان والحج .. وفي المناطق الاخرى اسبوع بأسبوعين يجيك الراتب وانت فاتح فمك في بيتكم .. رواتبهم عالية توصل الستة ما شاء الله تبارك الله .. بس عملهم خطر يمكن تطارد فيه مهربين مخدرات حشاشين مهربين مخالفين .. ترقيات تمشي
اعمال مكتبيه تخصص جديد مستحدث يتعينون في جميع الادارات ادارة الشرطه ادارة المرور ادارة الدوريات الامنية ادارة امن الطرق عملهم من ثمان الصبح حتى ثنتين الظهر دوام اسبوعي خميس وجمعه معاك .ويالله ..الترقيات مدري عنهم القطاع جديد
بحث وتحري تخصص محبوب عشانك راح تكون بثوبك عشان ما احد يدري انك بحث وتحري تجيب المعلومات من هنا ومن هنآك وتمسك الاشرار اللي يروجون المخدرات او يخلون بالامن .. عملهم حلو يوم بيومين بس الترقيات لك عليها ..
امن وحماية مواقع حلوه تلقاهم على الأماكن المهمه مثل القصور والمباني الحكوميـة الله يوفقهم ويحرسهم يوم بيومين الترقيات حلوه تمشي ..
دوريات أمنية في كل مكان وفي كل حارة وفي كل مكان يحرسون الناس .. لهم صلاحية في كل شي مخالفت مروريه وكل شي عشان يحفظون الامن الله يحرسهم عملهم يوم بيوم لمدة يومين بعدين يوم بيومين .. ترقياتهم طيااااارة سريعه ..

علوم شرطية تصير محقق كونآن مالها صنف بس راحه في مخفر الشرطـة ..يوم بيومين ..
دوريات شرطه اللي يطردون الشباب في الشوارع ياخذونهم التوقيف بعد منتصف الليل تجوال محضور حلو عملهم يوم بيومين والترقيات ماشيه والله ولي التوفيق وسلامتكم هاذي التخصصات اللي عندنا وفيه تخصصات كثيره بس ما اعرفها ...
وفي النهاية لا تصير طماع تقول ابي وظيفه يوم جتك وظيفه قلت ابي التخصص الفلاني عشان كلام الناس من تابع الناس مات هماً ..
كلنا حمآة للوطن (( الامن العام يسمون العيون الساهرة يعني انت تسهر عشان راحة الناس لا تقول ابي اتوظف عشان ارتآح ))
الله يوفقكم ان شاء اللة والله اني فرحان لكم اللي انقبلتوا بس شدو حيلكم والله يوفقكم

للأمانة منقول: https://www.btalah.com/showthread.*****..#ixzz2N5fBgR2u
رد مع اقتباس
  #2 (permalink)  
قديم 10-03-2013, 04:16 AM
عضو متواصل
 
تاريخ التسجيل: Dec 2012
المشاركات: 72
معدل تقييم المستوى: 4387
حنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداعحنان البلادي محترف الإبداع
اسئلة واجابات عن الامن العام ( مـــــــــهــــــــــم )

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته


اليوووم لفيت وجبت لكم اسئله من الاعضاء المقبولين بالامن العام

واللي يجاوبون متخرجين الله يوفقهم ويسهل امرهم

اخليكم مع الاسئله

س من : لحظة من امل

شباب حبيت اسالكم كيف التدريب بالمدينه وكم المكافات والراتب بعد التخرج هل يفرق عن باقي مدن التدريب اولا لان انا بالرياض وقالوا لي انت تحول للمدينه ..وشكرااا

ج من : اني احلب الناقة

الرياض تستلم راتب عسكري بدون بدلات 2700
المدينة تعتبر طالب تستلم 900 ريال مكافاة
الرياض اول ماتدخل الدورة تعتبر عسكري
المدينة بعد ماتتخرج من الدورة تعتبر عسكري
بمعنى عسكري الرياض يترقى قبل عسكري المدينة لان خدمتة اكثر منة بسنة
الرياض تروح للحج وتستلم 15 الف ريال بعد الحج واجازة 15 يوم
المدينة ماتروح للحج
نصيحتي لكم ياشباب الي يدقون علية يلعب على المضمون ويختار الرياض

س من : الرقيب العاطل

شباب عندي سؤال

الحين الواحد متى يختار التخصص هل قبل لا يخش الدوره او بعد الدوره ...؟

لاني اشوف شباب من اللي اعرفهم يقولون اخترنا تخصصنا ...!!

