والله فيها فلوس شغلة الجح لكن في الشوارع الله يعينك على البلدية يا تسلم بضاعتك يا يقشون سيارتك وبضاعتك وبالتوفيق

انا اشوف البلدية ما يقولون شي وخاصة للسعودي
فيها خير لكن عليك بأخذ عينة من الجح وتذوقه قبل اخذ الكمية
والله يربحك يالغالي

طيب يعطيك العافيه على الرودو


انا في الرياض من وين اخذ الجح ابي شئ قريب !!


والشئ الثاني

ابي اسئلكم عن التمر ابي اخذ كميات كبيره من وين

أخونا محتار وأفكر
الفكرة ممتازة جداً
الحصول على الجح من سوق الجملة في العزيزيه
لكن الأفضل أن تشتري من المزارع مباشرة
حتى لو تطلب الأمر منك سفر قريب للقصيم ٣ ساعات
وبأذن الله تدبل راس مالك
وكذلك التمر
والله يوفقك ويوفق شباب المسلمين
ويارب نقرأ لك قريباً انك تحمل تريلات وسيارات نقل ثقيلة
وتصير من كبار التجار يا رب

توكل على الله روح اشتري من الحلقه وبيع باذن الله مكسبك فيها ذهب انا كانت اشتغال في الحلقه وكذلك ابوي يعني بالميت شهريا 8000الف ريال مكسبك بس يبغالك تقوم قبل الفجر تروح للحراج وتشتري وتشوف موقت مميز عموما البيع يبدا من بعد الساعه تسعه صباحا

اما البلديه والشرطه ما احد يقدر يكلامك لانك سعودي بس اهم شيء لاتصايق الطريق او دائره حكوميه او مستشفيات

اي استفسار انا جاهز

ماشاء الله تبارك الله فكرة ممتازة

خصوصا لما يجي مكسب بعرق الجبين ، انا اشتغلت في هذي الشغلة قبل عشر سنوات وفيها ذهب ماشاء الله ، وكنت اشتري حمولة "جمس" من سوق ساجر للخضار وابيعها في المدن القريبة من الرياض مثل المزاحمية والقويعية وغيرها ،، طبعا الحمولة سعرها هذاك الوقت يطلع بـ 700 ريال بالكثير 800 ريال ،، لكن إذا بتروح سوق العزيزية بالرياض للجملة فالله يعينك على الأسعار فيها مبالغة بصراحة ،، أنا كنت في سوق العزيزية قبل اسبوع تقريبا حصلت ( 10 ) حبات بس على 250 ريال يعني الحبة تطلع عليك بـ 25 ريال !!!! المشكلة أن الحبة صغنوووونة ماتستاهل المبلغ هذا ..

الحبحب فيه خير غير طبيعي بس تحتاج تتعب عشان تكسب ،، ولو معي وانيت على طوووول اروح ساجر بدون اي تردد .. بالتوفيق اخوي

عليك بالمزارع

عندك وادي الدواسر. أو ساجر

تأخذها بسعر الجملة تتراوح أسعارها. من ٣ ريال إلى ٧ ريال

هذا الكلام. من زمان أما الآن فلا أعلم عنها

عليك بالمزارع. غير. كذا. لا تدور

حتى التمر

up
up

up
up

افضل حبحب وبدون منازع حبحب ساجر

ما هو من خبره بس من كلام ناس قابلتهم لهم خبره في الخضار والفواكه

بس اتوقع انه يتاخر

والبيع افضل بيع بيحصل معك بآذن الله يوم الجمعه شوف مسجد كبير وبآذن الله الونيت يخلص في نصف ساعه بدون مبالغه