السلام عليكم ورحمة الله وبركاتة

تكفووون الي بعرف شروط استأجار ليموزين بالرياض

يعني الرخصة لازم (عمومي) ولا عادي (خصوصي)

العمر المطلوب كم ؟؟ ممع ان عمري 19

وكم اسعار السيارات ؟؟ مثلا (النترا)


الله يرزق الي يرد علي بوضيفة راتبها 15000 وزيادة سنوية 500 ريال ويوفقة ربي دنيا آخرة ;p

وعليكم السلام ورحمه الله وبركاته

ياهلا وغلا انا راح اعلمك لكن تراي مو متاكد من كلامي كل الكلام اللي سمعته من واحد من اخوياي شغال على

اللموزين والله العالم ان كان غيروها او لا العمر من 18 وفوق الرخصه (العمومي) جميع السيارات اما

الرخصه(الخصوصي) عادي اي سياراه ولكن يشترط انو ماتسوق سيارات كبيره مثل التريلات والسطحات

اما بخصوص اسعار السيارات مدري كم موديل تبي علشان اقدر افيدك وهل تاخذها بالتقسيط ولا كاش

وشكرا

السلام عليكم

تبي النصيحه مالك ومال وجع الراس ...الشغله خربوها الشركات كل شركه عندها الالف السيارات ومشغلين الهنود فيها
عموما شروطها ..رخصه عمومي ..ويكون عمرك فوق 21 سنه
وذ حصلت شركه وأخذت سياره منه ملزم بدفع مبلغ 150 بشكل يومي يعني تدفع الشهر 4500

وأذ عندك سياره كامرى كراسيده الــــخ تقدر تقدم على موصلات وتحولها تاكسي

بتوفيق

تقدر تطلع اكثر من ٤٠٠٠ الف بس مو على كل حال وراح تلحقك
تكليف زيوت كفرات خربات خصوصاً ان السياره راح تعمل بشكل متوصل لساعات طويله
شغله متعبه جداً الا اذا انت مايهمك الدخل وتبي تطقطق
الوقت الي رايق تطلع هذا شي ثاني واذا انت مره مصر على الاجره
طلع عن طريق بنك التسليف سياره جديده وبدون فوائد الشركات ماتصلح
وموفق ان شاء الله