مدري كيف جابوو التخصص ...؟

ج من : عسكري مبزوط

التخصص يخيرونك لكن ماينظرون لها

عندك واسطه تختار التخصص الي تبيه ماعندك انت وحظك

طبعاً الاختيار في نهاية الخمسه والاربعين اذا ما خانتني الذاكره

ويعلمونك بـ تخصصك بـ شهر عشره

س من : الرقيب العاطل

حبيت اسألك ياعسل ايش افضل تخصص بالامن العام انا ما ابي التخصصات كلها

لكن الشرطه او بحث وتحري كيف راحه وكيف دوامهم واللي معه شهاده حاسب يحطونه مكتبي

ج من : عسكري مبزوط


كل التخصصات زي بعض كلها عمل

البحث زين وفيه امكانيه تداوم مدني بثوبك

الشرطه اذا متعين في قريه مافيه عمل غير سوالف وفله

بس الشرطه السنه ذي شاتوهم شووت الي بجيزان والي بنجران والي بالشرقيه

وبخصوص العمل الاداري بحكم ان عندك شهادات حاسب

اذا عندهم نقص يحطونك بالاداره

س من : غريب المدينة

بس حبيت اسلئك كم سوال
طريقة التعين انت تختار كم منطقه ولاكيف
الرواتب يعطونك كلها بعد الدوره ولا ابداية الدوره

ج من : عسكري مبزروط

تختار ثلاث مناطق

لكن محد ينظر فيها

هم يعينونك على كيفهم

مكافاه كل شهر 900 ريال بداية من 25 رمضان

يعني تاخذ رواتب شهر 7 و8 و9 بنهاية رمضان مجموعها 2700 ريال

وتستمر المكافاة الى شهر 2

شهر ثلاثه تاخذ راتب بدون بدلات 2700 ريال

الين تتخرج

س من : غريب المدينة

تشرح نظام الدوره بالمدينه في شهر رمضان بتفصيل وين تروحون كحسب التخصص ولا الجميع يودونكم مكان معين ولا بمركز

ج من : عسكري مبزوط

شوف بـ رمضان

يقسمون الطلاب

الى (( بحث وتحري - مرور - دوريات امنيه - امن الحرم - امن وقائي << تبع الشرطه - ومجموعة القوه الاحتياطيه ))

يقسمون كل تخصص قسمين (( الفرقه الاولى - الفرقه الثانيه ))

مثال

البحث والتحري

50 طالب الفرقه الاولى

50 طالب الفرقه الثانيه

يوم تنزل االفرقه الاولى عند الحرم والثانيه تبقى بمدينة التدريب واليوم الثاني عكس

طبعاً يجي يوم االاربعاء الفررقه الاولى تطلع اجازه خميس وجمعه والثانيه تنزل عند الحرم

وعلى هـ المنوال

الكل ينزل عند الحرم الا المجموعه الاحتياطيه ماينزلون الا اذا فيه نقص بالافراد

ان شاء الله انك فهمت مني

س مني انا

انا اقدر اختار السريه اللي ابيها يمديني والا لا...؟؟؟

واذا يميدني اي سريه تنصحوني

ج من : O_o

ايه يمديك إذا تعرف احد بالمركز

سرية عمر بن الخطاب رقيبها الرقيب سليم عبيد الحازمي
والملازم اول حمدان الرشيدي قايدها
اكثر سريه السنه هاذي اخذت تعديات وسكنهم احلى سكن
سريه عمر 2 او 3 بالكثير يكونون محجوزين من الضباط الي في الاداره
مدربينها فله ماعدا يعقوب الهوساوي وسسخ

سريه ابو بكر الصديق نهايه كل اسبوع عدد المحاجيز في الـ20 مدربينهم شايفين انفسهم
ومافيه منهم إلا صالح المولد
ضابطهم الملازم عبدالرحمن العلواني مايتفاهم إلا بالحجز
واحد من سريتنا حك خشمه وقت الثبوت حجزه
رقيبهم مرزوق الاحمدي <= اطيب رقيب وقلبه ابيض

سريه عثمان بن عفان
سكنهم قديييم ومعفن عمره حول الـ 25 سنه وحالته حاله
مدربينهم اخس مدربين بالدوره حتى مسمينهم الصاعقه
كارفينهم كرف الي الاسبوع الماضي
رقيبهم ناصر عياد
وملازمهم المهايطي عبدالله اللقماني
الله يعينكم عليه توه متخرج وشايف نفسه بقوووه بس قدرو حالته عمره صغير وفرحان بالنجمه

