يآلحوت لو فتح تقديم آلدفاع المدني وتمت آلآجرآئآت وكل شي متى تتوقع الدورة تبدا

يا شباب أبشركم رحت لمسبح رعاية الشباب اللي بالمجمعة (حي الامير سلمان) وقلت لهم أبغى أختبر علشان بأسجل في الدفاع المدني
وعلى طول أعطوني أستمارة أعبيها وأرسلوني لواحد في المسبح ونزلني أسبح رايح جاي على طول المسبح وغطست لقاع المسبح يعني الشغلة ما أخذت معي أكثر من ربع ساعة وبعد كذا وقع لي الموظف على الاستمارة ناجح
وأرسلني لمكتب عندهم أسدد رسوم 300 ريال وأعطوني الشهادة موقعه ومختم عليها.
المهم سألت أحد الموظفين عندهم ليش كل هذا .
قال لي أن هذه الشهادة صارت تجارة موسمية ومربحة لبعض النوادي والمراكز الرياضية وكثير منها غير معتمدة لدى الرئاسة العامة لرعاية الشباب . وصار فيها غش وتدليس . يعني تبغى شهادة أدفع المبلغ الفلاني حسب المدة بدون تدريب واللي ساعدهم في ذلك الشباب مستعجلين ولا يبغون الأرتباط في التدريب وأنكشف هذا التلاعب عندما ينقبل الطالب ويرسب في أختبار السباحة وشهادته مسجل فيها أنه دورة لمدة ستة شهور أو سنة . يعني الشغلة لعب في لعب .
علشان كذا اللي بيتوظف في الدفاع المدني ويعرف يسبح على طول يأخذ شهادة من قبل مواقع الاتحاد العربي السعودي للسباحة والموضحة في الاعلان السابق ويريح باله .
يعني بالمختصر المفيد ومن قاصرها اللي يبي يسجل في الدفاع المدني يجيب شهادة الثانوي + شهادة السباحة من الاتحاد العربي السعودي للسباحة . بلى بادي بلى خراط فاضي .