مساء الخير . .

1- وش رائك في الزواج المبكر ؟؟
ارفض بشدددده



2- ما السبب اللي حملك على رائك في الزواج المبكر ؟؟
اولا قناعه شخصيه .. بأنو كل ماكان الطرفين كبار .. راح يكونوا ناضجين فكريا ..وعقليا .. واقدر على تحمل المسؤلية ..
وكمان..
التجربة الشخصية (المريره) ..
3- حادثه واقعيه في محيطك او مجتمعك عن الزواج المبكر؟؟
انا ...

4- ماسبب فشل الزواج المبكر من وجهة نظرك ؟؟
أولا. .قضاء الله و قدرة . .
ثانيا : .الحياة الزوجيه كل مالها وتصير اصعب .. خصوصا مع جيلنا الجديد .. والتعامل معاها صعب ..فلما يكون الزوجين صغار ..
من اول مشكله تواجههم الزوج يبغى يطلق .. والزوجه تلم شنطتها وتروح بيت اهلها .
كل مكان الزوجين اكبر سننا (سن مناسب ) راح يكون قادرين أكثر على التعامل مع ضغوط هذه الحياة الصعبه
ومواجه المشاكل والتعامل معاها بطريقة صحيحه ..
وبعدين بصراحه .. شباب هدي اليومين ( واكيد ما اعمم ) الكبار مايتحملوا مسؤولية فما بالكم بالصغار .. وكمان البنات نفس الشي ..
عايشه في بيت اهلها بس تاكل وتنام .. وتدرس .. وفجأة يكون عندها بيت وزوج واولاد ..
ووقتها ماتعرف تتعامل مع دي الحياة الجديده ..
وثالثا : وبعيد عن موضوع السن ..بشوف انو زواج الاقارب احد اهم اسباب الطلاق المنتشر في مجتمعنا ..

5- مالعمر المناسب للزواج للشاب والفتاهـ من وجهة نظرك؟؟
للشاب // 26
للفتاة // 22



6- اذا كنت شاب او فتاهـ وعرض عليك (ي) الزواج المبكر شاب يتكفل بزواجك
بنت خطبك الكفؤ هل تقبلين ام لا ؟؟ ولماذا؟؟
نو طبعا ..
لأنو برأيي حيكون زواج مصيرو الفشل ..
والزواج ( مشروع العمر ) ... يعني لو لقيت زي مابتقول شخص يتكفل بكل تكاليف الزواج .
. عشان اتزوج في وقت مبكرا ..واتزوجت .. وفشل دا الزواج ..فين الفايده في الموضوع ..
وقتها حتتمنى تدفع اللي وراك واللي قدامك عشان تفتك من دي المشكله .. << واكبر مثال على دي الفكره انا ( دفعت مهري كامل عشان الطلاق)

صدقوني ... مهما كانت المغرايات قبل كل شي لازم يكون القرار والأختيار صح ..