إحتمال بتكون فيه سريه علي بن ابي طالب
رقيبها بيكون الرقيب احمد الزهراني
اهم شي عنده الميدان ورااااعي كرررررف
ومايفكر بالطالب اهم شي هو مايجيه كلام
ضابطها اطلق ضابط بالدووووره الملازم بدر طامي يمكن شفتوه في التقديم
سكنهم مثل سكن سرية عثمان قدييييييم

س من : قشطة بالشطة


عندي سعال يسدح نفسه الحين انا مابغى انتداب بالحج هل اخذ اجازه مثل المنتدبين
ولا اسنتر بمركز التدريب لو سنترت بمركز التدريب هل عطوهم اجازه مثل السنه الي كنتو فيها ؟؟؟؟؟؟؟؟؟؟


ج1 من : O_o

يالغالي حط فبالك انت في العسكريه مسير ومنت مخير
مافيه ماابغى اروح تروح غصباً عنك ان كان تخصصك بيطلع مكه
بالنسبه للأجازه الي مشو مكه عطوهم إجازه 18 يوم
والي جلس في المركز اعطوهم إجازه 5 ايام

ج2 من : عسكري مبزوط

اخوي انصحك بـ افضل مهمه بالحج الي هي انتداب لمدينة حجاج البر او مدينة حجاج البحر

طبعاً هالمدينتين كلها بالمدينه المنوره

تبدا المهمات بـتاريخ 15-11

وتنتهي 1-1

العمل فيه تستلم 24 ساعه وتسلم 48

طبعاً تسلم تروح بيتك ماترجع مركز التدريب

العمل مافيه عمل

س مني انا

اخر استفسار مثلا السريه عمر بن الخطاب رضى الله عنه يكون متخصصين مرور او كل القطعات

ج من : O_o

كل القطاعات

س من : الراقي

اقول شخبار الجوال معاكم باـ 45 يوم ~
مدآنآ نخشش ابوه ولا لا

ج من : عسكري مبزوط

البنقاليه الي بالميز يـ بيعون بـ200 مع الشريحه

وتقدر تهربه

س من الجميع

عن الـ 45 يوم

ج من : O_o

ياشباب بالنسبة للـ 45 يوم
الهروله ماعندك احد اول يوم لفه وثاني يوم لفتين وزي كذا
اكثر لفات اخذناها كانت 14 لفه جزاء
طبعاً الهروله فيها اناشيد حماس وبتعجبكم انت نشد وماتدري ان اللفه خلصت
بالنسبه لبرنامجكم بيكون
اول يوم تحضرو فيه بتروحو للميدان الكبير وكل مين بيسمع اسمه يروح ويجلس في الارض وتصفون جنب بعض لين يكتمل الفصيل
بيجي مدربكم ورقيب السريه ويفتشوكم وينثرو العفش ع الارض
بعدها ع السكن يوزعوكم ع السرر على حسب الكشف او بيان الفصيل
بعدين يعلموكم كيف تشدون السرير وبعدها تفتيش ثاني والباقي نسيته بالنسبه لأول يوم بس مااعتقد ان فيه تمارين وكذا
من بكره يصحوكم قبل الفجر بساعه وفيه جدول نظافه الي عليه النظافه ينظف والي ماعنده يروح ينام بالمسجد او الميدان
بعدين حصه مشاه لمده 45 دقيقه
بعدين فطور بعدين مشاه وبعدين نص ساعه راحه في الميدان ( الله يعينكم ع العطش )
وبعدين حصه مشاه وبعدها إنصراف ع البوفيه
تجيكم صلاه الظهر بعد الصلاه صفه وإستعداد لدخول الميز
بعد الميز صفه وبعدين إنصراف راحه للعصر
تصلون العصر وتنزلون حصه مشاه 45 دقيقه
بعدين إنصراف ع البوفيه
صلاه المغرب بعدها بتكون فيه صفه
قبل العشاء إنصراف وبوفيه
بعد الصلاه صفه ودخول الميز بعد الميز صفه وبعدها وضع النووووووووم
وزي كذا
اصعب ايام الـ 45 اول يومين
إن عديتها اعرف انك خلصت الدوره

