خذو صوره وحده وحطها على استمارة الطول والصور الباقيه يقولك جبها معك بكره بالمسبح

يالحــوت بكرهه موعدي في مستشفى قوى الامن بعرفه طولي 173 ووزني 53 تكفى فيه تشديد على الوزن يعني يطردوني ولا عادي يمشون النقيب حط وزني بالاستمارة 57 زلعت له لين وافق والله يجزاك خير

احمد العصيمي الله يجزاك بالخير حاب اسالك اختبرت غوص غالشرايع ولا باقي

شباب كلمني واحد يقول فيه احتياط يمكن يعلنون عن الاسبوع الجاي ولا الي بعده وانا والله مدري عنه صادق ولا لا


وين الحوووت يعطينا الخبر الاكيد

السلام عليكم يا شباب
أبشركم بأني نجحت في أختبار السباحة وعطوني موعد للمستشفى يوم الاربعاء . وأقول لكم وش صار معي بالتفصيل من أمس الاحد حتى اليوم :
حضرنا لمركز التجنيد الساعة الخامسة صباحاً وحصلنا لوحة كبيرة فيها كامل التعليمات المطلوبة علينا وعند الساعة السادسة والنصف فتحوا البوابة وكان فيه ضباط وأفراد كثير ووجهونا داخل المركز وأدخلونا في صالة كبيرة فيها طاولات وكراسي ووزعوا علينا أوراق نعبيها وندبسها في هالملف الاخضررررر . واللي يبغى أقلام وتصوير أو ماء وعصيرات يتجه للبوفية في طرف الصالة يأخذ اللي يحتاجه .

وبعد كذا يدخلون كل خمسين طالب في صالة ثانية مجاورة مقسمة لعدة أقسام مكشوفة وعليها أسماء اللجان وجلسونا على كراسي أنتظار ونتجه على واحد واحد للجنة تدقيق الهوية ليتأكد من البطاقة والصورة ويختم على الصورة ونبصم على الاستمارة . وبعد كذا نتجه للجنة الطول والوزن وبصراحة مشددين ومضيقين على الناس وخاصة في الاوزان ( الله لا يوليك زهراني ) وبعد كذا نتجه للجنة تدقيق الوثائق لمطابقة الشهادات والاوراق . وبعد كذا نتجه للجنة المقابلة الشخصية طبعاً كل لجنة توقع على استمارتها أنك مجتاز أو لا وبعدين تسلم الملف ويعطيك سند أستلام ويوجهك للجنة اللياقة البدنية خارج الصالة وإذا أجتزت يعطونك ورقة لليوم الثاني موجهة للجنة أختبار السباحة ومحدد فيه الموقع بمسبح رعاية الشباب بالشرائع . وبصراحة كنا متخوفين من الوضع وبعد ما شفنا أستقبالهم وترتيبهم أرتحنا كثير وخاصةً أوقات صلاة الظهر والعصر يوقفون أعمالهم ويوجهونا للمسجد ومواضيء مجاورة للصالة وموفرين كراسي أنتظار في الصالة يعني شغلة السرا والوقوف نادرة .

مالكم في الطويلة ... وهذا اليوم رحت الساعة السادسة والنصف للمسبح في الشرائع حسب ورقة الموعد ودخلونا في المدرجات وأمامنا المسبح وينادون على كل عشرة طلبة للبس سروال السباحة في حمامات مجاورة للمسبح ويوزعونا إلى مجموعتين على لجنتين ونبدأ في النزول للمسبح ( سباحة حرة وعلى الظهر والوقوف في الماء والغطس لقاع المسبح ) وبعد كذا نتجه لضابط عنده معدات غوص وبدلة ويسألنا عنها بدون ما نلبسها . وإذا رسبت يخرجونك من باب جانبي وبصراحة كان الرسوب قليل ( نفعت شهادة الاتحاد السعودي ) وإذا نجحت يوجهونك للجنة المستشفى في طرف صالة المسبح ، ويعطونك أستمارة الكشف الطبي لتعبئتها بالبيانات الاولية وتدبس الصورة عليها وترجعها للجنة ليختمون على الصورة وتوقيعها . ويعطونك ورقة موعد لمستشفى الأمن في مشعر عرفات . وقد حاولت يعطوني أستمارة الكشف على مستشفى الامن بالدمام لكنهم رفضوا وقالوا لي أن لجنة الكشف الطبي مركزية في مكة وحددوا لها موقع مستقل بمستشفى الامن بعرفة .

الحقيقة ما شفنا إلا كل خير في تعامل ضباط وأفراد المركز وتحملهم لأستفساراتنا وكانوا متكاتفين ومتعاونين . وأي طالب يحصل عنده ألتباس أو تظلم يدققون أوراقه وطوله ووزنه ويحاولون أقناعه بالتي هي أحسن ..
( لكن الوظيفة قـشــرى – جنيدي ) .
والله يصبرنا ونخلص على خير

يا شباب الله يوفقكم وان شاء لله تساهيل

تخصص تمريض اذا دخل الدورة وتخرج من دورة الدفاع المدني وين يتم التعيين ؟

سؤال يا اخوان :
اخوي ضمن المقبولين مبدئيا ( فني تمريض ) ومعاه دبلوم تمريض سنتين ونصف وكتب بنموذج الطلب مدة دورة التمريض 12 شهر لانها اعلى مدة ضمن الخيارات اللي هم حاطينها
وبخانة القياس كتب درجة قياس القدرات 70
والصحيح 63 يعني أخطأ بتعبئة خانه القياس علماً انه حاصل على اختبار القدرات عام 1427هـ
والان معه ايضا شهادة اختبار تخصص من الهيئه الطبيه

هل يؤثر عليه هذا الخطأ في اجراءات القبول وهل اختبار القدرات مطلوب علما بانه غير موجود ضمن المستندات المطلوبه

اعرف واحد استبعدوه امس من اول يوم للمقابله لانه كاتب انه حاصل على رخصة سياقه عمومي وهو ماعنده