[align=center]
السلام عليكم ورحمة الله وبركاته ..

بكره عندي مقابلة في شركة go للاتصالات
أتصال علي واحد منهم أمس و قال : عندك مقابلة لوظايف خدمة عملاء حبيت استفسر منه وش الوظيفة و كذا لكن ما عطاني اجابات يقول تعالي و تعرفين كل شي طبعا انا سحبت عليهم
و اليوم أتصل مره ثانية .. و قال: تعالي بكره عندك مقابلة سالته وش الوظيفة قال : خدمة عملاء هاتفية قلت له : أعتذر عن الوظيفة قال : فيه وظايف ثانية قلت : وش قالي: في الجودة كله مكاتب نسائية
اللي حابه اسال عنه في احد راح لهم اليوم و قابلوه ؟ او اي أحد يعرف وش وظايفهم ؟ لاني خايفة اروح و يحاول يقنعني بخدمة العملاء الهاتفية و أطق مشوار على الفاضي
[/align]

اذا كانت من الشركة نفسها جو الافضل انك تروحين لهم حتى لوكانت خدمة عملاء هاتفيه .

بالتوفيق

انا تعبت من كثر ماروح .. أقدم على الفاضي .. و كله خدمة عملاء هاتفية و كول سنتر خراطين ترا حنا سعوديات و جامعيات موب هالمستوى ناخذ وظايف .. الوظايف الزينة خاشينها للاجانب و قرايبهم ... فاسحبت عليهم ههههه أحسن يساتهلون .. أن شاء الله ربي بيعوضني أخير منها

اش فيها وظيفة خدمة عملاء علشان ما تناسب الجامعية؟
وبعدين ترى الآن أغلب الشعب جامعي وبالكاد نحصل وظائف ؟ وأغلب الشركات تبدأ مع الموظف بوظيفة معينة حتى يثبت جديته وترقيه ؟

لو مكانك قبلت عالأقل احصل خبرة

فيه موضوع نزله مسؤول توظيف في شركة معرف باسم مصاعد الخليج أظن في قسم تجربتي الوظيفية أتمنى تطلعين عليه وموضوع نزله أخ معرفه باسم اتصال عن المقابلات الشخصية ممكن يفيدك

الله يوفقك

هي ما فيها شيء بس كوني بنت و أتصل على الناس رجال و نساء أتوقع ماتناسبنا كابنات وظوابطنا الشريعية
اما بنسبة للمواضيع اللي قلتي عنها بحثت عنهم للاسف مالقيتهم ياليت تنزلي الروابط هنا

موفقه