س من : شبح العطاله

بس فيه ناس تقول تصليب من الساعه 7 الصبح الين العصر هذا صحيح والا لا

ج من : O_o

لاكلام ماهو صحيح اكثر شي اتصلبنا يمكن ساعه بس بس نتحرك ماعندك احد وكانت في الليل


س من : مزيون الشرقيه

عن البوفيه


ج من :O_o

البوفيه عندهم
شاهي + قهوه
بيبسي + حمضيات + سفن + ديو + بايسن + كودرد
سندوتش تونه + طعميه + دجاج +بيض + جبن + لحم مفروم


س من :عاطل العنزي

عن الاجازات والرواتب

ج من :O_o


الاجازات ياطويل العمر بعد الـ 45 يوم 10 ايام
بعد رمضان 10 ايام
بعد مهمه الحج ان رحت مكه وشاركت بمهمه مكه تاخذ 18 يوم + نوط الحج

بتاخذ من بعد الـ 45 يوم 900 ريال الى شهر 3
من شهر 3 بتاخذ 2600 ريال


س من :دحيم اللوح

يعني الحين بسالك اشتري 5بدل او ست كلها لونها اصفر للدوره؟ هل الاصفر لوني وسريتي الدائمه؟




ج من :O_o

اشتر 6 عشان يوم الجمعه عندكم غسيل وراحه
وبيصير لونك ذا على طول


س من :دحيم اللوح

ابجيب معي علاجات وادويه ؟يدخلونها ولا ممنوع


ج من :O_o

لا عادي تدخلها اهم شي لايمسكون معك دخان وجوال


س مني انا <<رجه

الحين الطلبات لازم كلها نجيبها

ولا مو شرط نجيبها كلها

ج من :O_o

لا مو لازم اخوي
زي الدفاتر وبويه البساطير انتم وبكرامه هاذي ماتحتاجونها إلا بعد الـ 45 يوم


عسكري مبزوط

انا بنزل لكم الطلبات الفعليه ونصيحه لاحد يززيد عليها شي



الطلبات المطلوب تأمينها من طالب الاتحاق بالخدمه العسكريه




1- حلاقة شعر رقم صفر

2-شنطه متوسطه الي تكفي اغراضك

3-درزن ملابس داخليه 12 فانيله 12 سروال صغير

4-شراب اسود 20 << كثرو الشربات تراها مهمه اوووي

5-فرشه ومعجون اسنان

6-ادوات حلاقه كامله

7-بنطلون رياضي (( 3 )) على حسب اللون المطلوب منك

المجموعه الاولى ازرق

الثانيه اصفر

الثالثه اخضر


8-فنيله رياضيه 3 <<< زي ماهو مطلوب منك


المجموعه الاولى ازرق

الثانيه اصفر

الثالثه اخضر

9-بوت رياضي ابيض 2 << لازم تشتري اصليه


10- ديتول جل للجسم


11-بجامة نوم لون ازرق فاتح 1 << ماهي مهمه اصلن تنام بالسروال الاخضر

12-منشفه 2

13-بودرة جسم 1

14-ملايه + بيت مخده 2

15-قفل صغير 2

16- قفل كبير للدولاب

17 - شرشف نوم

18 - فازلين

19- كاب ابيض رياضي 3

20- زنوبه << ونتم بكرامه



س من : غريب المدينة

كيف المدريبن وضع يعصبون ولا طيبين كيف المبنى وتدريبات الجميع يدربون ولا كل سريه تدرب لحالها


ج من : عسكري مبزوط

المدربين حلوووين

بس اول ايام يشدون عليكم يشوفون الرخوم الي تهرب

المبنى سرية ابو بكر بالدور الاول سرية عمر الدور الثاني

سرية عثمان لها ثلاث بركسات قديمه

التدريب كل فصيل يتدرب لحاله مع مدربه

الفصيل جزء من السريه


س من : المجازف الازرق

سرية ابو بكرالتكيف كيف فيها


ج من : عسكري مبزوط

سرية ابو بكر التكييف رائع الا الحضيره الثالثه اذكر مكيفاتها وجعانه بس يمكن صلحوها


عسكري مبزوط

التخصصات

دوريات امنيه - دوريات شرطه - مرور - بحث وتحري - امن الحرم - امن وحماية مواقع - مهمات وواجبات


س من : حلم الموادع

حبيت اسئل وقت الحضور نجيب البطاقه و الرخصه و الشهاده الاصل


ج من : O_o

جيب البطاقه والرخصه شهاده الاصل جيب منها صوره

وياشباب فيه نقطه بنبهكم عليها
انتم الحمدلله وماشاءالله مقبولين نهائي خلاص
إن كان عندكم نقص في الاوراق او بعض المستلزمات
بيطلبوها بعد الـ 45
رد مع اقتباس

