الله يفرج همك وربي مثلي انا قربت ال28

والحمد لله متزوج وبشركه نمشى بها امورنا لحد مانحصل عسكريه

اخوي ما ازيد ع كلام اخوني .

بس روح الحرم ادعي هناك عند الكعبة وفي كل مكان في الحرم والله تشوف الرزق ينفتح لك من كل باب .

والله يا خوي اني لما اشوف احد عاطل او ما قبل او تعبان من شي اني احزن عليه لننا كلنا اخوان .
انا حصل لي موقف اني كنت مقدم ع وظيفة واللي مقدمين عليها 7000 او اكثر كمان والمطلوب للوظيفة 32 طالب بس وقلت ما فيه امل راحت واسطات وبعدين فكرت قلت اروح الحرم اصلي وادعي الله وان شاء الله اني اقبل والله جلست يومين اذا ما خاب ضني وجتني رساله مبروك تم قبولك .

نصيحه من اخو يبي الخير لك

باتوفيق لكم

اخووي كلنا محتاجين للوظيفة

وصدقني مهما كان راتبها راح تستفيد اشياء مثيرة ومن اهمها الخبرة اللي مزعجينا بها

وصدقني راح تمشي معك لكن رووح لأقرب شركة واذا تقول راتبها 3000 ومايسوي شيء هالأيام أنا معك فعلاً مايسوي شيء
ولكن أحسن من لا شيء . .

أعرف واحد يدرس جامعة من الصباح للظهر ..
وبعد الجامعة غير ملابسه وراح لأحد الشركات موظف كاشير بمطعم وجبات سريعة
والحين جامعي واحلى وظيفة ..

وتذكر : دائما الصعوبة فِ البداية

وربي يكتب لك ولي ولكل محتاج الخير

انا زيك 29 سنة لا زواج ولا وظيفة طفره وذل والسبب أصدقاء السوء ماهي غلطتهم لكن غلطتي أني طاوعتهم ولا شفت مستقبلي كنت مقتنع اني مالي بالعسكريه وان العسكر ماعندهم سالفه بالنهايه طلعت انا الي ماعندي سالفه وضاع العمر لازواج ولا شي اخوياي الي اصغر مني يودون عيالهم المدرسه ماشاء الله تبارك الله الله يخليهم لهم ولكن تأكد ان رزقك بيجيك وتفائل بالخير والله الله بالصلاة والدعاء ان الله أذا احب عبد ابتلاه أحيانا الله يبتليك ماهو شرط بصحتك أو وفاه قريب أو سمعتك ترى الرزق نوع من انوع الابتلائات يمكن ألله اشتاق لسماع صوتك وانت تدعيله يمكن انت مقصر بحق ربك خلك مع الله والله بييسرها

الله يوفقك ويسر امورك

توك تفكر بالعسكرية بعد 8 سنين توك تفتح مخك .؟؟؟؟كان عريف الحين

والله العظيم يأخوان اني في ضيقه مايعلمها الا الله

مليت من الطلعات مليت من كل شئ

لدرجه اشوف اللي بعمري الحين مكون نفسه

واموت باليوم الف مرررره

الحمدلله محافظ على صلاتي ليل ونهار

وش الحل ياخوان ابي اتوظف ابي وظيفه

ابي اكون نفسي مابي اجلس كذا

والجلسه تضيق الصدر تجيب الاكتئاب تجيب المرض الجلسه

تجيب الامراض النفسيه والعقليه والجسديه

احس اني استسلمت لكل شئ احس كل شئ مسكر قدامي بسبب عمري

اقدر اروح للامير سلمان اقدم عليه برقيه اقدر اكلم احد المسئولين في الدوله

=ياخوي ماعندك الا الجيش تروح تقدم لهم ملفك وتكتب معروض وان شاءالله تنقبل صدقني سهاله شوفني اليوم رحت وقدمت بالرياض وشالو ملفي وقالوليلي انتظر اتصال

يأخوان انا ماكتبت هالموضوع الا ابي نصايحكم وش اسوووي الله يوفقكم