السلام عليكم ..
كثير أبحث بالنت عن هالمشروع لكن مالقى اللي يفيدني
نعرف أن المشروع مربح ولكن تفاصيل ودراسه المشروغ غامض
عشان كذا حطيت هالموضوع للي يبون يستفيدون

وأنا أول ماقريت موضوع عن المشاريع جت هالفكره براسي
واهم شي المشروع مافيهم مكاين ووجع راس لاني جد استغربت من أسعارها :| $$

هذا الموضوع .....................::
من واقع دراسة تحليلية قام بها مكتب فرص الاعمال لمشروع التصميم الداخلي لأحد العملاء . ومن واقع خبراتنا واحتكاكنا الشخصي بأصحاب هذا المجال اكتشفنا انه من اربح المشاريع وافضلها .. احد المصممين وهو لبناني الجنسية اخبرنا أنه يحصل شهريا على اكثر من 20 او 30 عقدا لتصميم منازل او معارض او مكاتب او مشاغل او مطاعم . وقيمة كلل عقد لاتقل عن 40 ألف ريال ..
فهل تتصورون ارباحا خيالية بقيمة 800 ألف ريال شهريا او اكثر .. هذه الحقيقة هي معدلات ارباح اصحاب مشاريع التصميم الداخلي .
والمفاجأة الاكبر انني علمت أنه لايملك الا مكتبه الخاص فقط ولايوجد لديه عمالة ولا ورشة ديكور ولا أي مصاريف اخرى.
فهو يتعاقد مع ورش ديكور ومكاتب مقاولات ومعلمين خارجيين لكل اعماله من دهان وجبس ورخام وتشكيل معادن وزجاج وغيرها .
لذا فهو يخطط وغيرة ينفذ .. هو يستغل حسه الابداعي في التصميم لجلب العملاء .. ويربح الملايين من هذا الفن والموهبة .
فلماذا لا تغامروا وتدخلوا بكل قوة لهذه المشاريع الصغيرة المربحة .. فهي لاتكلف اكثر من تجهيز مكتب ب 50 ألف ريال وسيارة ومندوب خاص فقط .. وكل الاعمال المتبقية تقوم بها الورش الصناعية وما أكثرها في المنطقة الصناعية . . ويقوم بها مقاولين وعمالة بعقود من الباطن .. استعينوا فقط بمهندس ديكور وتصميم فقط .

وإذا نجح المشروع وكبر وتوسع تقدرون تجيبون ( عماله جبس - ودهانات ولا انصح بالاثات لان البضائع تتكدس والناس يبون جديد ومع الموضه )




شرايكم ..............
الحين المندوب وشو ؟؟ اذا قصدهم مسووق ماايحتاج الحين الواحد يقدر يسوق لنفسه : ) !

المهم ..................:::
يفضل أن المصمم ياخذ جزء من الربح ولا تتكلفون براتب
يمكن وقتها مامر عملاء

خلو الربح يتوزع الى 3 ( لمصمم - ولك - ولـ ميزانيه المشروع من اجارات المحل او اي ظروف تمر عليك يعني للزمن )

أستفساراتي أنا ....... ؟
تتوقعون المشروع بالبداية غير رأس المال الاول يحتاج ميزانيه ثانيه لانجاز ديكورات العملاء ؟؟
او العملاء يدفعون + ناخذ ربح عملنا ومانظيف شي اللي علينا بس تجهيز المكتب والمصمم والكمبيوترات الخاصه ؟

الاستفسار الثاني .......
لو المصمم طلع .. ينفذ التصاميم مين بيمسك المحل هل اجيب عامل بنقالي حق تحضير قهوه وتنظيف ؟
لو اني رجال مسكت المحل : )

سألت مصممه لها خبره بالخليج قالت حطي سكرتيرة
بغيت انقز لها من الجوال .........شايفتنا بمصر ....؟؟؟ ياخرااابي ههههه

صراحه المشروع مايمشي صح اذا الواحد ماوقف عليه !!
ف انتو يامعشر الرجال إذا بتسون هالمشروع حطو لكم مكتب وجهزو كتالوجات
ديكور للمحلات للبيوت للمشاغل والصالونات وومحلات المطاعم وهكذا
حتى تكونوا على خبره يعني تعلمو من المصمم وكونو مكانه اذا غاب وطلع ينفذ
واوقفو على مشروعكم

طبعا المشروع باذن الله مربح سالت مصمم
قال اطلع بالشهر 20 الف : )


وترا ............. أنا أمشي وأدرس مشاريع مثلكم ........ عشان لو جمعت رأس المال أشوف المشروع الانسب له
والله يوفق الجميع

.............................................