س من : حميدان الحربي

كم المبلغ الي اخذة معاي في الدورة ولاماحتاج


ج من :O_o

من 800 ريال الي 500 ريال
بتكون اغلب مصاريفك في البوفيه ( الميز اكله تعبان)وغسيل الملابس


*****
والله اني تعبت الين جبت المعلومات هذي واللي اتمناه انكم ما تنسونا انا واخواني اللي انذكر اسمائهم فوق بالدعوة الصالحه امانه معاكم


(لا تنسوني من التقيم)

كل الود
ملاحظة : اتمنى من اخواني انهم لا يواخذوني لاني اقتبست من كلامهم اي شئ






للأمانة منقول: https://www.btalah.com/showthread.*****..#ixzz2N5imfBhJ
مفقود511 معجبون بهذا.
رد مع اقتباس
  #3 (permalink)  
قديم 10-03-2013, 04:40 AM
الصورة الرمزية تعنيننا
عضو مميز
 
تاريخ التسجيل: Feb 2013
المشاركات: 833
معدل تقييم المستوى: 58026
تعنيننا محترف الإبداعتعنيننا محترف الإبداعتعنيننا محترف الإبداعتعنيننا محترف الإبداعتعنيننا محترف الإبداعتعنيننا محترف الإبداعتعنيننا محترف الإبداعتعنيننا محترف الإبداعتعنيننا محترف الإبداعتعنيننا محترف الإبداعتعنيننا محترف الإبداع

بيض الله وجهك انشهد انك كفيت ووفيت يا الغالي
دعواتكم يا اخوان والله اني محتاج وظيفه
حلمي الامن العام واملي بالله كبير بان هذي السنه راح انقبل
علما بانه ماعندي واسطه ولا شي

رد مع اقتباس
  #4 (permalink)  
قديم 10-03-2013, 05:01 AM
الصورة الرمزية ملينآ يا دنيآآ
عضو متواصل
 
تاريخ التسجيل: Jul 2012
المشاركات: 94
معدل تقييم المستوى: 401
ملينآ يا دنيآآ محترف الإبداعملينآ يا دنيآآ محترف الإبداعملينآ يا دنيآآ محترف الإبداعملينآ يا دنيآآ محترف الإبداعملينآ يا دنيآآ محترف الإبداعملينآ يا دنيآآ محترف الإبداعملينآ يا دنيآآ محترف الإبداعملينآ يا دنيآآ محترف الإبداعملينآ يا دنيآآ محترف الإبداعملينآ يا دنيآآ محترف الإبداعملينآ يا دنيآآ محترف الإبداع

قممممممممممه الاستمتاع
بيييض الله وجهك

رد مع اقتباس
  #5 (permalink)  
قديم 10-03-2013, 05:21 AM
الصورة الرمزية محمد سعوود
(عضو لم يقم بتفعيل عضويته)
 
تاريخ التسجيل: Aug 2012
المشاركات: 607
معدل تقييم المستوى: 0
محمد سعوود محترف الإبداعمحمد سعوود محترف الإبداعمحمد سعوود محترف الإبداعمحمد سعوود محترف الإبداعمحمد سعوود محترف الإبداعمحمد سعوود محترف الإبداعمحمد سعوود محترف الإبداعمحمد سعوود محترف الإبداعمحمد سعوود محترف الإبداعمحمد سعوود محترف الإبداعمحمد سعوود محترف الإبداع

الله يوفقك عز الله أنك كفواا ماتقصر . المعلوماات ذي تفديني وتفيد اللي مسجلين بالامن العاام ..
تـم تـقـييمك .

رد مع اقتباس
  #6 (permalink)  
قديم 10-03-2013, 05:38 AM
الصورة الرمزية ععزيز
عضو مميز
 
تاريخ التسجيل: Jun 2012
المشاركات: 1,313
معدل تقييم المستوى: 393844
ععزيز محترف الإبداعععزيز محترف الإبداعععزيز محترف الإبداعععزيز محترف الإبداعععزيز محترف الإبداعععزيز محترف الإبداعععزيز محترف الإبداعععزيز محترف الإبداعععزيز محترف الإبداعععزيز محترف الإبداعععزيز محترف الإبداع

يعطيك الف عافيه استمتعت واستفدت ككثير بيض الله وجهك وماقصرت على النقل


بالتوفيق للجميع

رد مع اقتباس
  #7 (permalink)  
قديم 10-03-2013, 06:10 AM
الصورة الرمزية بعيّـد آلمدى
عضو مهم
 
تاريخ التسجيل: May 2010
المشاركات: 318
معدل تقييم المستوى: 104
بعيّـد آلمدى محترف الإبداعبعيّـد آلمدى محترف الإبداعبعيّـد آلمدى محترف الإبداعبعيّـد آلمدى محترف الإبداعبعيّـد آلمدى محترف الإبداعبعيّـد آلمدى محترف الإبداعبعيّـد آلمدى محترف الإبداعبعيّـد آلمدى محترف الإبداعبعيّـد آلمدى محترف الإبداعبعيّـد آلمدى محترف الإبداعبعيّـد آلمدى محترف الإبداع

اقتباس:
المشاركة الأصلية كتبت بواسطة ععزيز مشاهدة المشاركة
يعطيك الف عافيه استمتعت واستفدت ككثير بيض الله وجهك وماقصرت على النقل


بالتوفيق للجميع
تحس بحماس وانت تقراها ياعزيز صح ولا ؟ هههههههههههه

ودك دورتك بكره ^_^

الله يكمل فرحتنا بالقبول النهائي يارب
مفقود511 معجبون بهذا.
رد مع اقتباس
  #8 (permalink)  
قديم 10-03-2013, 06:16 AM
الصورة الرمزية منورنور
عضو مميز
 
تاريخ التسجيل: Sep 2012
المشاركات: 845
معدل تقييم المستوى: 546036
منورنور محترف الإبداعمنورنور محترف الإبداعمنورنور محترف الإبداعمنورنور محترف الإبداعمنورنور محترف الإبداعمنورنور محترف الإبداعمنورنور محترف الإبداعمنورنور محترف الإبداعمنورنور محترف الإبداعمنورنور محترف الإبداعمنورنور محترف الإبداع

جزاك الله خير وكل من شارك

والله يرزقنا بالامن العام

رد مع اقتباس
  #9 (permalink)  
قديم 10-03-2013, 06:19 AM
الصورة الرمزية خاالد الحرربي
عضو مميز
 
تاريخ التسجيل: Jul 2012
الدولة: المدينة المنورة
المشاركات: 1,245
معدل تقييم المستوى: 745387
خاالد الحرربي محترف الإبداعخاالد الحرربي محترف الإبداعخاالد الحرربي محترف الإبداعخاالد الحرربي محترف الإبداعخاالد الحرربي محترف الإبداعخاالد الحرربي محترف الإبداعخاالد الحرربي محترف الإبداعخاالد الحرربي محترف الإبداعخاالد الحرربي محترف الإبداعخاالد الحرربي محترف الإبداعخاالد الحرربي محترف الإبداع

مفيده جدا حتى تعرف وش جو الدوره ماتروح وتنصدم يعطيك العافيه

رد مع اقتباس
  #10 (permalink)  
قديم 10-03-2013, 01:35 PM
الصورة الرمزية آلمنآخ
عضو نشيط
 
تاريخ التسجيل: Dec 2012
الدولة: بـآكستـآن
المشاركات: 167
معدل تقييم المستوى: 8625
آلمنآخ محترف الإبداعآلمنآخ محترف الإبداعآلمنآخ محترف الإبداعآلمنآخ محترف الإبداعآلمنآخ محترف الإبداعآلمنآخ محترف الإبداعآلمنآخ محترف الإبداعآلمنآخ محترف الإبداعآلمنآخ محترف الإبداعآلمنآخ محترف الإبداعآلمنآخ محترف الإبداع

ممكن سؤآل للأخووووووه آلي دورتهم آنتهت !؟؟

آلي يبغي يدخل آدوية ,عآدل جداً ؟؟؟

لأن آنآ فيني ضغط ؟؟؟ هل عادي الدخول بحبوب الضغط ؟؟

رد مع اقتباس
أضف رد

(( لا تنسى ذكر الله ))


مواضيع ذات صله إستفسارات ونتائج الوظائف العسكرية

مواقع النشر (المفضلة) وتحتوي على WhatsApp لإرسال الموضوع إلى صديقك



تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة





الساعة الآن 12:29 PM


Powered by vBulletin Version 3.8.9
Copyright ©2000 - 2025, Jelsoft Enterprises Ltd
جميع الحقوق محفوظة لحلول البطالة

استضافة، تصميم مواقع، برمجة تطبيقات، من توب لاين