لها الدرجة ماعجبتكم فكرة المشروع @@
طيب تعالو ناقشو قولوأ أرائكم
ماخاب من استشار : )

بما اني اشتغل بالمقاولات بختصر رائي الشخصي
ان مبتعد تماما عن التشطيبات بسبب المشاكل

مثلا سواء فهم من احد الاطراف يكلف جهد ومال من حسابي

وحسب علمي التصاميم الداخلية تكون من خلال المكاتب الهندسية واللي تتكلمي عنه يشبه مكاتب تصميم الشعارات واللوحات

الفكرة مرة حلوة

ماخاب من استشار : )

كثير من الناس الآن يفكرون في الديكور مع تفكيرهم في مخطط البناء ويطلعون مهندسي الديكور على المخطط قبل البدء في البناء ويطلبون تصاميم للديكور ليتلافوا مشاكل التعديلات والدخول في مشاكل مع المنفذين

المندوب اللي سألت عنه مندوب مبيعات يعرض أعمال المصمم على الجمهور ويجيب عقود والمصمم يحتاج له لأنه يختصر عليه المطارد وراء جلب العقود فيتفرغ للتصاميم خصوصا أن التصميم غالبا عمل فني إبداعي يحتاج لروقان

وغالبا ما يحتاج رأس مال آخر لأن الزبون يدفع عربون إلا إذا كان فيه اتفاق بين المصمم وزبونه على تأخير الدفع لكن في الغالب لابد من دفعة مقدمة

المشروع ناجح لمن عندهم موهبة + دورات في التصميم وإلا فهو مضيعة وقت وخسائر مالية

^
نعم ماخاب من استشار ... بس لاتنسى أني محضره الفكرة مو ضايعه : )
وأبي أستشارات ونقاشات وعرض تجارب ...

وشكراً للتوضيح ولافادتك بشكل عام
شكل المندوب مهم : )

شكررا لكل من مر من هنا

وعليكم السلام


امممممم

راح اتكلم بحكم خبرتي في السوق ومجالي قريب من مجال طوني اللبناني

اولاً اي شي نادر وفكرته جديده دائماً دخله حلو وللامانه لم اسمع عن دخل خيالي كدخل

المصمم اللبناني ماشاء الله تبارك الله

الله يزيده ولايضره

انا اؤمن بأنه لاشي مستحيل وهذا المجال يحتاج اكثر شي للعلاقات العامه

بمعنى انه لابد يكون لك معارف كثر في نفس المجال حتى تقدر تمشي شغلك

فن الديكور دائماً يحتاج للانثى بحكم ذائقتها لانها عايشه اصلاً في الوان

يعني لو اي فتاة اجادة الرسم بالثريدي 80 في % راح تنجح

و طبعاً بعد زيادة ثقافتها في نفس المجال من فهم لاسس الديكور سواء شرقي او غربي او

شمالي اللى اخره

والمسأله ماهي صعبه

1- نية وشدة حيل

2- اختيار برنامج 3d وتبداء في تعلمه

3-دراسة فن الديكور

المدة المتوقعة للانتهاء من الدراسه من 2 الى 3 سنوات >> تعليم ذاتي وبعد كذا تسمى

مصممة ديكور

هل ستنجح ؟

بحكم تجربتي >> نعم بأذن الله

لسبب بسيط >> دائماً الشي الحلو يفرض نفسه ولا يحتاج لواسطه او شي

والمشروع تكلفته جهاز لايتعدى سعره 1500 ريال كبداية ولما تحصل دخل تقدر تطور نفسها

بأجهزة وورك ستيشن متخصصة

على فكرة برامج الثريدي فيها من الواقعية مايسحر العين وهي ادوات فعاله لجلب المال

بعد توفيق الله طبعاً